‛சொந்த ஊருக்கு கூட வர முடியாது': நாஞ்சில் சம்பத்துக்கு எச்.ராஜா எச்சரிக்கை| Dinamalar

அரசியல் செய்தி

தமிழ்நாடு

‛சொந்த ஊருக்கு கூட வர முடியாது': நாஞ்சில் சம்பத்துக்கு எச்.ராஜா எச்சரிக்கை

Added : ஆக 31, 2017 | கருத்துகள் (176)
Advertisement
நாஞ்சில் சம்பத்,Nanjil Sampath, எச்.ராஜா,H. Raja, நாகர்கோவில், Nagarcoil, அ.தி.மு.க., AIADMK, முதல்வர் பழனிசாமி, Chief Minister Palani, தினகரன், Dinakaran, கட்சி தாவல் தடைச் சட்டம், Party Tabulation Act,

நாகர்கோவில்: ''நாஞ்சில் சம்பத் அவதுாறு பேசுவதை நிறுத்தா விட்டால், அவர் சொந்த ஊருக்கு கூட வரமுடியாத நிலை ஏற்படும்,'' என, பா.ஜ., தேசிய செயலர் எச். ராஜா கூறினார்.

நாகர்கோவிலில், நேற்று அவர் அளித்த பேட்டி: தினகரன் அணியை சேர்ந்த நாஞ்சில் சம்பத், பிரதமரையும், பா.ஜ., தலைவர்களையும் தரக்குறைவாக பேசி வருகிறார். இதை அவர் நிறுத்த வேண்டும். இப்படியே தொடர்ந்தால், அவர் சொந்த ஊருக்குள் கூட வர முடியாத நிலை ஏற்படும். வைகோவுடன் இருந்த போது, ஜெ.,யை தரக்குறைவாக பேசியவர் இவர்.

அ.தி.மு.க., இரு அணிகளும் இணைந்துள்ள நிலையில், தினகரனை கட்சியில் இருந்து நீக்கியுள்ளனர். இதனால், அவரது ஆதரவு, எம்.எல்.ஏ.,க்கள், முதல்வர் பழனிசாமியை மாற்ற வேண்டும் என கோரியுள்ளனர். அரசின் மீது நம்பிக்கை இல்லை என்றால், நம்பிக்கை இல்லா தீர்மானம் கொண்டு வரமுடியும். முதல்வரை மாற்றுவது என்பது, கட்சியில் எடுக்க வேண்டிய முடிவு. இதை கவர்னரும் தெளிவுபடுத்தி உள்ளார்.

ஒரு கட்சியில், 50 சதவீத உறுப்பினர்கள் வெளியேறினால் தான், அது பிளவாக கருதப்படும். அல்லாத பட்சத்தில், கொறடா உத்தரவை மீறுபவர்கள் மீது கட்சித் தாவல் தடைச் சட்டம் பாயும். இவ்வாறு அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X