தி.மு.க., 'மாஜி' அமைச்சர் மகனிடம் போலீஸ் கிடுக்கிப்பிடி| Dinamalar

பொது செய்தி

தமிழ்நாடு

தி.மு.க., 'மாஜி' அமைச்சர் மகனிடம் போலீஸ் கிடுக்கிப்பிடி

Added : செப் 13, 2017
Advertisement
 
 
Advertisement
 
 
 
Advertisement

அன்னிய செலாவணி மோசடி வழக்கில் கைதாகி, புழல் சிறையில் அடைக்கப்பட்டுள்ள, தி.மு.க., 'மாஜி' மந்திரி மகனிடம், போலீசார் விசாரணை நடத்தினர். சென்னை, திருவான்மியூரைச் சேர்ந்தவன், அன்பழகன். மறைந்த தி.மு.க., முன்னாள் அமைச்சர், கோ.சி.மணியின் இரண்டாவது மனைவி மகன். இவன், சென்னை, மண்ணடியைச் சேர்ந்த, லியாகத் அலி என்பவனுடன் சேர்ந்து, ஆயிரம் விளக்கு பகுதியில் உள்ள வங்கி கிளையில், போலி ஆவணங்கள் தாக்கல் செய்து, எட்டு நடப்பு கணக்குகள் துவங்கி, 100 கோடி ரூபாய் செலுத்தி உள்ளான். இது குறித்து விசாரித்த, சென்னை மத்திய குற்றப்பிரிவு போலீசார், சில மாதங்களுக்கு முன், வெளிநாட்டுக்கு தப்ப முயன்ற, லியாகத் அலியை கைது செய்தனர். ஆக., மாதத்தில் அன்பழகனை, அமலாக்கத்துறை கைது செய்தது. தற்போது, சென்னை, புழல் சிறையில் அடைக்கப்பட்டுள்ள அன்பழகனை, மத்திய குற்றப்பிரிவு போலீசாரும் கைது செய்து, இரு நாட்கள் போலீஸ் காவலில் விசாரித்து உள்ளனர்.

இதுகுறித்து போலீஸ் உயர் அதிகாரிகள் கூறியதாவது: அன்பழகன், லியாகத் அலி ஆகியோர், போலி நிறுவனம் துவங்கி, துபாய், ஹாங்காங்கில் இருந்து, 80 கோடி ரூபாய்க்கு, எலக்ட்ரானிக் பொருட்கள் இறக்குமதி செய்துள்ளாக, கணக்கு காட்டி உள்ளனர். பின், பிரபல வங்கியின் கிளையில், போலி ஆவணங்கள் தாக்கல் செய்து, எட்டு நடப்பு கணக்குகள் துவக்கி உள்ளனர். அதில், 100 கோடி ரூபாய் செலுத்தியுள்ளனர். அந்த தொகையில், 80 கோடி ரூபாயை, துபாய் உள்ளிட்ட நாடுகளின் வங்கிகளில், சட்ட விரோதமாக முதலீடு செய்து, அன்னிய செலாவணி மோசடியில் ஈடுபட்டு உள்ளனர். அன்பழகனிடம், போலி ஆவணங்கள் தயாரிப்பு மற்றும் அதன் பின்னணி குறித்து விசாரித்தோம். இவ்வாறு அவர்கள் கூறினர்.

- நமது நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை