ஆர்.கே.நகருக்கு அ.தி.மு.க.,வில் மதுசூதனன்! பழனிசாமி - பன்னீர்செல்வம் கூட்டாக அறிவிப்பு Dinamalar

அரசியல் செய்தி

தமிழ்நாடு

பதிவு செய்த நாள் :
ஆர்.கே.நகருக்கு அ.தி.மு.க.,வில் மதுசூதனன்!
பழனிசாமி - பன்னீர்செல்வம் கூட்டாக அறிவிப்பு

கடும் போட்டிக்கு இடையே, ஆர்.கே.நகர் அ.தி.மு.க., வேட்பாளராக, அவைத் தலைவர், மதுசூதனன், நேற்று அதிகார பூர்வமாக அறிவிக்கப்பட்டார்.

 ஆர்.கே.நகருக்கு ,அ.தி.மு.க.,வில், மதுசூதனன்! பழனிசாமி - பன்னீர்செல்வம்,கூட்டாக,அறிவிப்பு

சென்னை, ஆர்.கே.நகர் சட்டசபை தொகுதிக்கு, மார்ச் மாதம் இடைத்தேர்தல் அறிவிக்கப்பட்ட போது, அ.தி.மு.க., இரு அணிகளாக பிளவு பட்டிருந்தது. அப்போது, பன்னீர் அணி சார்பில், மதுசூதனன்; சசிகலா அணி சார்பில், தினகரன் களம் இறங்கினர். வாக்காளர்களுக்கு, அதிக அளவில் பணம் கொடுக்கப்பட்டதால், தேர்தல் ஒத்திவைக்கப்பட்டது.

தற்போது, மீண்டும், டிச., 21ல், இந்த தொகுதிக்கு தேர்தல் அறிவிக்கப்பட்டுள்ளது. ஒருங்கிணைந்த, அ.தி.மு.க., சார்பில் போட்டி யிட, மதுசூதனன் விருப்பம் தெரிவித்தார்.

அவர், துணை முதல்வர், பன்னீர்செல்வம்

ஆதரவாளர் என்பதால், பழனிசாமி ஆதரவாளர் கள் சிலர், 'சீட்' கேட்டு நெருக்கடி கொடுத்தனர். சில அமைச்சர்களும், அதன் பின்னணியில் செயல்பட்டனர்.இதனால், வேட்பாளரை அறிவிப்ப தில், இழுபறி ஏற்பட்டது. அதைத் தொடர்ந்து, நவ., 27, 28ல், போட்டியிட விரும்பு வோரிடம், கட்சியில் விருப்ப மனு வாங்கப்பட்டது. மதுசூதனன் உட்பட, 27 பேர் விருப்ப மனு தாக்கல் செய்தனர். அவர்கள், 'சீட்' பெற, கடும் முயற்சி செய்தனர். ஆனால், மதுசூதனனையே மீண்டும் நிறுத்த வேண்டும் என்பதில், பன்னீர் செல்வம் உறுதியாக இருந்தார்.

இந்தசூழலில், சென்னையில், நேற்று காலை, 10:00 மணிக்கு, அ.தி.மு.க., தலைமை அலுவலகத்தில், ஆட்சிமன்றக் குழு கூட்டம் நடந்தது.

முதல்வர் பழனிசாமி, துணை முதல்வர், பன்னீர்செல்வம், அவைத் தலைவர், மதுசூதனன், முன்னாள் அமைச்சர்கள், கே.பி.முனுசாமி, வைத்திலிங்கம், வளர்மதி, எம்.பி., வேணுகோபால், தமிழ்மகன் உசேன் ஆகியோர் கலந்து கொண்டனர். ஆட்சிமன்ற குழு உறுப்பினரான ஜஸ்டின் செல்வராஜ் மட்டும், உடல் நலக்குறைவு காரணமாக பங்கேற்கவில்லை.

