சிவகங்கையில் 1,000 கண்மாயின் வரத்துக்கால்வாய் மாயம்| Dinamalar

பொது செய்தி

தமிழ்நாடு

சிவகங்கையில் 1,000 கண்மாயின் வரத்துக்கால்வாய் மாயம்

Added : அக் 13, 2017
Advertisement
 
 
Advertisement
 
 
 
Advertisement

சிவகங்கை, சிவகங்கை மாவட்டத்தில் முறையான பராமரிப்பு இல்லாததால் ஆயிரம் கண்மாய்களுக்குரிய வரத்துக்கால்வாய்கள் மாயமாகிவிட்டதாக விவசாயிகள் புகார் தெரிவித்தனர்.
மாவட்டத்தில் 678 பொதுப்பணித்துறை கண்மாய்கள், 4,288 ஒன்றிய கண்மாய் என, 4,966 கண்மாய்கள் உள்ளன.
தவிர வைகை, பெரியார் பாசன கண்மாய்கள் 98 உள்ளன. பொதுப்
பணித்துறை கண்மாய்கள் மூலம் 58,186 எக்டேர், ஒன்றிய கண்மாய்கள் மூலம் 47,681 எக்டேர் என, 1,05,867 எக்டேரில் சாகுபடி பரப்பு உள்ளது. ஜூலை முதல் செப்டம்பர் வரையிலான தென்மேற்கு பருவமழை சராசரியாக 309 மி.மீ., இருக்கும். இந்தாண்டு 535 மி.மீ., பெய்துள்ளது. இது சராசரியை விட 73 சதவீதம் அதிகம்.
அக்டோபரில் இதுவரை 27.8 மி.மீ., மழை பெய்துள்ளது. ஆண்டு சராசரியான 904 மி.மீ., ல் இதுவரை 755 மி.மீ., மழை பதிவாகியுள்ளது. இருந்தபோதிலும் பெரும்பாலான கண்மாய்களில் மடையை கூட தண்ணீர் எட்டவில்லை. சில கண்மாய்களில் ஒரு சொட்டு கூட தண்ணீர் இல்லை. விவசாயிகள் ஆய்வு செய்ததில் முறையான பராமரிப்பு இல்லாததால் ஆயிரத்து 18 கண்மாய்களின் வரத்துக்கால்வாய்கள் முற்றிலும் மறைந்துவிட்டன. 557 கண்மாய்கள் சீமைக்கருவேல மரங்கள், அதலசெடியால் இருந்த இடம் தெரியாதபடி மாயமாகிவிட்டன.
இதில் பெரும்பாலும் பொதுப்பணித்துறை கண்மாய்களாக உள்ளன என்பது ஆய்வில் தெரியவந்தது.
தமிழ்நாடு அனைத்து விவசாயிகள் சங்க மாநில பொதுச் செயலாளர் ஆதிமூலம் கூறியதாவது: சராசரியை விட இந்தாண்டு நல்ல மழை பெய்துள்ளது. இருந்தபோதிலும் கண்மாய்களுக்கு நீர்
வரத்து இல்லை. குடிமராமரத்து திட்டத்தில் ஒருசில பொதுப்பணித்துறை கண்மாய்கள் மட்டுமே துார்வாரப்பட்டன. கண்மாய்களில் இலவசமாக மண் அள்ளும் திட்டமும் கைகொடுக்கவில்லை. கண்மாய் துார்வாரிய இடங்களில் வரத்துக்கால்வாய்களை சீரமைக்கவில்லை.இதனால் கண்மாய்களுக்கு நீர்வரவில்லை.
மானாவாரி விவசாயிகள் மட்டுமே சாகுபடி செய்துள்ளனர், என்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை