பெங்களூரில் வெளுத்து வாங்கியது மழை : 9 பேர் பலி| Dinamalar

பெங்களூரில் வெளுத்து வாங்கியது மழை : 9 பேர் பலி

Advertisement
 
 
Advertisement
 
 
 
Advertisement
எழுத்தின் அளவு:
Advertisement
 பெங்களூரில்,வெளுத்து,வாங்கியது,மழை,9 பேர் ,பலி
Share this video :
பெங்களூரு பேய் மழைக்கு 5 பேர் பலி

குருபரஹள்ளி:பெங்களூரில் இன்று அக்.,13 மாலையில் பெய்த பலத்த மழை காரணமாக, பல்வேறு இடங்களில் கோவில் அர்ச்சகர் உட்பட ஒன்பது பேர், பலியான சம்பவம் பெரும் அதிர்ச்சியை ஏற்படுத்தியுள்ளது.
பெங்களூரில் கடந்த பல நாட்களாக பெய்து வரும் மழை, நேற்றும் நீடித்தது. இதனால், சேஷாத்திரிபுரம் ரயில் பாலம் கீழ், ஐந்தடி வரை தண்ணீர் தேங்கி நின்றதால், வாகனங்கள் செல்ல முடியாமல் தவித்தன.ராஜாஜிநகர், மடிவாளா, சாந்திநகர், கோரமங்களா, சிவாஜிநகர், ஹெப்பால், எலஹங்கா, இந்திராநகர் என பல பகுதிகளில் சாலைகளில் தண்ணீர் தேங்கியது. மழைநீர் கால்வாய்கள் நிரம்பி சாலைகளில் வெள்ளம், பெருக்கெடுத்து ஓடியது.


இயல்பு வாழ்க்கை பாதிப்பு



பெங்களூரின் பல இடங்களில், மக்களின் இயல்பு நிலை கடுமையாக பாதிக்கப்பட்டது. பலர் பாதுகாப்பான இடங்களுக்கு தஞ்சம் புகுந்துள்ளனர். போக்குவரத்து கடுமையாக பாதிக்கப்பட்டது. சில இடங்களில் பஸ் போக்குவரத்து நிறுத்தப்பட்டது. இரவு முழுவதும் தாழ்வான பகுதியில் வசித்த மக்கள், கடும் பாதிப்படைந்தனர். சேஷாத்திரிபுரத்தில் பல வாகனங்கள் வெள்ளத்தில் அடித்து செல்லப்பட்டது.
இன்று (அக்.,13) மாலை 5:30 மணியிலிருந்து இரவு 7:30 மணி வரை பேய் மழை பெய்தது. இந்த மழையால் ஏற்பட்ட சேதங்களின் முழு விபரமும் தெரியவில்லை
* யஷ்வந்த்பூர் பி.எம்.டி.சி., டிப்போ மற்றும் பஸ் நிலையத்தில் மூன்றடி அளவுக்கு தண்ணீர் தேங்கியதால், , வெளியேற்ற முடியாமல் ஊழியர்கள் திணறினர். இதனால், பஸ்கள் பஸ் நிலையத்தினுள் வராமல், ரோட்டிலேயே நின்றது.
* நந்தினி லே- அவுட் பகுதியில், வீடு ஒன்றில் தண்ணீர் புகுந்ததால், சிறுவன் ஒருவன், மூழ்கி கொண்டிருந்தான். அவன், கூச்சலை கேட்டு வந்த பக்கத்து வீட்டினர், சிறுவனை பத்திரமாக மீட்டனர்.
* எச்.பி.கே. லே - அவுட் குருபரஹள்ளி வார்டு, வெங்கடரமணா சாமி கோவில் அருகிலுள்ள மழைநீர் கால்வாயில், இரண்டு பேர் அடித்து சென்றதாக தகவல்கள் வெளியாகியுள்ளது. இதில், ஒருவர் கோவில் அர்ச்சகர் வாசுதேவ், 35, என்று கண்டறியப்பட்டுள்ளது. மற்றொருவர் பற்றி விசாரிக்கப்பட்டு வருகிறது.
தகவலறிந்த பெங்களூரு மாநகராட்சி அதிகாரிகளும், தீயணைப்பு துறை மற்றும் பேரிடர் மீட்பு குழுவின் அதிகாரிகளும் சம்பவ இடத்துக்கு வந்து, தண்ணீரில் அடித்து செல்லப்பட்டவர்களை தேடும் பணியில் ஈடுபட்டனர்.
கோவிலை பூட்டிக்கொண்டு, வீட்டுக்கு செல்லும் போது, மழைநீர் கால்வாய் காம்பவுண்ட் அருகில் நடந்து சென்ற போது, சுவர் சரிந்து விழுந்து, கால்வாயில் அடித்து செல்லப்பட்டதாக, சம்பவத்தை நேரில் பார்த்தவர்கள், தெரிவித்தார்.
* குருபரஹள்ளி 18 வது கிராசில், தாழ்வான பகுதியிலுள்ள வீடு ஒன்றில், மழை வெள்ளம் புகுந்தது. வீட்டுக்குள் இருந்த சங்கரப்பா, கமலம்மா ஆகியோர், தப்பிப்பதற்காக, காம்பவுண்ட் சுவர் ஏற முயன்றுள்ளனர். அப்போது, தவறி, விழுந்து, இருவரும், தண்ணீர் மூழ்கி பலியாகினர்.
* குடிசை பகுதி ஒன்றில், வீடு இடிந்து விழுந்ததில், முதியோர் ஒருவர், உயிரிழந்துள்ளதாக, அப்பகுதியினர் தெரிவித்தனர்.
* லக்கரே கெம்பே கவுடா லே - அவுட் பகுதியில், நடந்து சென்று கொண்டிருந்த முதியவர் ஒருவர், மழைநீர் கால்வாயில் அடித்து செல்லப்பட்டார்.
இதே பகுதியில், வீட்டில் தண்ணீர் புகுந்து, அங்கிருந்த தாய் மீனாட்சி, 57, மகள் புஷ்பா, 22, ஆகியோர், மழைநீர் கால்வாயில், அடித்து செல்லப்பட்டனர்.
* சாம்ராஜ்பேட்டை சங்கரமடம் அருகில், வேலை முடிந்து வீட்டுக்கு சென்று கொண்டிருந்த இளைஞர் ஒருவரும், மழைநீர் கால்வாயில், அடித்து செல்லப்பட்டுள்ளார்.
* மஹாலட்சுமி லே அவுட் பகுதியில், நடந்து செல்ல முடியாத வெள்ளம் பெருக்கெடுத்தது. இப்பகுதியில் உள்ள மேம்பாலத்தில், வெள்ளத்தில் லாரி ஒன்று சிக்கியது.

Advertisement




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (17)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
P. SIV GOWRI - Chennai,இந்தியா
14-அக்-201710:11:11 IST Report Abuse
P. SIV GOWRI பலியானோர் குடும்பத்துக்கு எனது ஆழ்ந்த வருத்தங்கள்
Rate this:
Share this comment
Cancel
என்னுயிர்தமிழகமே - ameerpet-Hyderabad,இந்தியா
14-அக்-201707:46:45 IST Report Abuse
என்னுயிர்தமிழகமே இதுதான் காங்கிரஸ் ஆட்சி ,
Rate this:
Share this comment
Cancel
தேச நேசன் - Chennai,இந்தியா
14-அக்-201707:04:45 IST Report Abuse
தேச நேசன் அளவுக்குமீறி அவர்களைத்திட்டவேண்டாம் அங்கு பெரும்பகுதி தமிழர்கள் உள்ளனர் புதிதாகப் பொறுப்பேற்றுள்ள மேயர் ஒரு தமிழர் அவரது பொறுப்பு அதிகரித்துள்ளது
Rate this:
Share this comment
Cancel
AR -  ( Posted via: Dinamalar Android App )
14-அக்-201706:39:42 IST Report Abuse
AR எப்போது எதை பேச வேண்டும் என்ற ஒரு முதிர்ச்சி தேவை. அங்கே தமிழர்கள் கன்னட மக்களோடு மக்களாக பல தலைமுறைகளாக ஒற்றுமையுடன் வாழ்ந்து வருகின்றனர். மழையில் யார் இறந்தாலும் அவர்களுடைய கஷ்டத்தை உணர்ந்து பேசுவதே மனிதநேயம். இந்த சூழ்நிலையில் கூட நான் தமிழன் நீ கன்னடன், காவிரி பிரச்சினை என்று பிரித்துப் பார்த்து பேசுகின்ற செயல் மிக வருத்ததிற்குரியது. அதே மக்கள் சென்னையில் 2015 வெள்ளம் வந்த பொழுது அதே கன்னட மக்கள் துடித்து போனார்கள். அவர்கள் லாரி லாரியாக பொருள் அனுப்பியதை உடன் இருந்து பார்த்தவன் நான். மனிதனை சகமனிதனாக பார்க்கின்ற மனப்பக்குவம் தமிழர்கள் அனைவருக்கும் என்று நான் நம்புகிறேன். அரசியல்வாதிகள் தங்களின் பிழைப்பையும் நடத்த செய்கின்ற மொழி தீவிரவாத அரசியலுக்குள் ஆட்பட வேண்டாம் என்று கேட்டுக்கொள்கிறேன்.
Rate this:
Share this comment
Cancel
D.Ambujavalli - Bengaluru,இந்தியா
14-அக்-201701:31:39 IST Report Abuse
D.Ambujavalli அன்று சென்னை , இன்று பெங்களூரு இயற்கைக்கு நம்மீது ஏன் இத்தனை கோபமோ ? இறந்தவர்களுக்காக வருந்துகிறேன்.
Rate this:
Share this comment
Cancel
Kuppuswamykesavan - Chennai,இந்தியா
13-அக்-201723:14:52 IST Report Abuse
Kuppuswamykesavan இப்படியாவது காவிரி ஆற்றில் தண்ணீர் வரட்டும்.
Rate this:
Share this comment
Cancel
ஜெய்ஹிந்த்புரம் - Madurai,இந்தியா
13-அக்-201723:09:45 IST Report Abuse
ஜெய்ஹிந்த்புரம் வளர்ச்சியின் உச்சம் தான் அழிவின் விளிம்பா?
Rate this:
Share this comment
Cancel
Parthasarathy - Chennai,இந்தியா
13-அக்-201722:59:17 IST Report Abuse
Parthasarathy வெள்ளத்தில் முழ்கினாலும் தமிழகத்துக்கு தண்ணி தரமாட்டோம்..
Rate this:
Share this comment
Cancel
sankar - trichy,இந்தியா
13-அக்-201722:48:42 IST Report Abuse
sankar தண்ணி தராத ஊர் .தண்ணியால் தவிக்கிறது . அடித்தது சென்றவர்கள் எங்காவது கரை ஒதுங்கி பிழைத்தால் நன்று
Rate this:
Share this comment
Cancel
TechT - Bangalore,இந்தியா
13-அக்-201721:50:15 IST Report Abuse
TechT இங்கு ரோடுகள் வேறு அகலம் குறைவு,வாகனம் ஓட்டுவது மிக கடினம், சாலையில் நடந்து செல்வது கற்பனைக்கு அப்பாற்பட்டது.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.