இன்று எம்.ஜி.ஆர்., நூற்றாண்டு விழா: பங்கேற்க பொதுமக்களுக்கு அழைப்பு| Dinamalar

பொது செய்தி

தமிழ்நாடு

இன்று எம்.ஜி.ஆர்., நூற்றாண்டு விழா: பங்கேற்க பொதுமக்களுக்கு அழைப்பு

Added : செப் 17, 2017
Advertisement
 
 
Advertisement
 
 
 
Advertisement

நாமக்கல்: 'இன்று, நாமக்கல்லில் நடக்கும், எம்.ஜி.ஆர்., நூற்றாண்டு விழாவில், அ.தி.மு.க., தொண்டர்கள், பொதுமக்கள் திரளாக கலந்து கொள்ள வேண்டும்' என, அமைச்சர்கள் தங்கமணி, சரோஜா, எம்.பி., சுந்தரம், எம்.எல்.ஏ.,க்கள் பாஸ்கர், சந்திரசேகரன், சரஸ்வதி ஆகியோர் தெரிவித்துள்ளனர்.
இதுகுறித்து, அவர்கள் வெளியிட்ட அறிக்கை: தமிழக அரசு சார்பில், நாமக்கல் மாவட்டம், கருப்பட்டிபாளையத்தில், இன்று மாலை, எம்.ஜி.ஆர்., நூற்றாண்டு விழா கொண்டாடப்படுகிறது. முதல்வர் பழனிசாமி, 382.94 கோடி ரூபாய் மதிப்பில், 32 முடிவுற்ற திட்டப் பணிகளை திறந்து வைத்து, 332.25 கோடி ரூபாய் மதிப்பில், 36 புதிய திட்டப் பணிகளுக்கு அடிக்கல் நாட்டுகிறார். மேலும், வெற்றி பெற்ற மாணவ, மாணவியருக்கு பரிசு, 29 ஆயிரத்து, 39 பயனாளிகளுக்கு, 188.01 கோடி ரூபாய் மதிப்பில் நலத்திட்ட உதவி வழங்கி சிறப்புரையாற்றுகிறார். நாமக்கல் சட்டசபை தொகுதியில், நாமக்கல் நகராட்சியுடன் இணைக்கப்பட்ட, ஒன்பது ஊராட்சிகளுக்கும், 185 கோடி ரூபாயில், குடிநீர் வழங்கும் திட்டத்திற்கு அடிக்கல் நாட்டுகிறார். மேலும், 125 கோடி ரூபாய் மதிப்பிலான திருச்செங்கோடு - நாமக்கல், நான்கு வழிச்சாலை, 64 கோடி ரூபாய் மதிப்பில், கணவாய்ப்பட்டி - மோகனூர் வரை, விரிவாக்கம் செய்து முடிக்கப்பட்ட சாலைப்பணிகளை திறந்து வைக்கின்றனர். துணை முதல்வர் பன்னீர்செல்வம், சபாநாயகர் தனபால், லோக்சபா துணை சபாநாயகர் தம்பிதுரை, அமைச்சர்கள், எம்.பி.,க்கள், எம்.எல்.ஏ.,க்கள் உள்ளிட்டோர் பங்கேற்கின்றனர். அ.தி.மு.க., தொண்டர்கள், பொதுமக்கள் திரளாக கலந்து கொள்ள வேண்டும். இவ்வாறு, அதில் தெரிவித்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை