பணம் இரட்டிப்பு தருவதாக கூறி திருப்பூர் தொழிலதிபரிடம் ரூ.23 லட்சம் பறிப்பு| Dinamalar

சம்பவம் செய்தி

தமிழ்நாடு

பணம் இரட்டிப்பு தருவதாக கூறி திருப்பூர் தொழிலதிபரிடம் ரூ.23 லட்சம் பறிப்பு

Added : செப் 17, 2017
Advertisement
 
 
Advertisement
 
 
Advertisement

கிருஷ்ணகிரி: கிருஷ்ணகிரி அருகே, பணம் இரட்டிப்பு தருவதாக கூறி, திருப்பூரை சேர்ந்த தொழிலதிபரிடம், 23 லட்சம் ரூபாயை பறித்து சென்ற மர்ம நபர்களை, போலீசார் தேடி வருகின்றனர்.
திருப்பூர், வேலம்பாளையம் ரிங்ரோடு, ஜவகர் நகரை சேர்ந்தவர் சீனிவாசன், 40. இவர், திருப்பூரில் கார்மென்ட்ஸ் நிறுவனம் நடத்தி வருகிறார். அதே பகுதியை சேர்ந்த இவரது நண்பர்களான ரமேஷ், 35, குமார், 39, ஆகியோர் தங்களுக்கு தெரிந்த நபர்கள் கிருஷ்ணகிரியில் உள்ளனர். அவர்களிடம், 50 ஆயிரம் ரூபாய் கொடுத்தால், இரண்டு மாதங்கள் கழித்து, ஒரு லட்சம் ரூபாய் கொடுப்பர் என, சீனிவாசனிடம் தெரிவித்துள்னர். இதை நம்பிய சீனிவாசன், தன்னிடம் இருந்த, 23 லட்சம் ரூபாயை எடுத்துக்கொண்டு, ரமேஷ், குமாருடன் கடந்த, 13ல் காரில் கிருஷ்ணகிரிக்கு வந்தார். கிருஷ்ணகிரி - ஓசூர் தேசிய நெடுஞ்சாலையில், சிக்காரிமேடு என்ற இடத்தில், ஓட்டல் அருகே காரை நிறுத்தியுள்ளனர். அப்போது பதிவு எண் இல்லாத பொலிரோ ஜீப்பில் வந்த, ஐந்து பேர் சீனிவாசனிடம் இருந்த பணத்தை பறித்துக் கொண்டு, அங்கிருந்து காரில் தப்பிச் சென்றனர். காரை பின் தொடர்ந்தும், அவர்களை பிடிக்க முடியவில்லை. இதுகுறித்து, நேற்று முன்தினம் மாலை, குருபரப்பள்ளி போலீசில் சீனிவாசன் புகார் அளித்தார். போலீசார் வழக்குப்பதிவு செய்து, முதல் கட்டமாக ரமேஷ், குமாரிடம் விசாரித்து வருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை