போலி பணி ஆணை வழங்கி பல கோடி சுருட்டல்! : கோவையில் சிக்கியது மோசடி கும்பல்| Dinamalar

போலி பணி ஆணை வழங்கி பல கோடி சுருட்டல்! : கோவையில் சிக்கியது மோசடி கும்பல்

Advertisement
 
 
Advertisement
 
 
 
Advertisement
எழுத்தின் அளவு:
Advertisement

கோவை: மத்திய அரசு வேலை வாங்கி தருவதாக, போலி பணி நியமன ஆணை கொடுத்து கைதான, மூன்று பேர் கும்பல் குறித்து பல்வேறு தகவல் வெளியாகி உள்ளது; மோசடியில் மேலும் பலருக்கு தொடர்பு இருக்கலாம் என, தெரிகிறது.
கோவை, ஈச்சனாரியைச் சேர்ந்தவர் சங்கர் ராஜா, 35. இவர், கலெக்டர் அலுவலகத்தில், திட்ட அலுவலக இயக்குனராக பணியாற்றுவதாக கூறி, பலரிடம் மோசடி செய்தார். மத்திய அரசு துறையில், 'டெவலப்மென்ட் ஆபீசர்' வேலை வாங்கி தருவதாகவும், குடிசை மாற்று வாரிய குடியிருப்புகளில் வீடு ஒதுக்கி தருவதாகவும், பல கோடி ரூபாய் சுருட்டினார்.
மோசடி தொடர்பாக, மாநகர குற்றப்பிரிவு போலீசார் வழக்கு பதிவு செய்து, சங்கர் ராஜா மற்றும் மோசடிக்கு உடந்தையாக இருந்த, 39, 37 வயதுடைய இருவரை, நேற்று முன்தினம் கைது செய்தனர். இவர்களிடம் இருந்து, இரண்டு வெளிநாட்டு பைக்குகள் உட்பட, ஒன்பது இருசக்கர வாகனங்கள், மூன்று கார்கள் பறிமுதல் செய்யப்பட்டன.
குற்றப்பிரிவு போலீசார் கூறியதாவது: கைது செய்யப்பட்ட, சங்கர் ராஜாவின் சொந்த ஊர் பழநி. இவர் மீது, ஏற்கனவே மோசடி வழக்குகள் உள்ளன. அரசு அதிகாரியாக வேறு ஒருவர் பெயரில் நடித்து, பலரிடம் கோடி கணக்கில் பணம் பெற்று, மோசடி செய்துள்ளனர். மோசடி பணத்தில் சொகுசு கார்கள் வாங்கி, இன்ப சுற்றுலா சென்று வந்துள்ளனர். இவர்கள் மீது தற்போது வரை, 90 பேர் புகார் அளித்துள்ளனர். மோசடியில், மேலும் நான்கு பேருக்கு தொடர்பிருக்கலாம் என, தெரிய வந்துள்ளது. கைது செய்யப்பட்ட மூவரையும், 'கஸ்டடி' எடுத்து விசாரிக்க உள்ளோம்.
இவ்வாறு அவர்கள் கூறினர்.

ரூ.30 லட்சத்தில் சொகுசு கார்
கைதான சங்கர் ராஜாவின் மனைவிக்கு அடுத்த வாரம் பிறந்த நாள் வர உள்ளது. இதற்காக, 30 லட்சம் ரூபாய் மதிப்பிலான சொகுசு கார் ஒன்றை புதிதாக, 'புக்' செய்திருப்பது போலீஸ் விசாரணையில் தெரிந்தது.

சசிகலா உறவினர் பெயரில் மிரட்டல்
மோசடி கும்பலின் தலைவனான சங்கர் ராஜா, தன்னிடம் வேலை கேட்டு, வீட்டுமனை பட்டா கேட்டு வருவோரிடம், சசிகலாவின் உறவினரான பாஸ்கரன், தன் நண்பர் என, கூறி வந்துள்ளார். இவர் மூலம், தனக்கு பல அதிகாரிகள் பழக்கம் உள்ளதாகவும், அவர்களை வைத்து வேலை, வீட்டுமனை பட்டா வாங்கி தருவதாக, சங்கர் ராஜா பணம் பெற்றதும், விசாரணையில் தெரிந்தது.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.