காலை, 11:30 மணி வரை கூட்டம் நடந்தது. வேட்பாளர் அறிவிப்பு, தேர்தல் கமிட்டி அமைப்பு ஆகியவை குறித்து ஆலோசிக்கப்பட்டது. இறுதியாக, ஆர்.கே.நகர் வேட்பாளராக, மதுசூதனன் அறிவிக்கப்பட்டார்.இதற்கான அறிவிப்பை,

Advertisement

அ.தி.மு.க., ஒருங்கிணைப்பாளர், பன்னீர்செல்வம், இணை ஒருங்கிணைப்பாளர், பழனிசாமி ஆகியோர் கூட்டாகவெளியிட்டனர்.

தொண்டர்கள் கொண்டாட்டம்!


சென்னை, அ.தி.மு.க., தலைமை அலுவலகத்தின் முன், ஆர்.கே.நகர் வேட்பாளர் யார் என்பதை அறிய, அ.தி.மு.க., தொண்டர்கள் ஏராளமானோர் குவிந்திருந்தனர். மதுசூதனன் பெயர் அறிவிக்கப் பட்டதும், அவர்கள் ஆடிப் பாடினர். பட்டாசு வெடித்தும், இனிப்பு வழங்கி யும், மகிழ்ச்சியை பரிமாறிக் கொண்டனர். மதுசூதனனுக்கு, அமைச்சர்கள் மற்றும் கட்சி நிர்வாகிகள், சால்வை அணிவித்து, வாழ்த்து தெரிவித்தனர்.

26 ஆண்டுக்கு பின்...


அ.தி.மு.க., வேட்பாளர், மதுசூதனன், எம்.ஜி.ஆர்., காலத்தில் இருந்து, அக்கட்சி உறுப்பினராக உள்ளார். 1991ல், ஆர்.கே.நகர் தொகுதியில் போட்டியிட்டு, வெற்றி பெற்றார். ஜெ., அமைச்சரவையில், கைத்தறித் துறை அமைச்சராக இருந்தார். அதன்பின், அவர் தேர்தலில் போட்டியிடவில்லை.கடந்த மார்ச் மாதம், ஆர்.கே.நகர் தேர்தல் அறிவிக்கப்பட்ட போது,பன்னீர் அணி சார்பில், 26 ஆண்டுகளுக்கு பின், களம் இறங்கினார். ஆனால், தேர்தல் நடைபெறவில்லை. தற்போது, மீண்டும் ஒருங் கிணைந்த, அ.தி.மு.க., சார்பில் போட்டியிடுகிறார்.

- நமது நிருபர் -


Advertisement

வாசகர் கருத்து (36)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Harinathan Krishnanandam - Chennai,இந்தியா
02-டிச-201708:09:05 IST Report Abuse

Harinathan Krishnanandamவரும் ஜனவரி 2018 முதல் நாடு முழுவதும் 7 0 வயதிற்கு மேற்பட்ட யாரும் தேர்தலில் போட்டியிட எங்கள் கட்சி தேர்வு செய்யாது என்று அனைத்து கட்சிகளும் தேர்தல் ஆணையத்திடம் பிராமண பத்திரங்கள் தாக்கல் செய்ய மக்கள் தொடர்ந்து வலியுறுத்த வேண்டும் என்று கேட்டுக்கொள்கிறேன்

Rate this:
Malick Raja - jeddah,சவுதி அரேபியா
06-டிச-201716:37:40 IST Report Abuse

Malick Rajaஅதெப்படி நியாயமாக இருக்கும் அரசு ஊழியர் ஓய்வு வயதும் அரசியல் வாதிகளின் ஓய்வும் ஒரே நிலையிலானாதான் நாடு உருப்படும் .. 62,வயதுக்கு மேல் அரசியலில் இருக்கலாம் ஆனால் அரசியல் பதவியும் அரசாங்க பதவியும் பெற தடை விதித்தால்தான் அரசியல்வாதிகள் திருந்துவார்கள் .....

Rate this:
subash - pondicherry,இந்தியா
01-டிச-201713:24:40 IST Report Abuse

subashதிமுக வெற்றி பெற்றால் இடை தேர்தல் தொகுதி மக்களுக்கு எந்த பயனும் ஏற்பட போவதில்லை எனவே ஆளும் கட்சிக்கு தான் மக்கள் ஒட்டு போடுவார்கள்

Rate this:
தலைவா - chennai,இந்தியா
01-டிச-201717:21:30 IST Report Abuse

தலைவா அதைவிட தினகரனுக்கு ஓட்டு போடலாம் என்று மக்கள் நினைத்தால்....

Rate this:
skandh - chennai,இந்தியா
04-டிச-201716:10:01 IST Report Abuse

skandhதினகரன் வெற்றி பெற்றால் ஆட்சி பழனி பண்ணீரிடமிருந்து தினகரனுக்கு கைமாறுவது .தவிர்க்க முடியாதது....

Rate this:
subash - pondicherry,இந்தியா
01-டிச-201713:23:18 IST Report Abuse

subashஅண்ணா திமுகவின் எதிர்காலமே மதுசூதனனின் வெற்றியில் இருக்கிறது எனவே கண்டிப்பாக அமைச்சர்கள் தங்கள் பதவியை காப்பாற்றிக் கொள்வதற்காக ஒற்றுமையாக இவர் வெற்றிக்கு பாடுபடுவார்கள். இடை தேர்தலில் மக்கள் எப்போதும் ஆளும் கட்சிக்கு தான் ஓட்டு போடுவார்கள். அப்போது தான் நல திட்ட உதவிகள் தொகுதிக்கு கிடைக்கும். எதிர் கட்சி வெற்றிபெற்றால் தொகுதிக்கு ஒன்றும் கிடைக்காது என்று மக்களுக்கு தெரியும். எனவே அண்ணாதிமுக கண்டிப்பாக வெற்றிபெறும்

Rate this:
kandhan. - chennai,இந்தியா
01-டிச-201716:38:21 IST Report Abuse

kandhan.கடந்த ஆறு வருடங்களாக தி மு க மீது குற்றம் சாட்டி இன்றுவரை தமிழக மக்களுக்கு எந்த பயனும் ஆளும் அண்ணா தி மு க ஆட்சியால் ஏற்படவில்லை இந்த கூட்டம் எதை வைத்து ஆர் கே நகர் மக்களிடம் வோட்டு கேட்பார்கள் அங்குள்ள மக்களுக்குத்தான் என்ன பிரச்சினை என்பது தெரியும் நம் மக்கள் எப்போதும் பிரியாணிக்கும், குவார்ட்டருக்கும் பணத்துக்கும் விலை போனதால் வந்த நிலை இன்றைய தமிழ்நாட்டின் நிலை என்பதை நாம் மறக்கமுடியுமா ?????சொல்லுங்கள் மாற்றம் வேண்டாமா இல்லை இப்படியே இருக்கவேண்டியதுதானா ??மக்களை சிந்திக்கவிடுங்கள் எல்லாம் சரியாகிவிடும் கந்தன் சென்னை...

Rate this:
skv - Bangalore,இந்தியா
01-டிச-201720:33:07 IST Report Abuse

skv<srinivasankrishnaveni>ஐயே இவன் வந்தால் அவனை திட்டுவாங்க அவன் வந்தால் இவனை திட்டுவாங்க ஆனால் ரெண்டுமே கள்ள நிரப்பிண்டு கோடீலே வயறுவலாக்கும் என்று இந்த ரெண்டும் தமிழ்நாட்டுலேந்துஒளிக்கப்படுமோ அன்றுதான் விடுதலை தமிழனுக்கு...

Rate this:
skandh - chennai,இந்தியா
05-டிச-201711:06:33 IST Report Abuse

skandhதினகரனின் வெற்றி தவிர்க்க முடியாதது.ஆட்சிக்கட்டில் தினகரனின் கைக்கு மாறவேண்டியது ,காலத்தின் கட்டாயம்....

Rate this:
மேலும் 27 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X