ஈரோடு மாட்டுச்சந்தையில் வரத்து சரிவு | Dinamalar

பொது செய்தி

தமிழ்நாடு

ஈரோடு மாட்டுச்சந்தையில் வரத்து சரிவு

Added : அக் 13, 2017
Advertisement
 
 
Advertisement
 
 
 
Advertisement
ஈரோடு மாட்டுச்சந்தையில் வரத்து சரிவு

ஈரோடு: 'தொடர் மழையால், ஈரோடு, கருங்கல்பாளையம் மாட்டுச்சந்தைக்கு, மாடுகள் வரத்து சரிந்தன' என்று, மாட்டுச்சந்தை நிர்வாகி தெரிவித்தார்.
கருங்கல்பாளையம் மாட்டுச்சந்தையின் மேலாளர் முருகன் கூறியதாவது:
வழக்கமாக தீபாவளி பண்டிகைக்கு முந்தைய வாரம், சந்தையில் மாடுகள் வரத்து அதிகமாக இருக்கும். மாடுகளை விற்கும் பணத்தால் தான், தீபாவளியை விவசாயிகள் கொண்டாடுவர்.
கடந்த சில மாதங்களாக, பரவலாக மழை பெய்கிறது. இதனால், மாடுகள் வரத்தும் சரிவடைந்துள்ளது. கடந்த வாரம், வியாழன் நள்ளிரவு முதல், வெள்ளி அதிகாலை வரை, ஈரோடு மற்றும் அதன் சுற்றுவட்டார பகுதிகளில் பலத்த மழை பெய்தது.
அன்று மாடுகளை ஏற்றி சென்ற வாகனங்கள், கடும் சிரமங்களை சந்தித்தன.
இதேபோல் நேற்று முன்தினம் திருப்பூர், சேலம் உள்ளிட்ட பகுதிகளில் பலத்த மழை பெய்துள்ளது. இதனால் விவசாயிகள், மாடுகளை வாகனங்களில் கொண்டு வந்தால் சிரமத்துக்குள்ளாவோம் என்று, சந்தைக்கு வரவில்லை.
இந்த வாரம், 300 பசுக்கள், 250 எருமைகள், 150 வளர்ப்பு கன்றுகள் என, 700 மாடுகள் மட்டுமே கொண்டு வரப்பட்டன. தமிழகம் மட்டுமல்லாது கேரளா, ஆந்திரா, கர்நாடகா மாநில வியாபாரிகள் வாங்கி சென்றனர்.
பசு மாடு, 16 ஆயிரம் முதல், 32 ஆயிரம் ரூபாய்; எருமை, 18 ஆயிரம் - 36 ஆயிரம் ரூபாய்; வளர்ப்பு கன்றுகள், 2,000 முதல், 8,000 ரூபாய் வரை விற்பனையாகின.
கடந்த வாரத்தை போலவே இந்த வாரமும், வியாபாரிகள் வருகை அதிகமாக இருந்தும், மாடுகள் வரத்து குறைவால், ஏராளமானோர் ஏமாற்றத்துடன் திரும்பினர்.
இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை