காங்கிரசில் கமல்?: காத்திருக்கிறது தலைவர், எம்.பி., பதவி Dinamalar

அரசியல் செய்தி

தமிழ்நாடு

பதிவு செய்த நாள் :
காங்கிரசில் கமல்?: காத்திருக்கிறது தலைவர், எம்.பி., பதவி

நடிகர் கமல், காங்கிரஸ் கட்சியில் இணைந்தால், அவருக்கு, தமிழக காங்., தலைவர் பதவியும், ராஜ்யசபா எம்.பி., பதவியும் வழங்க, அகில இந்திய காங்., துணைத் தலைவர் ராகுல், பச்சைக் கொடி காட்டியுள்ளார். அரசியலில் குதிக்க ஆலோசித்து வரும் ரஜினியை வீழ்த்த, காங்., இந்த முடிவை எடுத்துள்ளது.

 காங்கிரஸ், கமல்,காத்திருக்கிறது,தலைவர், எம்.பி., பதவி


லோக்சபா தேர்தல், 2019ல், நடக்க உள்ளது. இதில், தனிப் பெரும்பான்மையுடன் ஆட்சி அமைக்க, காங்., விரும்புகிறது. இதற்காக, மாநில வாரியாக, கட்சியை பலப்படுத்தும் வியூகங்களை, ராகுலின் அரசியல் ஆலோசனை குழு வகுத்து வருகிறது.

காங்கிரசில் சேர்க்கலாம்



மேலும், செப்டம்பரில் நடக்க உள்ள உட்கட்சி தேர்தலில், அகில இந்திய காங்., தலைவராக ராகுல் தேர்வு செய்யப்பட உள்ளார்.அவர் தலைமையேற்ற பின், அனைத்து மாநில

தலைவர்களையும் அதிரடியாக மாற்றி விட்டு, தன் ஆதரவாளர்கள் மற்றும் மக்களிடம் செல்வாக்கு பெற்ற புதுமுகங்களை நியமிக்க திட்டமிட்டுள்ளார்.
ஜெயலலிதா மறைவுக்கு பின், தமிழக அரசியலில் ஏற்பட்டுள்ள வெற்றிடத்தை தங்களுக்கு சாதகமாக்கி, லோக்சபா தேர்தலில், பெரும்பாலான இடங்களை கைப்பற்றவேண்டும் என, ராகுல் விரும்புகிறார். அதற்கேற்ப, கட்சியை வலுப்படுத்தும் வகையில், மாநிலத்திற்கு புதிய தலைவர் உட்பட, மாநில நிர்வாகத்தையும் மாற்ற, ராகுலுக்கு, அவர் அமைத்துள்ள அரசியல் ஆலோசனைக்குழு யோசனை தெரிவித்துள்ளது.
தமிழக அரசை, நடிகர் கமல் கடுமையாக எதிர்த்து வருவதால், அவரை காங்கிரசில் சேர்க்கலாம் என்ற, யோசனையும், ராகுலிடம் முன் வைக்கப்பட்டுள்ளது. கமல் கட்சியில் சேர்ந்தால், தமிழக தலைவர் பதவியையும், வேறு மாநிலத்தில் இருந்து, ராஜ்யசபா எம்.பி., பதவியையும் வழங்க, ராகுல் பச்சைக்கொடி காட்டி உள்ளார்.

ரஜினியை வீழ்த்த


இது குறித்து, காங்., வட்டாரங்கள் கூறியதாவது: நடிகர் கமல், காங்கிரசில் இணைந்தால், அவருக்கு உரிய முக்கியத்துவம் தர, ராகுல் சம்மதம் தெரிவித்துள்ளார். இதற்காக, துாதர் ஒருவரும் நியமிக்கப்பட்டு உள்ளார். அவர், டில்லியில் இருந்து சென்னை வந்து, கமலை சந்தித்து பேச்சு நடத்த உள்ளார். இதற்கு நேரம் ஒதுக்கி தரும்படி, கமலிடம் கோரப்பட்டுள்ளது. விரைவில், இந்த சந்திப்பு நடக்கும்.

Advertisement

நடிகர் ரஜினி, அரசியல் பிரவேசம் குறித்து, தன் ரசிகர்களை சந்தித்து ஆலோசித்தார். முக்கிய பிரமுகர்களிடமும் ஆலோசனை நடத்தி வருகிறார். அவர், பா.ஜ., ஆதரவு நிலைப்பாட்டை எடுப்பார் என்பதால், அவரை வீழ்த்தும் வகையில், ராகுல் இந்த முடிவை எடுத்துள்ளார். இவ்வாறு காங்., வட்டாரங்கள் கூறின.

இதற்கிடையில், 'கமலின் போராட்டத்தை ஆதரிக்கிறேன்; அவருக்கு எப்போதும் என் ஆதரவு உண்டு' என, தன் முகநுால் பக்கத்தில், அகில இந்திய காங்., செய்தி தொடர்பாளர், குஷ்பு பதிவு செய்து, கமல் அரசியலுக்கு வருவதை வரவேற்றுள்ளார். ராகுலின் திட்டத்தை அறிந்தே, குஷ்பு இவ்வாறு பதிவு செய்துள்ளதாக கூறப்படுகிறது.

- நமது நிருபர் -


Advertisement

வாசகர் கருத்து (132)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
02-ஆக-201701:17:23 IST Report Abuse

அப்பாவிவெத்து வேட்டுக்களை நம்பி களம் இறங்குவதில் ராகுலுக்கு நிகர் ராகுலே...

Rate this:
Srikanth Tamizanda.. - Bangalore,இந்தியா
01-ஆக-201719:15:17 IST Report Abuse

Srikanth Tamizanda..ராவுள் காமெடிக்கு அளவே இல்லை.காங்கிரஸ் மறந்து போய் கூட வளரக்கூடாதுனு அவரே முடிவு பண்ணிட்டாரு போல இருக்கு.

Rate this:
Karuthukirukkan - Chennai,இந்தியா
01-ஆக-201718:19:40 IST Report Abuse

Karuthukirukkanநல்ல கதை .. எப்பிடி இப்பிடி எல்லாம் கெளப்புறீங்க

Rate this:
மேலும் 129 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X