தயவு செய்து எங்களை விட்டு விடுங்கள் குஜராத் காங்., - எம்.எல்.ஏ.,க்கள் கதறல் Dinamalar
பதிவு செய்த நாள் :
தயவு செய்து எங்களை விட்டு விடுங்கள்
குஜராத் காங்., - எம்.எல்.ஏ.,க்கள் கதறல்

பெங்களூரு:பா.ஜ.,வுக்கு பயந்து, பெங்களூரு சொகுசு ஓட்டலில் தங்க வைக்கப்பட்டுள்ள, குஜராத் மாநில, காங்., - எம்.எல்.ஏ.,க்கள், சொந்த ஊருக்கு செல்ல அனுமதிக்கும்படி பிடி வாதம் பிடிப்பதால், காங்., மேலிடத்துக்கு நெருக்கடி ஏற்பட்டுள்ளது.

குஜராத்தில், முதல்வர், விஜய் ரூபானி தலைமையிலான, பா.ஜ., ஆட்சி நடக்கிறது. இங்கு, மூன்று ராஜ்யசபா எம்.பி., பதவிக்கு, அடுத்த மாதம், 8ல், தேர்தல் நடக்கஉள்ளது.

பா.ஜ., சார்பில், அதன் தேசிய தலைவர், அமித் ஷா, மத்திய அமைச்சர், ஸ்மிருதி இரானி, சமீபத்தில் காங்கிரசிலிருந்து வெளியேறிய, சங்கர்சிங் வகேலாவின் உறவினரான, பல்வந்த்

சிங் ராஜ்புத் போட்டியிடுகின்றனர்.காங்கிரசுக்கு, குறைவான, எம்.எல்.ஏ.,க்கள் உள்ளதால், சோனியா வின் அரசியல் செயலர், அகமது படேல் மட்டும், போட்டியிடுகிறார். ஒரு உறுப்பின ரின் வெற்றிக்கு, 47 எம்.எல்.ஏ.,க்கள் ஓட்டு தேவை. இதன் மூலம், 116 உறுப்பினர்களை வைத்துள்ள, பா.ஜ.,வால், இரண்டு இடங்களிலும், 57 உறுப் பினரை வைத்துள்ள காங்கிரஸ்,ஒரு இடத்தி லும் எளிதாக வெற்றி பெற முடியும்.

அகமது படேல் வெற்றி பெற வேண்டுமானால், 47 எம்.எல்.ஏ.,க்களின் ஓட்டுகள் தேவை; ஆனால்,
காங்கிரசின் மூன்று எம்.எல்.ஏ.,க்கள், பா.ஜ.,வில் இணைந்துள்ளனர். மூன்று பேர், பா.ஜ.,வுக்கு ஆதரவு தெரிவித்துள்ளனர்.

மேலும் பல, எம்.எல்.ஏ.,க்கள், காங்கிரசிலிருந்து

Advertisement

தயவு செய்து, எங்களை,விட்டு விடுங்கள்,குஜராத்,காங்., - எம்.எல்.ஏ.,க்கள், கதறல்

விலகி, பா.ஜ.,வில் இணையக் கூடும் என்ற தகவல் வெளியானது.அகமது படேல் தோற்று விடகூடாது என்பதற்காக, தங்கள் கட்சி, எம்.எல்.ஏ.,க்களை தக்க வைக்கும் முயற்சி யில், காங்கிரஸ் களம் இறங்கியுள் ளது. 40க்கும் மேற்பட்ட, காங்., - எம்.எல்.ஏ.,க்கள், இரவோடு இரவாக, கர்நாடகா மாநிலம் பெங்களூருக்கு அழைத்து வரப்பட்டு, இங்கு உள்ள சொகுசு ஓட்டலில் தங்க வைக்கப் பட்டுள்ளனர்.

இதற்கிடையே, கோவா ரவாரி, தர்ஷிபாய் கானாபூர், மகேஷ் படேல் உள்ளிட்ட, சில, காங்., - எம்.எல்.ஏ.,க்கள், குஜராத்தில் வெள்ளப் பெருக்கு ஏற்பட்டுள்ளதால், பாதிக்கப்பட்ட மக்களுக்கு உதவ, அங்கு செல்ல அனுமதிக்கும் படி, காங்கிரஸ் தலைவர்களுக்கு நெருக்கடி கொடுத்து வருகின்றனர்.

'எம்.எல்.ஏ.,க்கள், குஜராத்துக்கு சென்றால், பா.ஜ., வலையில் விழுந்துவிடுவர்' என, காங்., தலைவர்கள் கருதுகின்றனர். இதற்கிடை யில்,எம்.எல்.ஏ.,க்களை குடகு மாவட்டம் மடிகேரிக்கு அழைத்து செல்ல, கர்நாடக காங்., தலைவர்கள்திட்டமிட்டு உள்ளனர். இதற்கி டையே, காங்கிரசை சேர்ந்த, 42 எம்.எல். ஏ.,க் களையும்,காங்.,மேலிடம்,பத்திரிகையாளர்கள் முன், ஆஜர்படுத்தியது. அப்போது, நிருபர்கள் கேட்ட கேள்விகளுக்கு, எம்.எல்.ஏ.,க் கள் பதில் அளித்தனர்.


Advertisement

வாசகர் கருத்து (49)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Thiyagarajan Srimbhs - Coimbatore,இந்தியா
05-ஆக-201706:08:23 IST Report Abuse

Thiyagarajan Srimbhsஇந்திய வரலாற்றில் தமிழகம் முன்னணி. மாநிலங்கள் எல்லாம் தமிழகத்தை பின்பற்றுகின்றன. ஆள்கடத்தல் கமிஷன் வாங்குதல். மக்கள் பெருமிதம் கொள்கிறோம்

Rate this:
murugu - paris,பிரான்ஸ்
31-ஜூலை-201721:24:33 IST Report Abuse

muruguடிமானிடேசனுக்கு பிறகு கள்ளப்பணம் குறைந்துவிட்டதாக மோடி அவர்கள் சூளுரைத்தார் குஜராத் MLA கலை வாங்குவதற்கு பி ஜே பி காரர்களிடம் ஏது இந்த அளவுக்கு பணம் ?ஓஓஓஓ மக்களிடம் இருந்த கருப்பு பணம் யாவும் இப்போது பி ஜே பி இடம் மட்டும் தான் இருக்கிறது போல் இருக்கிறது

Rate this:
Ramamoorthy P - Chennai,இந்தியா
31-ஜூலை-201717:33:14 IST Report Abuse

Ramamoorthy Pஇது குஜராத் மாடல் கூவத்தூராக இருக்கிறதே. எம் எல் ஏ க்களை குஜராத் வெள்ளத்தில் தள்ளி விடாமல் இருந்தால் சரி.

Rate this:
மேலும் 46 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X