வாரிசுச்சான்றுக்கு கவனிப்பு: 'வாட்ஸ் ஆப்'பில் வைரலான வீடியோ| Dinamalar

பொது செய்தி

தமிழ்நாடு

வாரிசுச்சான்றுக்கு கவனிப்பு: 'வாட்ஸ் ஆப்'பில் வைரலான வீடியோ

Added : அக் 14, 2017
Advertisement
 
 
Advertisement
 
 
 
Advertisement

கன்னிவாடி, வாரிசுச்சான்றுக்கு 'கவனிப்பை' எதிர்பார்த்த வருவாய் ஆய்வாளர் பற்றிய வீடியோ, 'வாட்ஸ் ஆப்'பில் வைரலாக பரவி வருகிறது. அரசு அலுவலகங்களில் கடைநிலை ஊழியர் முதல், உயர் பதவி அதிகாரிகள் வரை, 'அன்பளிப்பு' கேட்டு லஞ்ச ஒழிப்பு போலீசாரிடம் சிக்கினாலும், அவ்வப்போது பலர் இப்பிரச்னையில் சிக்குவது வாடிக்கையாகிவிட்டது.
இதுபோன்ற அவலங்களை, அவ்வப்போது பிரபலப்படுத்துவதில் சமூக வலைதளங்கள் வரிந்து கட்டி செயல்படுகின்றன. தற்போது வாரிசுச்சான்று வழங்குவதற்காக, 'கவனிக்க' வேண்டும் என கறாராக பேசும் வருவாய் அலுவலர் ஒருவரின் வீடியோ பதிவு, தற்போது 'பேஸ்புக்' 'வாட்ஸ் ஆப்' போன்றவற்றில் வைரலாக பரவி வருகிறது.
திண்டுக்கல் மேற்கு தாலுகாவிற்கு உட்பட்ட, தருமத்துப்பட்டி வருவாய் ஆய்வாளர் முத்தமிழ்ச்செல்வனின் உரையாடல் இதில் இடம் பெற்றுள்ளது. பயனாளியிடம் பேசுவது போன்ற 4 நிமிட வீடியோவில், ''தாசில்தார் உள்ளிட்ட அதிகாரிகளை எப்படி காட்டிக்கொடுக்க முடியும். அரசு ஆவணங்கள், பொதுமக்களிடம் நேரடியாக வழங்கப்படுவதே தவறு. எப்படி இது வெளியானது என அதிகாரிகள் கேட்பர். உங்களுக்கு(மனுதாரருக்கு) முந்தைய, 93ம் ஆண்டின் மனுவே நிலுவையில் உள்ளது. உங்கள் விஷயத்தில் பிரச்னை இல்லாததால், நாம் எழுதுவதுதான் ஆவணம்,'' என்கிறார்.
மனுதாரர் கூலி வேலைக்கு செல்வதால் தாமதம் தவிர்க்க வேண்டும்போது, ''பிரச்னையை முடித்து வைப்பதில், அதிகபட்சமாக இரண்டை குறைத்துக்கொள்ளலாம். வசதி உள்ளவர்களுக்கு வேறு, கிளார்க்காக இருக்கும்போது 40 ஆயிரத்திற்கு முடித்து கொடுத்துள்ளோம்,'' என பதிலளிக்கிறார். இது பலரது அலைபேசிகளுக்கும் பகிரப்பட்டு வருகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை