"எஸ்-பாண்ட்' டிரான்ஸ்பாண்டர்கள் ஒதுக்கீட்டில் முறைகேடு: பதவி விலக ராதாகிருஷ்ணன் முடிவு?| Dinamalar

பொது செய்தி

இந்தியா

"எஸ்-பாண்ட்' டிரான்ஸ்பாண்டர்கள் ஒதுக்கீட்டில் முறைகேடு: பதவி விலக ராதாகிருஷ்ணன் முடிவு?

Added : பிப் 12, 2011 | கருத்துகள் (17)
Advertisement
 
 
Advertisement
 
 
 
Advertisement
Advertisement
"எஸ்-பாண்ட்' டிரான்ஸ்பாண்டர்கள் ஒதுக்கீட்டில் முறைகேடு: பதவி விலக ராதாகிருஷ்ணன் முடிவு?

புதுடில்லி: "எஸ்-பாண்ட்' டிரான்ஸ்பாண்டர்கள் ஒதுக்கீட்டில் முறைகேடு நடந்ததாக புகார் எழுந்துள்ளதை அடுத்து, தனது வர்த்தக நடவடிக்கைகளுக்கான நிறுவனமான ஆண்ட்ரிக்சின் நிர்வாக அமைப்பை மாற்றி அமைக்க இஸ்ரோ முடிவு செய்துள்ளது. இந்த அமைப்பிற்காக முழு நேர தலைவர் ஒருவரை புதிதாக பணியில் அமர்த்தவும் முடிவு செய்துள்ளது.


இந்திய விண்வெளி ஆராய்ச்சி கழகத்தின் எஸ்-பாண்டு டிரான்ஸ்பாண்டர்கள் ஒதுக்கீட்டில் முறைகேடு நடந்ததாகவும், இதனால் அரசுக்கு 2 லட்சம் கோடி ரூபாய் இழப்பு ஏற்பட்டுள்ளதாகவும் தகவல் வெளியானது. இந்த விவகாரம் நாடு முழுவதும் பெரும் சர்ச்சையை ஏற்படுத்தியது. இஸ்ரோவின் வர்த்தக பிரிவு நிறுவனமான ஆண்ட்ரிக்ஸ் நிறுவனத்துக்கும், திவாஸ் மீடியா நிறுவனத்துக்கும் இடையே, எஸ்-பாண்ட் டிரான்ஸ்பாண்டர்கள் ஒதுக்கீடு செய்வது தொடர்பாக 2005ல் ஒப்பந்தம் ஏற்பட்டது. இந்த ஒப்பந்தப்படி, திவாஸ் மீடியா நிறுவனத்துக்கு, ஆண்ட்ரிக்ஸ் நிறுவனம் எஸ்-பாண்ட் டிரான்பாண்டர்களை ஒதுக்கீடு செய்தது. இந்த ஒப்பந்தத்தின் காரணமாகவே, அரசுக்கு இழப்பு ஏற்பட வாய்ப்பு உள்ளதாக தகவல்கள் வெளியாயின. இதையடுத்து, இந்த விவகாரம் குறித்து ஆய்வு செய்வதற்காக, இரண்டு உறுப்பினர்கள் அடங்கிய உயர்மட்டக் குழுவை மத்திய அரசு நியமித்துள்ளது. திட்ட கமிஷன் உறுப்பினர் சதுர்வேதி, விண்வெளி கமிஷன் உறுப்பினர் ரோத்தம் நரசிம்மன் ஆகியோர் இந்த குழுவில் இடம் பெற்றுள்ளனர்.


இந்நிலையில், இந்த விவகாரம் குறித்து ஆய்வு செய்வதற்காக, இஸ்ரோ உயரதிகாரிகளின் ஆலோசனைக் கூட்டம் நேற்று டில்லியில் நடந்தது. இதில், திவாஸ் மீடியா நிறுவனத்துக்கு வழங்கப்பட்ட ஒப்பந்தம் குறித்தும், இதில் ஆண்ட்ரிக்ஸ் நிறுவனத்தின் நடவடிக்கைள் குறித்தும் விரிவாக ஆய்வு செய்யப்பட்டன. கூட்டம் முடிந்ததும், இஸ்ரோ தலைவர் ராதாகிருஷ்ணன் கூறியதாவது: இஸ்ரோவின் வர்த்தக நடவடிக்கைகளுக்காக ஆண்ட்ரிக்ஸ் நிறுவனம் அமைக்கப்பட்டுள்ளது. தற்போது எழுந்துள்ள புகாரை அடுத்து, இந்த நிறுவனத்தின் நிர்வாக அமைப்பை மாற்றி அமைக்க முடிவு செய்யப்பட்டுள்ளது. மேலும், ஆண்ட்ரிக்ஸ் நிறுவனத்துக்காக புதிதாக, முழு நேர தலைவர் ஒருவரை பணியமர்த்தவும் முடிவு செய்யப்பட்டுள்ளது. புதிய தலைவரை நியமிப்பது குறித்த பணிகளுக்காக ஒரு கமிட்டி அமைக்கவும் திட்டமிடப்பட்டுள்ளது. ஆண்ட்ரிக்ஸ் நிறுவனத்தின் வர்த்தக விரிவாக்கத்தை கருத்தில் கொண்டு, இந்த முடிவு எடுக்கப்பட்டுள்ளது. அதற்காக, ஆண்ட்ரிக்ஸ் நிறுவனத்தின் கட்டமைப்பு முழுமையாக மாற்றி அமைக்கப்படாது.


கொள்கை ரீதியான சில முடிவுகளின் அடிப்படையில் எஸ்-பாண்ட் ஒதுக்கீடு தொடர்பான ஒப்பந்தத்தை ரத்து செய்ய வேண்டிய அவசியம் ஏற்பட்டுள்ளது. திவாஸ் மீடியா நிறுவனத்துடன் செய்து கொள்ளப்பட்ட ஒப்பந்தத்தின் முழு விவரமும், மத்திய அமைச்சரவை (பாதுகாப்பு) கமிட்டியிடம் தாக்கல் செய்யப்பட்டுள்ளது. இதுகுறித்து அமைச்சரவை கமிட்டி ஆய்வு செய்து வருகிறது. இவ்வாறு ராதாகிருஷ்ணன் கூறினார்.


பரபரப்பு: இதற்கிடையே, ஆண்டிரிக்ஸ் - திவாஸ் மீடியா நிறுவனங்களுக்கு இடையே ஏற்பட்ட ஒப்பந்தத்தில் முறைகேடு நடந்திருப்பதாக தொடர்ந்து செய்திகள் வெளியாவதையடுத்து, இஸ்ரோ தலைவர் ராதாகிருஷ்ணன் பதவி விலகப் போவதாகவும், நேற்று சில தகவல்கள் வெளியாயின.


Advertisement

இதையும் தவறாமல் படிங்க ...



Advertisement

வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
hvacsrini hvacsrini - doha,கத்தார்
13-பிப்-201115:11:06 IST Report Abuse
hvacsrini hvacsrini நல்ல திறமை மிக்கவர்கள் தன் நாட்டுக்கு தேவையே தவிர மொழி வாரியாகவோ இன வாரியகோ நாட்டுக்கு தேவையில்லை அவ்வளவு ஏன் வளைகுடா நாடுகளில் வந்து பாருங்கள் தெரியும் எந்த அளவிற்கு மலையாளிகளின் ஆதிக்கம் என்று நான் தவறாக சொல்லவில்லை எல்லோரையும் அணைத்து செல்லும் இந்தியன் என்ற பற்று வேண்டும். திறமைக்கு மதிப்பு கொடுக்க வேண்டும்
Rate this:
Share this comment
Cancel
appu - madurai,இந்தியா
13-பிப்-201114:21:01 IST Report Abuse
appu evanaa irundhaa enakenna?kutram kutrame.spectrathil raaja purindhadhu kutram pola ISRO seithathum kutrame.ISRO vin thalaivarum P.M m thandikkapadavendiyavarkal.CBI ithilum sathanai padaithal sari illavittal arasum makkalum oru thalai patchamaka seyalpaduvathu endraakividum.
Rate this:
Share this comment
Cancel
K Sanckar - Bengaluru ,இந்தியா
13-பிப்-201113:00:05 IST Report Abuse
K Sanckar ராதாக்ருஷ்ணன் ராஜினாமா செய்துவிட்டால் போதாது. வாங்கிய கமிஷன் தொகையை வசூல் செய்து அரசாங்க கஜானாவில் கட்ட வேண்டும். யார் வாங்கி இருந்தாலும் அவரது சொத்துக்களை பறிமுதல் செய்யவேண்டும். ராஜினாமா தீர்வு ஆகாது.
Rate this:
Share this comment
Cancel
Prasad - Dubai,ஐக்கிய அரபு நாடுகள்
13-பிப்-201112:10:24 IST Report Abuse
Prasad The issue never stop here. PM office has denied few days ago of any loss. It looks like Man Mohan Singh is aware of entire thing. He should resign if he has to stay clean. It looks like he stay on power to cover Sonia and Congress and alliance leaders.. If this type of Scandal happened in any other time with the ruling coalition party, PM will be asked to resign... Though people of India has lot of respect for him, now his "paths of glory leads but to the grave"...
Rate this:
Share this comment
Cancel
Ramesh Rajendiran - CHENNAI,இந்தியா
13-பிப்-201111:17:03 IST Report Abuse
Ramesh Rajendiran அவர் காலத்தில் செய்த தவறுகளுக்கு தற்போது நஷ்ட ஈடு வழங்க வேண்டிய நிலை உள்ளது.ஆகையால் அரசாங்கத்திற்கு நஷ்டத்தை உண்டு பண்ணி இருக்கிறார்.தண்டனை இல்லை என்ற நிலை வந்தால் எல்லோரும் செய்வார்கள் பதவி விலகுவார்கள் இதற்கு காரணமானவர்களை தண்டிக்க வேண்டும் நஷ்டத்தை அவள்கள் தலையில் கட்ட வேண்டும்.முடிய வில்லை என்றால் தண்டனை அதிகபடுத்த வேண்டும்.
Rate this:
Share this comment
Cancel
jeyasusi - trichy1,இந்தியா
13-பிப்-201110:46:34 IST Report Abuse
jeyasusi விதுரன் அவர்களுக்கு நன்றி வணக்கம்.. எந்த ஒரு தொழில் நுட்ப துறையிலும் உள்ள பலமுள்ள அதிகார வர்கத்தினர்களுக்கு தொழில் நுட்ப அறிவு குறைந்துதான் இருக்கும்.... அதிகாரம் இந்தகுரையை மறைத்துவிடும் ..மற்றவர் திறமையை ஆதாரபூர்வமாக செய்து காட்டினாலும் பாராட்டி முன் நிறுத்த மாட்டார்கள் வெறுமனே ஒகே ,,,குட்,,, சொல்லி வெற்றிகளை தலைமை மட்டுமே ஏற்றுக்கொள்ளும்... ஒரு விழா சிறப்பாக நடந்தால் அதன் தலைமைக்கே பாராட்டுகள்..... ஏற்பாடுகளை செய்தவர்கள்,,, உழைத்தவர்கள் கை தட்டுவதற்காக மட்டுமே....... இதுதான் நிதர்சனம்........தமிழ் நாட்டில் ஜி.டி. நாய்டு விஞ்ஞானிக்கு என்ன மரியாதை தந்தது இந்த அரசு??? சற்று நினைவு படுத்தி பாருங்கள்.......
Rate this:
Share this comment
Cancel
thinnu - Abu Dhabi,ஐக்கிய அரபு நாடுகள்
13-பிப்-201110:37:10 IST Report Abuse
thinnu i just cont understand, how a single man do such a big crime, all our leagal system and the power give to any offical is the reson for this, every order should be signed by 5 guys, in various departments, then only this will be monitered, else , we cant stop this, when a com man suffer so much for life, Govt just play on public money,
Rate this:
Share this comment
Cancel
PR Makudeswaran - madras,இந்தியா
13-பிப்-201109:59:33 IST Report Abuse
PR Makudeswaran பதவி விலகல் முன்னுதாரணம் சரியானதுதான்.ஆனால் இத்தனை குற்றங்களுக்கும் இவர்தான் காரணமா?இல்லை இவர் பலி ஆடாக்கப்படுகிறாரா?அப்படி என்றால் இவர் போகும்பொழுது யார் உண்மையான குற்றவாளி என்று சொல்லிவிட்டு போனால் நாட்டிற்கும் நன்மை;இவருக்கும் நன்மையே . குற்றமில்லாதவர் என்ற மன நிம்மதியும் இவருக்கு உண்டாகும்
Rate this:
Share this comment
Cancel
SIVARAMAN B - Chennai,இந்தியா
13-பிப்-201107:47:25 IST Report Abuse
SIVARAMAN B Now the politicians earn in multiples of crores, then why not the officials? Hail democracy. - Sivaraman - Chennai - 61
Rate this:
Share this comment
Cancel
ராம.ராசு - கரூர், தமிழ் நாடு ,இந்தியா
13-பிப்-201107:36:47 IST Report Abuse
ராம.ராசு திரு விதுரனின் ஆதங்கம் மிக நியாயமானது. இன்றைக்கு பொதுத்துறை நிறுவனங்களில் அதிகார வர்கத்தில் இருப்பவர்களின் நடவடிக்கைகள் அனைத்துமே அவர்களின் சுயனலத்திற்கானதாகவே உள்ளது. நிரந்தரமான கீழ்மட்ட ஊழியர்களை பணியமர்த்தினால் அவர்கள் தேவையில்லாமல் போராட்டம் செய்வார்கள் என்ற பொய்யான தோற்றத்தை ஏற்படுத்தி ஒப்பந்த அடிப்படையிலான தொழிலார்களை அமர்த்திக்கொள்கிரார்கள். விளைவு ஒப்பந்தக்காரகளும் அவர்களிடம் பணி செய்யும் தொழிலார்களும் தங்களுக்கான பணியை செய்கிறார்களோ இல்லையோ அதிகாரிகளுக்கான தேவைகள் அனைத்தையும் செய்து கொடுப்பார்கள், அது அவர்களது குடும்பத் தேவைல்கள் உட்பட. அதிலும் ஒப்பந்தக்கார்களே அதிகமாக பயனடைவார்கள். ஒப்பந்த தொழிலார்கள் கிட்டத்தட்ட அடிமைகள்தான். மலைக்கும் மடுவுக்குமான ஊதிய வேறுபாடு, இன்ன பிற எண்ணற்ற வசதிகளை பெற்றுக்கொண்டு கீழ்மட்ட ஊழியர்களை சக மனிதர்களாக பார்க்காமல் அதிகார மமதையில் நடந்து கொள்வதால்தான் மன வேதனையில் தொழிலாளர்கள் கேட்டு, பேச்சு வார்த்தை நடத்தி அதன் பிறகே போராட்டம் என்பதாக செய்ய வேண்டிய சூழலுக்கு தள்ளப்பட்டுவிடுகிரார்கள். பிறகு போராட்டம் செய்கிறார்கள் என்பதாக அவர்கள் மீது அவதுறு செய்கிறார்கள். அதனால் முடிவெடுக்கும் அதிகாரம் இருப்பதால் தொழிலார்கள் பணி அமர்த்துவதியே நிறுத்திவிட்டார்கள் என்பதும் நாட்டில் வேலை இல்லாத திண்டாட்டம் அதிகரிக்க ஒரு காரணமாக இருக்கிறது. நாட்டில் தாங்கள் மட்டுமே சுகபோகமாக வாழவேண்டும் என்பாதவே உள்ளது பெரும்பாலான அதிகாரவர்கத்தின் மனநிலை. ஒரு மக்களாட்சி நாட்டில், பொதுத்துறை நிறுவனங்களில் தேவைகேற்ப பணியாளர்களை நியமிக்க வேண்டும். அதுதான் தனியார் நிறுவனங்களுக்கு முன்னுதாரனமாக இருக்கும். ஒப்பந்த தொழிலார்களை அதிக அளவில் நியமிப்பது தற்காலிகமாக லாபம் என்பதாக இருந்தாலும் அவர்களை ஒப்பந்த தொழிளார்களாகவே வைத்திருப்பதும், கீழ்மட்ட ஊழியர்களை நியமிக்காமல் இருப்பதும் ஏழை பணக்காரன் என்ற வேறுபாட்டை அதிகரிக்கவே செய்யும் அரசின் ஒத்துழைப்புடன். மிக அதிகமான தொழிலார்கள் இருந்தால் இது போன்ற செயல்களை தட்டிகேட்பார்கள் என்பதும் நிரந்தர பணியாளர்களை பணியமர்தாமல் இருப்பதற்கு முக்கிய காரணமாகும். அதிகார்கள் என்பவர்கள் அந்தந்த துறையை வழி நடத்தும் பொருப்பில் உள்ளவர்களே தவிர அனைத்தும் தெரிந்த, ஆளுமை செய்ய நியமிக்கப்பட்டவர்கள் அல்ல என்பதை உணர வேண்டும். அரசுதான் சரியான முடிவு எடுக்க வேண்டும்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை