ஹிந்துக்கள் 4 குழந்தைகள் பெற வேண்டும்! : ஹரித்வார் மடாதிபதி பேச்சால் சர்ச்சை | Dinamalar

பொது செய்தி

இந்தியா

ஹிந்துக்கள் 4 குழந்தைகள் பெற வேண்டும்! : ஹரித்வார் மடாதிபதி பேச்சால் சர்ச்சை

Added : நவ 26, 2017 | கருத்துகள் (205)
Advertisement
ஹிந்துக்கள் 4 குழந்தைகள் பெற வேண்டும்! : ஹரித்வார் மடாதிபதி பேச்சால் சர்ச்சை

உடுப்பி, ''நாடு முழுவதும் ஒரே சிவில் சட்டம் அமல்படுத்தப்படும் வரை, ஹிந்துக்கள், குறைந்தது நான்கு குழந்தைகளையாவது பெற்றுக் கொள்ள வேண்டும்,'' என, ஹரித்வார் பாரத் மாதா மந்திர் மடாதிபதி, சுவாமி கோவிந்ததேவ் தெரிவித்துள்ளார்.


ஒரே சிவில் சட்டம்

கர்நாடக மாநிலம் உடுப்பியில், விஸ்வ ஹிந்து பரிஷத் சார்பில் நடந்த, 'தர்ம சன்சாத்' என்ற நிகழ்ச்சியில், உத்தரகண்ட் மாநிலம், ஹரித்வாரில் உள்ள, பாரத் மாதா மந்திர் மடாதிபதி, சுவாமி கோவிந்ததேவ் கிரிஜி மகாராஜ் பேசியதாவது:நம் நாட்டின் பல பகுதிகளில் ஹிந்துக்களின் மக்கள் தொகை, வேகமாக குறைந்து வருகிறது. இதற்கு முன், ஹிந்துக்களின் மக்கள் தொகை குறைவாக உள்ள பகுதிகளை எல்லாம், நாம் எதிரிகளிடம் இழந்துள்ளோம்; இனியும் அந்த நிலை தொடரக் கூடாது.


நான்கு குழந்தைகள்

நாடு முழுவதும் ஒரே சிவில் சட்டம், முழுமையாக அமலாகும்வரை, ஹிந்துக்கள் அனைவரும், குறைந்தது, நான்கு குழந்தைகளையாவது பெற்றுக்கொள்ள வேண்டும். ஒரு தம்பதிக்கு, இரண்டு குழந்தைகள் என்ற கொள்கை, நாடு முழுவதும் உள்ள அனைத்து குடிமக்களுக்கும் பொருந்த வேண்டும்; இதை, ஹிந்துக்கள் மீது மட்டும் திணிக்கக் கூடாது.


குற்ற செயல்கள்

பசு பாதுகாப்பு அமைப்பு, நல்ல விஷயங்களுக்காக செயல்படுகிறது. ஆனால், குற்றப் பின்னணி உடைய சிலர், இந்த அமைப்பின் பெயரை தவறாக பயன்படுத்தி, குற்றச் செயல்களை செய்கின்றனர். தங்கள் சொந்த பிரச்னைகளை தீர்த்துக் கொள்ள, பசு பாதுகாவலர்கள் என்ற பெயரை பயன்படுத்துகின்றனர்.இவ்வாறு அவர் பேசினார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X