ஆர்.கே.நகரில் பழனி-பன்னீர் கூட்டு பிரசாரம்; ஸ்டாலின் மீது முதல்வர் கடும் தாக்கு Dinamalar

அரசியல் செய்தி

தமிழ்நாடு

பதிவு செய்த நாள் :
ஆர்.கே.நகரில் பழனி-பன்னீர் கூட்டு பிரசாரம்;
ஸ்டாலின் மீது முதல்வர் கடும் தாக்கு

சென்னை : ''ஆர்.கே.நகர் மக்களுக்கு, தி.மு.க., எதுவும் செய்யவில்லை. மேயர், உள்ளாட்சித் துறை அமைச்சர், துணை முதல்வராக, ஸ்டாலின் இருந்த போதும், தொகுதியை எட்டிப் பார்க்கவில்லை,'' என, முதல்வர் பழனிசாமி குற்றஞ்சாட்டினார்.

பழனிசாமி,palanisami, பன்னீர்செல்வம், Panneerselvam,ஸ்டாலின்,Stalin ,ஆர்.கே.நகர் தேர்தல், RK Nagar election,  மதுசூதனன்,Madhusudhanan,  துணை முதல்வர் பன்னீர்செல்வம்,Deputy Chief Minister Panneerselvam,   ஜெயகுமார்,Jayakumar, விஜயபாஸ்கர்,Vijayabaskar,   கோகுல இந்திரா , Gokula Indira,  ஜெயலலிதா, Jayalalithaa,அ.தி.மு.க,AIADMK, தி.மு.க,DMK,முதல்வர் பழனிசாமி ,Chief Minister Palanisamy,


சென்னை, ஆர்.கே.நகர் தொகுதியில் போட்டியிடும், அ.தி.மு.க., வேட்பாளர், மதுசூதனனை ஆதரித்து, முதல்வர் பழனிசாமி, துணை முதல்வர் பன்னீர்செல்வம், அமைச்சர்கள், ஜெயகுமார், விஜயபாஸ்கர், முன்னாள் அமைச்சர், கோகுல இந்திரா மற்றும் கட்சி நிர்வாகிகள், கொருக்குப்பேட்டை, அம்பேத்கர் நகரில், திறந்த வேனில் தேர்தல் பிரசாரத்தில் ஈடுபட்டனர்.

பிரசாரத்திற்கு முன், கொருக்குப்பேட்டை, நாராயணபுரத்தில் உள்ள சீனிவாச பெருமாள் கோவிலில், சுவாமி தரிசனம் செய்தனர். அவர்களை, மேளதாளங்கள் முழங்க, கட்சியினர் வரவேற்றனர். வீடுகளின் மாடியில் இருந்து பெண்கள், குழந்தைகள், பூக்களை துாவினர். வழிநெடுகிலும், பெண்கள் ஆரத்தி எடுத்தனர். முதல்வர், துணை முதல்வருக்கு, பூரண கும்ப மரியாதை வழங்கப்பட்டது. பெண்கள், ஆண்கள், வழிநெடுகிலும் குத்தாட்டம் போட்டனர்.

பிரசாரத்தில், முதல்வர் பழனிசாமி பேசியதாவது: ஆர்.கே.நகர் தேர்தல், அ.தி.மு.க., வலிமையை நிரூபிக்கும் தேர்தலாக உள்ளது. இத்தொகுதி, ஜெயலலிதாவின் தொகுதி என்பதால், இந்தியா முழுவதும், 'அம்மா தொகுதி' என்ற முத்திரை பெற்றுள்ளது. அவர், ஏராளமான திட்டங்களை வழங்கி இருக்கிறார். இதற்கு முன், ஆர்.கே.நகரில் பல, எம்.எல்.ஏ.,க்கள் தேர்ந்தெடுக்கப்பட்டாலும், போதிய திட்டங்கள் வழங்கப்படவில்லை.
ஏழை, எளிய, தாழ்த்தப்பட்ட மக்களின் பொருளாதாரம் மேம்பட, ஏராளமான திட்டங்களை, ஜெ., வாரி வழங்கி இருக்கிறார்.

இன்றைய எதிர்க்கட்சி தலைவர், ஸ்டாலின், 'இந்த தேர்தலில், தி.மு.க., வெற்றி பெற்றால், ஆர்.கே.நகர் வளர்ச்சி பெறும்' என்கிறார். அவர், ஐந்து ஆண்டுகளாக, சென்னையில் மேயராக இருந்த போது, ஆர்.கே.நகர் தொகுதி முழுவதும், மாநகராட்சி கட்டுப்பட்டிற்குள் தான் வருகிறது.

எந்த திட்டமும், ஆர்.கே.நகர் மக்களுக்கு செய்யவில்லை. அதன்பின், உள்ளாட்சி அமைச்சராக, துணை முதல்வராக, ஸ்டாலின் இருந்தார். அப்போது, தொகுதியை எட்டிக் கூட பார்க்கவில்லை. தொகுதிக்கு, எந்தவித அடிப்படை தேவையையும் நிறைவேற்றவில்லை. ஜெ., தேர்ந்தெடுக்கப்பட்ட பின் தான், முதல்வரான பின் தான், தொகுதிக்கு விடிவு காலம் ஏற்பட்டது; கல்லுாரி கட்டி கொடுத்தார்; பல்வேறு நலத் திட்டங்களை செய்தார்.

தொகுதிக்கு, ஏராளமான திட்டம் வருவதற்கு, மதுசூதனன் அடித்தளமிட்டு உள்ளார். ஜெயலலிதா, மதுசூதனனை அழைத்து தான், 'ஆர்.கே.நகர் தொகுதிக்கு, என்ன செய்ய வேண்டும்' என, கேட்டறிந்து நிறைவேற்றினார். அவர் விட்டு சென்ற பணிகளை, மதுசூதனன் தொடருவார்.இவ்வாறு முதல்வர் பேசினார்.

இலவச வீடு:


துணை முதல்வர் பன்னீர்செல்வம் பேசியதாவது: மதுசூதனன், உங்களில் ஒருவர். ஏற்கனவே ஜெ., பல்வேறு நலத் திட்டங்களை நிறைவேற்றி உள்ளார். 'ஆர்.கே.நகரில் உள்ள அடித்தட்டு மக்களுக்கு வீடு கட்டி தரப்படும்' என அவர் தெரிவித்திருந்தார். ஏற்கனவே இப்பகுதியில் உள்ள அடித்தட்டு மக்கள் குறித்து கணக்கெடுக்கப்பட்டு உள்ளது. தேர்தல் முடிந்த உடன், ஏழை, எளிய மக்களுக்கு வீடு கட்டி தரப்படும். இவ்வாறு அவர் பேசினார்.

பிரசார துளிகள்:


* பிரசாரத்தின்போது, முதல்வர், துணை முதல்வர் ஆகியோர் திறந்த வேனில் பேசினர். வேனுக்கு பின்னால் வந்த, இரு சக்கர வாகனங்கள் ஒலி எழுப்பியபடி சென்றதால் பேச சிரமப்பட்டனர்

Advertisement


* கொருக்குப்பேட்டை, அம்பேத்கர் நகர், 1 முதல் 5 தெருக்களில் முதல்வர் பிரசாரம் செய்வதாக இருந்தது. இரண்டு தெருக்களில் திறந்த வேனில் பிரசாரம் செய்த முதல்வர், அம்பேத்கர் மூன்றாவது தெருவில் பிரசாரத்தை முடிக்க முயன்றார். அவரை அமைச்சர் விஜயபாஸ்கர் உள்ளிட்டோர், 'இப்பகுதி மக்களிடம் நமக்கு அமோக வரவேற்புள்ளது' என வற்புறுத்தி அழைத்து சென்றனர். ஆனால், அம்பேத்கர், 4வது, 5வது தெருக்களுக்கு செல்வதை தவிர்த்து, பாதி வழியிலேயே பிரசாரத்தை முடித்து, முதல்வர் கிளம்பினார்
* காசிமேட்டில், சூரியநாராயண தெருவில், அ.தி.மு.க., தேர்தல் பணிமனை அமைக்கப்பட்டுள்ளது. அதை, முதல்வர் பழனிசாமி திறந்து வைத்தார். பிரசார துண்டு பிரசுரத்தை முதல்வர் வெளியிட, முன்னாள் அமைச்சர் கே.பி.முனுசாமி பெற்றார்.

விஷால் அபாண்டம்:

''அ.தி.மு.க.,விற்கு ஆதரவாக, தேர்தல் கமிஷன் செயல்படவில்லை,'' என அமைச்சர் ஜெயகுமார் கூறினார். அமைச்சர் ஜெயகுமார் கூறியதாவது: எங்களின் பிரதான எதிர்க்கட்சி தி.மு.க., தான். அவர்களுக்கு எதிராக தான், பிரசாரம் மேற்கொள்கிறோம். அ.தி.மு.க.,விற்கு ஆதரவாக தேர்தல் கமிஷன் செயல்படவில்லை. தேர்தல் கமிஷன், தனி அமைப்பு. ஆனால், தேர்தல் கமிஷனின் மீது விஷால் அபாண்டமாக குற்றஞ்சாட்டுகிறார். நாங்கள் தினகரனை ஒரு பொருட்டாக மதிக்கவில்லை. ஆர்.கே.நகரில் சென்ற இடத்தில் எல்லாம் அ.தி.மு.க.,விற்கு அமோக வரவேற்பு உள்ளது; வெற்றியும் பிரகாசமாக உள்ளது. இவ்வாறு அவர் கூறினார்.


Advertisement

வாசகர் கருத்து (21)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
a.s.jayachandran - chidambaram,இந்தியா
08-டிச-201721:27:04 IST Report Abuse

a.s.jayachandranதொடர்ந்து ஏழாண்டு காலம் நீங்கள்தான் ஆட்சி செய்து இருக்கீங்க மறுபடியும் ஏன் ஸ்டாலின் அவர்களை குறை சொல்கிறீர்கள்.நீங்களாவது நல்லது செய்து இருக்கலாமே.நல்லதை யார்வேண்டுமானாலும் செய்யலாம் .

Rate this:
Jeeva - virudhunagar,இந்தியா
08-டிச-201718:03:50 IST Report Abuse

Jeeva Stalin oru aale kidaiyathu

Rate this:
Prem - chennai,இந்தியா
08-டிச-201717:24:00 IST Report Abuse

PremMakkalin aatharavu endrum irattai ilai chinnathuku than

Rate this:
மேலும் 18 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X