மாதிரி சாலை திட்ட வடிவமைப்பு சொதப்பியதால் ஒப்பந்தம் ரத்து| Dinamalar

மாதிரி சாலை திட்ட வடிவமைப்பு சொதப்பியதால் ஒப்பந்தம் ரத்து

Advertisement
 
 
Advertisement
 
 
 
Advertisement
எழுத்தின் அளவு:
Advertisement

கோவை, : 'ஸ்மார்ட் சிட்டி' திட்டத்தில், கோவை ஆர்.எஸ்.புரத்தில் 'மாதிரி சாலை' அமைப்பதற்கான திட்ட அறிக்கை தயாரித்ததில், ஆலோசனை நிறுவனம் சொதப்பியதால், ஒப்பந்தத்தை மாநகராட்சி நிர்வாகம் ரத்து செய்தது.கோவை ஆர்.எஸ்.புரத்தில் டி.பி.ரோடு, டி.வி.சாமி ரோடு, என்.எஸ்.ஆர்.ரோடு, சங்கனுார் ரோடு, ரேஸ்கோர்ஸ் உள்ளிட்ட ஆறு இடங்களில், 'ஸ்மார்ட் சிட்டி' திட்டத்தில் 'மாதிரி சாலை' அமைக்கப்படும் என, மாநகராட்சி அறிவித்தது. முதல்கட்டமாக, டி.பி. ரோடு மற்றும் டி.வி.சாமி ரோடுகளில், மாதிரி சாலை அமைப்பதற்கான முயற்சி மேற்கொள்ளப்பட்டது. தனியார் ஆலோசனை நிறுவனம் வழங்கிய, திட்ட அறிக்கை ஏற்றுக் கொள்ளப்பட்டு, ஒப்பந்தமும் விடப்பட்டது.கவுலி பிரவுன் ரோடு பகுதியிலும், டி.பி.ரோட்டில் மாநகராட்சி வார்டு அலுவலகம் அருகிலும், தொலைத்தொடர்பு துறை ஒயர்கள் கொண்டு செல்ல, தனி கட்டமைப்பு ஏற்படுத்தும் பணி துவங்கப்பட்டது; 3 மாதங்களில் பணியை நிறைவு செய்ய, இலக்கு நிர்ணயிக்கப்பட்டது. பி.எஸ்.என்.எல்., மற்றும் மின்வாரியத்தினர் ஒத்துழைப்பு இல்லாததால், மாதிரி சாலை பணி தொய்வடைந்தது.100 மற்றும், 150 வயதான மரங்களை பற்றி கவலைப்படாமல், பணியை அவசரகதியில் முடிக்க, ஒப்பந்ததாரர் முயன்றார். அப்பகுதியில் உள்ள, 160 மரங்களை வேரோடு பெயர்த்தெடுத்து, வேறு இடங்களில் நடலாம் என சிலர் கருத்து கூறினர். அவ்வளவு மரங்களையும் வெட்டி வீழ்த்த, சுற்றுச்சூழல் அமைப்பினர் எதிர்ப்பு தெரிவித்தனர். மாநகராட்சி நகரமைப்பு பிரிவினர் பேச்சு நடத்தியும், சுற்றுச்சூழல் ஆர்வலர்கள் சம்மதிக்கவில்லை.அதன்பின், திட்ட வடிவமைப்பை மாற்றிக்கொடுக்க, திட்ட அறிக்கை தயாரித்த ஆலோசனை நிறுவனத்துக்கு, ஒரு மாதம் அவகாசம் வழங்கியது மாநகராட்சி. ஒரு மாதத்துக்குள் அறிக்கை சமர்ப்பிக்காததால், அந்நிறுவனத்துடனான ஒப்பந்தத்தை ரத்து செய்து விட்டது. புதிதாக வேறொரு ஆலோசனை நிறுவனத்தை நியமிக்க, உயரதிகாரிகள் அறிவுறுத்தி உள்ளனர். அதுவரை, தற்போது தோண்டியுள்ள குழிகளை, மண் கொட்டி மூடவும், பொறியியல் பிரிவினருக்கு உத்தரவிட்டுள்ளனர்.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.