அண்ணாதுரை இல்லாமல் தமிழக அரசியல் இல்லை: தம்பிதுரை| Dinamalar

பொது செய்தி

தமிழ்நாடு

அண்ணாதுரை இல்லாமல் தமிழக அரசியல் இல்லை: தம்பிதுரை

Added : செப் 17, 2017
Advertisement
 
 
Advertisement
 
 
Advertisement

கரூர்: ''அண்ணாதுரை இல்லாமல் தமிழக அரசியல் இல்லை,'' என, லோக்சபா துணை சபாநாயகர் தம்பிதுரை பேசினார்.
கரூரில், அண்ணாதுரை பிறந்தநாள் விழா பொதுக்கூட்டம், நகர செயலாளர் நெடுஞ்செழியன் தலைமையில் நேற்று நடந்தது. கூட்டத்தில், லோக்சபா துணை சபாநாயகர் தம்பிதுரை பேசியதாவது: திராவிட கொள்கைகளுக்கு சட்ட வடிவம் கொடுக்க, தேர்தலில் பங்கேற்க வேண்டும் என, அண்ணாதுரை முடிவு செய்தார். கடந்த, 1967ல் தி.மு.க.,வை ஆட்சியில் அமர்த்தியவர் அண்ணாதுரை. சாதாரண தொண்டன் கூட எம்.எல்.ஏ., எம்.பி., அமைச்சர் ஆக முடியும் என்பதை துவக்கி வைத்தவர் அண்ணாதுரை. அவருக்கு பிறகு, எம்.ஜி.ஆரும், ஜெயலலிதாவும் அதை பின்பற்றினர். அண்ணாதுரை இல்லாமல், தமிழக அரசியல் இல்லை. காமராஜர் முதல்வராக இருந்தபோது, அவரை மேடையில் வைத்துக்கொண்டு, குறைகளை அண்ணாதுரை சுட்டிக்காட்டினார். முதல்வர் பழனிசாமியை ஆட்சியை கலைத்துவிட்டு, முதல்வர் ஆகிவிடலாம் என, ஸ்டாலின் நினைக்கிறார். முதல்வர் பதவி என்ன, கரூர் டெக்ஸ்டைல்ஸ் நிறுவனத்திலா விற்கிறது? நீட் தேர்வைக் கொண்டு வந்தது, காங்., கட்சியும், தி.மு.க.,வும்தான். தற்போது, அதை மறைத்து விட்டு நாடகம் ஆடுகின்றனர். கச்சத்தீவு, காவிரி உள்ளிட்ட பல்வேறு பிரச்னைகளுக்கும் தி.மு.க., தான் காரணம். ஜி.எஸ்.டி.,யை எதிர்த்து வெளிநடப்பு செய்தது அ.தி.மு.க., ஆனால், தி.மு.க., அதை ஆதரித்து ஓட்டு போட்டது. இதுதான் தி.மு.க.,வின் இரட்டை வேடத்துக்கு எடுத்துகாட்டு. இவ்வாறு அவர் பேசினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை