அ.தி.மு.க.,வை அபகரிக்க நினைத்த தினகரனின் கூடாரம் காலியாகிறது! Dinamalar

அரசியல் செய்தி

தமிழ்நாடு

பதிவு செய்த நாள் :
அ.தி.மு.க.,ADMK, தினகரன்,Dinakaran,  சசிகலா கும்பல் , Sasikala gang, முதல்வர் பழனிசாமி,Chief Minister Palanisamy,  பன்னீர் செல்வம், panneerselvam, சபாநாயகர்,Speaker, தேர்தல் கமிஷன்,Election Commission,  வருமான வரி சோதனை, Income Tax inspection,

அ.தி.மு.க.,வை அபகரிக்க நினைத்த, தினகரனின் கூடாரம் காலியாகிறது. ஆட்சி, அதிகாரம், கட்சி, சின்னம் என, எல்லாமே பறிபோனதால், ஆளும் தரப்பிடம் சரணடைய, அவரின் ஆதரவாளர்கள் திட்டமிட்டுள்ளனர். நம்பி வந்து, பதவி இழந்த, 18 எம்.எல்.ஏ.,க்களும், தங்களை நட்டாற்றில் விட்ட, சசிகலா கும்பல் மீது கடும் கோபத்தில் உள்ளனர். அதனால், ஆட்சிக்கு ஆதரவு தெரிவிக்க, முடிவு செய்துள்ளனர்.

அ.தி.மு.க.,ADMK, தினகரன்,Dinakaran,  சசிகலா கும்பல் , Sasikala gang, முதல்வர் பழனிசாமி,Chief Minister Palanisamy,  பன்னீர் செல்வம், panneerselvam, சபாநாயகர்,Speaker, தேர்தல் கமிஷன்,Election Commission,  வருமான வரி சோதனை, Income Tax inspection,

ஜெ., மறைந்த பின், அ.தி.மு.க.,வையும், ஆட்சி யையும் கைப்பற்ற, சசிகலா குடும்பத்தினர் முயற்சித்தனர். ஆனால், அவர்களால் முதல்வ ராக்கப்பட்ட பழனிசாமியும், அவர்களால் முதல்வர் பதவியை இழந்த பன்னீர் செல்வமும் கைகோர்த்து, சசி குடும்பத்தை அடியோடு ஓரங்கட்டினர்.

பன்னீரும், பழனிசாமியும் இணைய மாட்டார் கள் என, தினகரன் தப்பு கணக்கு போட்டார். அவரது கணக்கு பொய்யானதால், பழனிசாமி தலைமையிலான அரசை கவிழ்க்க, முடிவு

செய்தார். அதற்காக, கட்சியை உடைக்கும் வேலையில் இறங்கினார். எம்.எல்.ஏ.,க்களை இழுக்க, பேரம் பேசப்பட்டது. 'பழனிசாமி ஆட்சியை கவிழ்த்து விட்டு, நாம் புதிய ஆட்சி அமைக்கலாம். அதில், உங்களுக்கு அமைச்சர் பதவி கிடைக்கும்' என, எம்.எல்.ஏ.,க்களுக்கு, பதவி ஆசை காட்டினர். சிலருக்கு, பணத்தாசை காட்டினர். அதை நம்பி, 20 எம்.எல்.ஏ.,க்கள், தினகரன் விரித்த வலையில் விழுந்தனர்.

அவர் சொன்னதை கேட்டு, 18எம்.எல்.ஏ.,க்கள், முதல்வருக்கு எதிராக, கவர்னரிடம் கடிதமும் கொடுத்தனர். அவர்கள் மீது நடவடிக்கை எடுக்க, சபாநாயகர் தயாரானதும், அந்த எம்.எல்.ஏ.,க்கள் பயந்து, பின்வாங்கினர். அப்போதும், அவர்களை கடத்திச் சென்று, கவனிப்புகள் செய்து, தினகரன் தக்க வைத்தார். இப்போது அந்த, 18 பேரும் பதவியை பறிகொடுத்து நிற்கின்றனர்.

எனினும், 'தினகரன் கைக்கு கட்சி வரும்; பதவி கிடைக்கும்' என்ற நப்பாசையில் காத்து இருந்தனர். அதற்கும், தேர்தல் கமிஷன் இறுதி தீர்ப்பு கூறி விட்டது. அதைஅடுத்து, ஆட்சி, அதிகாரம், கட்சி, சின்னம் எல்லாமே, பன்னீர் - பழனி அணிக்கு சென்று விட்டன. தினகரன், வெறும் மரமாக நிற்கும் நிலைமை வந்து விட்டது. இதனால், அதிர்ச்சி அடைந்து உள்ள, 18 பேரும், ஆட்சிக்கு ஆதரவு அளிக்க, முடிவு செய்து உள்ளதாக கூறப்படுகிறது.

Advertisement


இது குறித்து, தினகரன் ஆதரவுவட்டாரத்தில் கூறப்படுவதாவது: நம்பி வந்தவர்களை, தினகரனால் காப்பாற்ற முடியவில்லை. அவர்கள் இழந்த, எம்.எல்.ஏ., பதவியை, நீதிமன்றத்தின் வாயிலாக மீட்டு தருவதாக, அவர் கூறியிருந்தார். அதுவும், இப்போது நடக்குமா என்பது தெரியவில்லை.

பேசியபடி முழு தொகையும் கைமாறவில்லை. மத்திய அரசின் பிடியும் இறுகுவதால், வருமான வரி சோதனையும் தீவிரமாகி உள்ளது.இனியும் தினகரன் பின்னால் போவதா என்ற, குழப்பத்தில், ஆதரவு எம்.பி., - எம்.எல். ஏ.,க்கள் உள்ளனர். இனிமேல், தினகரனால், அ.தி.மு.க., என்ற பெயரில் செயல்பட முடியாது. தனிக்கட்சி ஆரம்பித்தாக வேண்டும்.

அதில் சேர்ந்தால், கட்சி தாவல் தடை சட்டப்படி, பதவி பறிபோய் விடும். ஏற்கனவே, இழந்த பதவியை பெற, எம்.எல்.ஏ.,க்கள் போராடும் நிலையில், இது நிரந்தர தடையை ஏற்படுத்தி விடும் என, பலரும் அஞ்சுகின்றனர்.இதை தவிர்க்க, பதவி இழந்த, எம்.எல்.ஏ.,க்களில் பெரும்பாலானோர், அ.தி.மு.க.,விற்கு செல்ல தயாராகி, ரகசிய பேச்சுவார்த்தையை துவக்கி உள்ளனர். மற்ற நிர்வாகிகளும், 'இனி தினகரனை நம்பினால், அரசியல் எதிர்காலம் இருக்காது' என நினைத்து, அணி மாற முடிவு செய்துள்ளனர்.இவ்வாறு அந்த வட்டாரத்தில் கூறப்படுகிறது.

- நமது நிருபர் -


Advertisement

வாசகர் கருத்து (84)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Natarajan Ramanathan - தேவகோட்டை,இந்தியா
25-நவ-201719:56:49 IST Report Abuse

Natarajan Ramanathanபதினெட்டு தொகுதிகளுக்கும் இடைதேர்தல் வைத்தால் பல பிரச்சனைகளுக்கு நிரந்தர தீர்வு கிடைக்கும்.

Rate this:
Narasimhan - Manama,பஹ்ரைன்
25-நவ-201717:47:53 IST Report Abuse

Narasimhan18 சட்டமன்ற உறுப்பினர்கள் ஆதரவை அறிந்ததும் பன்னீர் அணி ஓரங்கட்டப்படுகிறது. முப்பெரும் விழா ஒரு உதாரணம். பன்னீர் அணி பாஜகவுக்கு தாவும் சூழ்நிலை உருவாகுகிறது. சமீபத்தில் மாபா பாண்டியராஜன் பாஜகவின் திட்டங்களை புகழ்ந்து தள்ளியுள்ளார். அதிமுக தானே அழிந்து விடும். சுடலைக்கு நல்ல வாய்ப்பு. பயன்படுத்திக் கொண்டால் வெகு விரைவில் ஆட்சியை கைப்பற்றமுடியும். மிகப்பெரிய எதிர்க்கட்சி தலைவராக கமலஹாசன் திகழ போகிறார்.

Rate this:
elango - trichy,இந்தியா
25-நவ-201717:17:17 IST Report Abuse

elangoதினகரனுக்கு ஆதரவு பெருகுவதை தடுக்க முடுயாது

Rate this:
muthu - ,
25-நவ-201720:25:04 IST Report Abuse

muthuboss mutts payaley...

Rate this:
மேலும் 80 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X