வாடகை தாய் சட்டம் : பார்லி., குழு அதிருப்தி| Dinamalar

பொது செய்தி

இந்தியா

வாடகை தாய் சட்டம் : பார்லி., குழு அதிருப்தி

Added : ஆக 14, 2017
Advertisement
 
 
Advertisement
 
 
Advertisement

புதுடில்லி: 'திருமணமாகி ஐந்து ஆண்டுக்கு பின்பே, வாடகை தாய் மூலம் குழந்தை பெற முடியும் என்பதை, ஓராண்டாக மாற்ற வேண்டும்' என, பார்லிமென்ட் குழு கூறியுள்ளது.
பல்வேறு காரணங்களால் குழந்தைப் பேறு இல்லாதவர்கள், வாடகை தாய் மூலம் குழந்தை பெற்றெடுப்பது வர்த்தகமயமாகி உள்ளது. அதனால், இதில், பல்வேறு கட்டுப்பாடுகளை விதிக்கும் வகையில், வாடகைத் தாய் கட்டுப்பாட்டு மசோதா, பார்லிமென்ட்டில் நிறை
வேறியது. இந்த மசோதா, பார்லிமென்ட் நிலைக்குழுவின் பரிசீலனைக்கு அனுப்பப்பட்டுள்ளது.
இந்த நிலைக் குழு, பல்வேறு தரப்பினருடன் ஆய்வு, ஆலோசனை நடத்திய பின், தன் அறிக்கையை தயார் செய்துள்ளது; அதில் கூறப்பட்டுள்ளதாவது:
திருமணமாகி ஐந்து ஆண்டுக்குப் பின்பே, வாடகை தாய் மூலம் குழந்தை பெற முடியும் என்பது, மிக நீண்ட காலமாக உள்ளது. தற்போதைய காலகட்டத்தில், மிகவும் தாமதமாகத்தான் திருமணம் செய்து கொள்கின்றனர். இது போன்றவர்கள், நீண்ட காலம் காத்திருக்க வேண்டியிருக்கும்.
அதனால், திருமணமாகி, ஓராண்டுக்கு பின், வாடகைத்தாய் முறையை பயன்படுத்த அனுமதிக்கலாம். கர்ப்பப்பை அகற்றப்படுவது போன்ற சில குறிப்பிட்ட சந்தர்ப்பங்களில், எந்தக் கால கட்டுப்பாடும் இருக்கக் கூடாது. வாடகைத் தாய் சட்டத்தை அமல்படுத்துவதற்கு முன், மாற்று உதவியுடன் குழந்தைப்பேறு தொழில்நுட்ப சட்டத்தை முதலில் அமல்படுத்த வேண்டும்.
இவ்வாறு அறிக்கையில் கூறப்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை