4 நகரங்களை இணைக்கும் தங்க நாற்கர ரயில் பாதை திட்டம் அசத்தல்! Dinamalar

பொது செய்தி

இந்தியா

பதிவு செய்த நாள் :
அசத்தல்!
4 நகரங்களை இணைக்கும்
தங்க நாற்கர ரயில் பாதை திட்டம்

புதுடில்லி: சென்னை, மும்பை, கோல்கட்டா, டில்லி நகரங்கள் இடையே, மணிக்கு, 160 கி.மீ., வேகத்தில் அதிவேக ரயில்களை இயக்கும் வகையில், தங்க நாற்கர ரயில் பாதை திட்டத்தை செயல்படுத்த, மத்திய அரசு தீவிரமாக உள்ளது.

4 நகரங்களை ,இணைக்கும்,தங்க நாற்கர ,ரயில் பாதை, திட்டம்,அசத்தல்


சிறந்த ரயில் சேவையை அளிக்கும் வகையில், ரயில்களின் வேகத்தை அதிகரிக்க, ரயில்வே முக்கியத்துவம் கொடுத்து வருகிறது. மணிக்கு, 130 கி.மீ., வேகத்தில் இயங்கும், கதிமான் எக்ஸ்பிரஸ் ரயில், சமீபத்தில் அறிமுகம் செய்யப்பட்டது.

தங்க நாற்கர சாலை திட்டத்தைப் போல, நான்கு பெரு நகரங்களை இணைக்கும் வகையில், தங்க நாற்கர ரயில் பாதை திட்டத்தை செயல்படுத்த, மத்திய அரசு திட்டமிட்டுள்ளது. அதன்படி, சென்னை, மும்பை, கோல்கட்டா, டில்லி இடையே, மணிக்கு, 160 கி.மீ., வேகத்தில் இயங்கும், அதிவேக ரயில்களை இயக்க திட்டமிடப்பட்டுள்ளது. தற்போது, இந்த மார்க்கங்களில் மணிக்கு, 90 கி.மீ., வேகத்தில் ரயில்கள் இயக்கப்படுகின்றன.

இவ்வாறு அதிவேக ரயில்களை இயக்கும் போது, இந்த மார்க்கங்களில் பயண நேரம், பல மணி நேரம் வரை குறையும். இதற்காக, 10 ஆயிரம் கி.மீ., துாரத்துக்கு ரயில் பாதைகளை மேம்படுத்துவது, புதிதாக மாற்றுவது போன்ற பணிகள் மேற்கொள்ளப்பட உள்ளன.

இதற்கிடையே, டில்லி - மும்பை இடையே, 11 ஆயிரத்து, 189 கோடி ரூபாயில் மேம்பாட்டு

பணிகள் மேற்கொள்ளவும், டில்லி - ஹவுரா இடையே, 6,975 கோடி ரூபாயில் பணிகள் மேற் கொள்ளவும், நடப்பு நிதியாண்டுக்கான பட்ஜெட்டில் நிதி ஒதுக்கப் பட்டுள்ளது.

ரயில் பாதைகளை வலுப்படுத்துதல், சிக்னல் முறையை மேம்படுத்துதல், விபத்து ஏற்படும் அபாயம் உள்ள பகுதிகளில் தடுப்புகள் அமைப்பது போன்ற பணிகள்மேற்கொள்ளப்பட உள்ளன. இந்த ரயில்வே தங்க நாற்கர திட்டத்துக் கான வடிவமைப்பு பணிகள் துவங்கியுள்ளன.

வரும், 2022 ஆகஸ்ட், 15ல், நாட்டின், 75வது சுதந்திர தினத்தின்போது, இந்த திட்டத்துக்கு செயல்வடிவம் கொடுக்க மத்திய அரசு திட்டமிட்டுள்ளது. சமீபத்தில் நடந்த ரயில்வே வாரியத்தின் கூட்டத்தில், திட்டத்தை செயல்படுத்துவதற்கான வரைவு திட்டம் உருவாக்க முடிவு செய்யப்பட்டுள்ளது.

இந்த திட்டத்துக்கு, 'நிடி ஆயோக்' ஏற்கனவே அனுமதி அளித்துள்ளது. மத்திய அமைச்சரவையின் ஒப்புதலுக்காக காத்திருக்கிறது. ஒப்புதல் கிடைத் ததும் திட்டபணிகள் வேகமெடுக்கும் என, ரயில்வே அதிகாரிகள் நம்பிக்கை தெரிவித்து உள்ளனர்.

ரயில் விபத்து குறைந்துள்ளது


ரயில்வே வாரியத் தலைவர், அஸ்வினி லோஹானி கூறியதாவது: ரயில்வே பாதுகாப்புத் துறையில், 1.25 லட்சம் பேர் சேர்க்கப்பட்டுள்ளனர். அதனால், பராமரிப்பு பணிகள் விரைவாக நடப்ப தால், விபத்துகள் குறைந்துள்ளன. இந்த ஆண்டில் ஏப்., 1 முதல், நவ., 30 வரையிலான காலத்தில், முந்தைய ஆண்டுடன் ஒப்பிடுகையில் விபத்துகள், 40 சதவீதம் குறைந்துள்ளன. இவ்வாறு அவர் கூறினார்.

முதல் நாளில் 2 லட்சம் பேர் பயணம்: ஐதராபாத் மெட்ரோ ரயில் சாதனை


தெலுங்கானாவில், முதல்வர் சந்திரசேகர ராவ் தலைமையில், தெலுங்கானா ராஷ்ட்ரீய சமிதி ஆட்சி நடக்கிறது.

Advertisement

தலைநகர் ஐதராபாதில், முதற் கட்டமாக, மியாபுர் - நகோல் இடையே, 30 கி.மீ., துாரத்துக்கு, மெட்ரோ ரயில் பாதை அமைக்கப்பட்டு உள்ளது. இந்த சேவையை, பிரதமர் மோடி, சமீபத்தில் துவக்கி வைத்தார்.

இதையடுத்து, நேற்று முன்தினம், ஐதராபாத் மெட்ரோ நிர்வாகம்,வர்த்த ரீதியான சேவையை துவக்கியது. இதில், ஒரே நாளில் இரண்டு லட்சம் பேர், மெட்ரோ ரயிலில் பயணித்து உள்ளதாக, மெட்ரோ நிர்வாகம் தெரிவித்துள்ளது.

இது குறித்து, ஐதராபாத் மெட்ரோ ரயில் நிர்வாகத்தின் மேலாண்மை இயக்குனர், என்.வி.எஸ்.ரெட்டி கூறியதாவது:உலகளவில், அரசு மற்றும் தனியார் பங்களிப்புடன் கூடிய மெட்ரோ ரயில் சேவையில், இது தான், மிகப்பெரிய திட்டம்.

முதற்கட்டமாக, 30 கி.மீ., பணி முடிந்து சேவை துவக்கப்பட்டு உள்ளது.இதில், 24 ஸ்டேஷன்கள் உள்ளன. முதல் நாளிலேயே, இரண்டு லட்சம் பேர் பயணித்து உள்ளனர். இது, ஒரு சாதனை. நாங்கள் எதிர்பார்த்ததை விட, அதிக வரவேற்பு கிடைத்துள்ளது; இதில், பணி நிமித்தமாக பயணித்தவர்களே அதிகம். இவ்வாறு அவர் கூறினார்.

சென்னையில், மெட்ரோ ரயில் சேவை, வர்த்தக ரீதியாக துவக்கப்பட்ட முதல் நாளில், 40 ஆயிரம் பேர் பயணித்தனர்.


Advertisement

வாசகர் கருத்து (41)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Somiah M - chennai,இந்தியா
08-டிச-201719:18:56 IST Report Abuse

Somiah Mஅறுபது கோடி விவசாயிகளின் தண்ணீர் தேவையையும் நூற்று முப்பது கோடி இந்தியர்களுக்கான உணவு உற்பத்தி தேவையையும் நிறைவு செய்வதற்கான இந்திய நதிகளின் இணைப்பு பற்றி பேசுவதற்கு ஒருவருக்கும் மனசில்லை .ஆனால் உலக அளவில் பீத்திக்கொள்ள புல்லெட் ரயிலையும் ,பறக்கும் ரயிலையும் விட பல லட்சம் கோடி ரூபாய்களை சிலவு செய்வதற்கு திட்டமிடப் படுவது ,குடிப்பதற்கு கஞ்சி இல்லாத பொழுது கோமணத்திற்கு பட்டுதுணி தேடுவது போல் இல்லையா ?

Rate this:
அம்பி ஐயர் - நங்கநல்லூர், சென்னை - 61,இந்தியா
03-டிச-201710:07:33 IST Report Abuse

அம்பி ஐயர்தமிழ்நாட்டில் இருவழிப்பாதை.... மின்மயமாக்கல் போன்றவை ஏற்படாததற்கு மிக முக்கிய காரணம் தனியார் ஆம்னி பஸ் முதலாளிகளும் அவர்களால் கட்டப்படும் கப்பமும்....

Rate this:
adalarasan - chennai,இந்தியா
01-டிச-201721:58:31 IST Report Abuse

adalarasanநிதி வொடுக்குவதிலோ சென்னைக்குத்தான் எப்பொழுதும், கடைசி முக்கியத்துவம் என்பது வழக்கம்போல் தெளிவாகிறது

Rate this:
மேலும் 38 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)