டெங்கு ஒழிப்பில் கவனம் செலுத்துங்கள் டாக்டர்களுக்கு மாநகராட்சி அறிவுரை| Dinamalar

பொது செய்தி

தமிழ்நாடு

டெங்கு ஒழிப்பில் கவனம் செலுத்துங்கள் டாக்டர்களுக்கு மாநகராட்சி அறிவுரை

Added : ஆக 14, 2017
Advertisement
 
 
Advertisement
 
 
 
Advertisement

கோவை : 'டெங்கு காய்ச்சல் ஒழிப்பு பணியில், டாக்டர்களும் தங்களை ஈடுபடுத்திக் கொள்ள வேண்டும்; காய்ச்சல் பாதிப்புக்கு உள்ளாகி, சிகிச்சைக்கு வருவோர் எந்த பகுதியை சேர்ந்தவர் என அடையாளம் கண்டு, சிறப்பு மருத்துவ முகாம் நடத்த வேண்டும்' என, கோவை மாநகராட்சி அறிவுறுத்தி உள்ளது.சீதோஷ்ண நிலை மாற்றம் காரணமாக, கோவையில் காய்ச்சல் பாதிப்பு அதிகரித்து வருகிறது. டெங்கு பாதிப்புக்கு உள்ளாகி, இதுவரை, 22 பேர் பலியாகி உள்ளனர். 200க்கும் மேற்பட்டோர் டெங்கு மற்றும் வைரஸ் காய்ச்சல் பாதிப்புக்கு உள்ளாகி, சிகிச்சை பெற்று வருகின்றனர். மாநகராட்சியுடன் இணைக்கப்பட்ட பகுதியான குறிச்சி, குனியமுத்துார், போத்தனுார் சுற்றுவட்டார பகுதிகளில் இருந்து, சிகிச்சைக்கு வருவோர் அதிகமாக இருப்பதால், சுகாதாரப் பணிகளை முடுக்கி விட உத்தரவிடப்பட்டு உள்ளது.மாநகராட்சி துணை கமிஷனர் காந்திமதி தலைமையில், போத்தனுாரில் உள்ள வார்டு அலுவலகத்தில் நேற்று ஆய்வு கூட்டம் நடத்தப்பட்டது; நகர் நல அலுவலர் சந்தோஷ்குமார், உதவி நகர் நல அலுவலர் வசந்த் திவாகர் முன்னிலை வகித்தனர். ஆரம்ப சுகாதார நிலைய டாக்டர்கள், உதவி மற்றும் இளம் பொறியாளர்கள், சுகாதார ஆய்வாளர்கள், சூபர்வைசர்கள் பங்கேற்றனர்.கொசு ஒழிப்பு பணிக்கு தலா, 3 பேர் வீதம், வார்டுக்கு மூன்று குழுக்கள் நியமிக்கப்பட்டன. ஒவ்வொரு குழுவினரும் நாளொன்றுக்கு, 70 வீடுகளில் ஆய்வு செய்து, 'அபேட்' மருந்து தெளிக்க வேண்டும். கொசுப்புழு உருவாவதற்கான காரணிகள் இருக்கிறதா என ஆய்வு செய்ய வேண்டும் என அறிவுறுத்தப்பட்டது.குடிநீர் வினியோகத்தை பொறியியல் பிரிவினர் முறைப்படுத்த வேண்டும். தொட்டிகள் சுத்தமாக இருக்கிறதா என்பதை உறுதிப்படுத்துவதோடு, குளோரினேசன் செய்வதில் கவனமாக இருக்க வேண்டும். சரியான விகிதத்தில் குளோரின் பவுடர் கலக்க வேண்டும் என அறிவுறுத்தப்பட்டது.
வீடு வீடா போங்க!நகர் நல அலுவலர் சந்தோஷ்குமார் பேசுகையில், ''குப்பை சேகரிக்க வீடு வீடாகச் செல்லும் துப்புரவு தொழிலாளர்கள், யாருக்கேனும் காய்ச்சல் பாதிப்பு இருக்கிறதா என கேட்க வேண்டும். தொடர்ச்சியாக நான்கு நாட்கள் குப்பை போட யாராவது வராவிட்டால், அவர்களது வீட்டுக்குச் செல்ல வேண்டும். காய்ச்சல் பாதிப்புக்கு உள்ளாகி இருக்கிறார்களா, வெளியூர் சென்றிருக்கிறார்களா? என்பதை கவனிக்க வேண்டும். காய்ச்சல் பாதிப்பு இருந்தால், உயரதிகாரிகளுக்கு தெரிவிக்க வேண்டும். உடனடியாக மருத்துவ முகாம் நடத்தி, சிகிச்சை அளிக்கப்படும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை