சிறு தானிய சாகுபடியில் விவசாயிகள் தீவிரம்: தமிழகத்தில் உற்பத்தி அதிகரிக்க வாய்ப்பு| Dinamalar

பொது செய்தி

தமிழ்நாடு

சிறு தானிய சாகுபடியில் விவசாயிகள் தீவிரம்: தமிழகத்தில் உற்பத்தி அதிகரிக்க வாய்ப்பு

Added : செப் 13, 2017
Advertisement
 
 
Advertisement
 
 
 
Advertisement

சிறு தானிய சாகுபடியில், விவசாயிகள் ஆர்வம் காட்டுவதால், உற்பத்தி அதிகரிக்கும் வாய்ப்பு உருவாகி உள்ளது. தமிழகத்தில், கேழ்வரகு, கம்பு, தினை, சாமை, மக்காச்சோளம், குதிரைவாலி உள்ளிட்ட சிறு தானியங்கள், 18 லட்சம் ஏக்கரில் சாகுபடி செய்யப்படுகின்றன. ஆண்டுதோறும், 25 லட்சம் டன் சிறு தானியம் உற்பத்தியாகிறது. தற்போது, ஊட்டச்சத்து நிறைந்த, சிறு தானிய உணவு குறித்து, மக்களிடம் விழிப்புணர்வு அதிகரித்துள்ளது. இதன் காரணமாக, சிறு தானியங்களின் தேவை அதிகரித்து உள்ளது. போதுமான உற்பத்தி இல்லாததால், விலை கூடுதலாக உள்ளது. இதையடுத்து, சிறு தானிய உற்பத்தியை அதிகரிக்கும் நடவடிக்கைகளை, வேளாண் துறை தீவிரப்படுத்தியது. இதன் காரணமாக, சேலம், நாமக்கல், திருப்பூர், ஈரோடு, தேனி, திண்டுக்கல், விருதுநகர், திருநெல்வேலி, துாத்துக்குடி, திருவண்ணாமலை, கிருஷ்ணகிரி மாவட்டங்களில், சிறு தானிய சாகுபடி அதிகரிக்க துவங்கி உள்ளது. மற்ற பயிர்களுக்கு மாற்றாக, சிறு தானிய சாகுபடியில், விவசாயிகள் ஆர்வம் காட்டுகின்றனர். இதனால், சிறு தானிய உற்பத்தி அதிகரிக்கும் வாய்ப்புகள் உருவாகி உள்ளன.

இது குறித்து, வேளாண் அதிகாரி ஒருவர் கூறியதாவது: சிறு தானிய உற்பத்தியை அதிகரிப்பதற்காக சான்றுஅளிக்கப்பட்ட விதைகள், வீரிய ஒட்டு ரக செடிகள் உற்பத்தி செய்யப்பட்டு, குறைந்த விலையில் விவசாயிகளுக்கு வழங்கப்படுகின்றன.
இதற்காக, சிறு தானியங்களுக்கான தேசிய உணவு பாதுகாப்பு திட்டத்தை, மத்திய, மாநில அரசுகள் இணைந்து, செயல்படுத்தி வருகின்றன. கடந்தாண்டு இத்திட்டத்திற்கு, 8.22 கோடி ரூபாய் செலவிடப்பட்டது; இந்தாண்டும் செலவிடப்பட உள்ளது. தேசிய வேளாண் வளர்ச்சி திட்டத்தில், 2016ல், 2.69 கோடி ரூபாய் செலவிடப்பட்டது; இந்தாண்டு, நான்கு கோடி ரூபாய் செலவிடப்படஉள்ளது. இவ்வாறு அவர் கூறினார்.
- நமது நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை