'அமெரிக்கர்களுக்கு முன்னுரிமை' திட்டத்தால் இந்தியர்கள் கலக்கம்! 7.5 லட்சம் பேர் சொந்த நாட்டுக்கு அனுப்பப்படும் அபாயம் Dinamalar
பதிவு செய்த நாள் :
கலக்கம்!
'அமெரிக்கர்களுக்கு முன்னுரிமை' திட்டத்தால் இந்தியர்கள்..
7.5 லட்சம் பேர் சொந்த நாட்டுக்கு அனுப்பப்படும் அபாயம்

வாஷிங்டன் : அமெரிக்க அதிபர், டொனால்டு டிரம்பின், 'அமெரிக்க பொருட்களை வாங்குங்கள்; அமெரிக்கர்களை மட்டுமே பணிஅமர்த்துங்கள்' என்ற கொள்கையை நிறைவேற்றும் வகையில், அந்நாட்டு அரசு புதிய திட்டம் ஒன்றை தீட்டியுள்ளது. இத்திட்டம் நிறைவேற்றப்பட்டால், 'எச் - 1பி' விசா வைத்திருக்கும், 7.5 லட்சம் இந்தியர்கள், சொந்த நாட்டுக்கு திருப்பி அனுப்பப்படும் நிலை உருவாகும். இதனால், அமெரிக்க வாழ் இந்தியர்கள் மத்தியில் பீதி எழுந்துள்ளது.

அமெரிக்கர்கள்,முன்னுரிமை,இந்தியர்கள்,கலக்கம்,7.5 லட்சம்,சொந்த நாடு,அபாயம்


அமெரிக்க அதிபராக, டிரம்ப் பதவியேற்றது முதல், வேலை வாய்ப்பில், அமெரிக்கர்களுக்கு முன்னுரிமை அளிக்க வேண்டும் என, வலியுறுத்தி வருகிறார்.

புதிய திட்டம்:


'அமெரிக்க பொருட்களை வாங்குங்கள்; அமெரிக்கர்களை மட்டுமே பணியமர்த்துங்கள்' என்பது, அவர் கொள்கையாக உள்ளது. இதன்படி, அமெரிக்கர்களுக்கு வேலைவாய்ப்புகளை அளிக்கும் நடவடிக்கைகளை, அந்நாட்டு அரசு மேற்கொண்டுள்ளது.

இந்நிலையில், அனைத்து துறைகளிலும், அமெரிக்கர்களை மட்டுமே பணியமர்த்தும் நோக்கில், டிரம்ப் அரசு, புதிய திட்டத்தை அமல்படுத்துவது குறித்து பரிசீலித்து வருகிறது. இத்திட்டம் அமல்படுத்தப்பட்டால், திறமையான ஊழியர்களுக்கு வழங்கப்படும், எச் - 1பி விசா வைத்துள்ள எண்ணற்ற வெளிநாட்டவர்கள் பணி இழக்கும் நிலை உருவாகும்.

எச் - 1பி விசா மூலம், அமெரிக்காவில் பணியாற்றும் ஊழியர்களில், இந்தியர்கள் தான் பெருமளவில் உள்ளனர். இவர்களில்

ஏராளமானோர், அமெரிக்காவின் நிரந்தர குடியுரிமை அளிக்கும், 'கிரீன் கார்டு' பெறுவதற்காக விண்ணப்பித்து காத்திருக்கின்றனர்.

டிரம்ப் தலைமையிலான அரசு தயாரித்துள்ள திட்ட வரைவு, வெளிநாட்டவர்களை குடியமர்த்தும் பணிகளை மேற்கொண்டு வரும், டி.எச்.எஸ்., எனப்படும், உள்நாட்டு பாதுகாப்பு துறைக்கு, உள்ளார்ந்த குறிப்பாக அனுப்பப்பட்டுள்ளது.

அந்த குறிப்பில், 'எச் - 1பி விசா நீட்டிப்பை நிறுத்திக் கொள்ள வேண்டும்' எனக் கூறப்பட்டுள்ளது. இந்த திட்டத்தை அமெரிக்க அரசு நிறைவேற்றினால், 5 - 7.5 லட்சம் இந்தியர்கள், சொந்த நாட்டுக்கு திருப்பி அனுப்பப்படும் அபாயம் ஏற்படும் என, நிபுணர்கள் கருதுகின்றனர்.

கிரீன் கார்டு :


எச் -1பி விசா, மூன்று ஆண்டுகளுக்கு வழங்கப்பட்டு வருகிறது. இந்த விசா வைத்துள்ளவர்களின் பணி, திருப்திகரமாக இருந்தால், அதிகபட்சம், மேலும் மூன்று ஆண்டுகளுக்கு, விசா நீட்டிக்கப்படுகிறது. அதன்பின், அவர்கள், சொந்த நாட்டுக்கு திரும்ப வேண்டும். இந்த விசா வைத்திருப்பவர்களுக்கு, கிரீன் கார்டு வழங்க ஒப்புதல் அளிக்கப்பட்டால், அந்த கார்டு பெறுவதற்காக, காத்திருக்க அனுமதிக்கப்பட்டு வருகின்றனர்.

ஒப்புதல் கிடைத்தும், கிரீன் கார்டு கிடைக்காமல், இந்தியர்கள், நீண்ட காலம் காத்திருக்கும் சூழ்நிலை உள்ளது. ஓராண்டில், ஒவ்வொரு நாட்டுக்கும், கிரீன் கார்டு அளிப்பதில், உச்ச வரம்பு உள்ளதால், இந்த தேக்கநிலை இருப்பதாக கூறப்படுகிறது. அமெரிக்க அரசு எடுத்து வரும் நடவடிக்கைகளை, இந்திய அரசு உன்னிப்பாக கவனித்து வருவதாக கூறப்படுகிறது.

அமெரிக்க அரசு தற்போது எடுத்து வரும் நடவடிக்கைகள், அந்நாட்டில் பணிபுரிய செல்வோர்,'விசா' பெறுவதை மிகுந்த சிரமத்துக்கு ஆளாக்கி உள்ளன. அவற்றை பயன்படுத்துவதிலும் அதிக சிரமங்கள் இருக்கும்.
-ஆர்.சந்திரசேகர், தலைவர், 'நாஸ்காம்'

Advertisement


ஒபாமா அளித்த சலுகையை பறித்த டொனால்டு டிரம்ப் :

அமெரிக்காவில், முந்தைய அதிபர், பராக் ஒபாமா ஆட்சியின் போது, 'எச் - 1பி' விசா வைத்திருந்து, கிரீன் கார்டுக்காக காத்திருக்கும் கணவன் அல்லது மனைவி, அமெரிக்காவில் பணிபுரிய வசதியாக, 'எச் - 4 இ ஏ டி' என்ற பணி அங்கீகாரம் வழங்கப்பட்டது. இந்த சலுகையை வாபஸ் பெறவும், டொனால்டு டிரம்ப் தலைமையிலான, தற்போதைய அரசு நடவடிக்கை எடுத்துள்ளது. இதனால், இந்தியர்கள் பெருமளவில் பாதிக்கப்பட்டு உள்ளனர்.



ஆண்டுக்கு 85,000 பேர் :

அமெரிக்க அரசு, ஆண்டுதோறும், 85 ஆயிரம் பேருக்கு, 'எச் -1பி' விசா வழங்கி வருகிறது. இதில், 65 ஆயிரம் பேர், வெளிநாடுகளைச் சேர்ந்த ஊழியர்கள்; 20 ஆயிரம் பேர், அமெரிக்காவின் பள்ளி, கல்லுாரிகளில், மேம்பட்ட டிகிரி படிப்புகளில் சேர்பவர்கள். இவர்களில், 70 சதவீதம் பேர், இந்தியர்களாகவே உள்ளனர். 'பேஸ்புக், மைக்ரோசாப்ட், கூகுள்' போன்ற அமெரிக்க நிறுவனங்களிலும், இன்போசிஸ், விப்ரோ, டி.சி.எஸ்., போன்ற, அமெரிக்காவில் உள்ள இந்திய நிறுவனங்களிலும், இந்தியர்களே பெரும்பாலும் பணியாற்றுகின்றனர். அமெரிக்க அரசின் இந்த புதிய திட்டத்தால், இந்தியர்களை பணியமர்த்தும் அமெரிக்க நிறுவனங்களுக்கே, கடுமையான பாதிப்பு ஏற்படும் எனத் தெரிகிறது. அமெரிக்காவில் உள்ள இந்திய நிறுவனங்கள், தங்கள் ஊழியர்களை அவ்வப்போது இந்தியாவுக்கு திரும்ப அழைத்து, புதிய ஊழியர்களை அனுப்பி வருவதால், அவற்றுக்கு அதிக பாதிப்பு இருக்காது என, கூறப்படுகிறது.


Advertisement

வாசகர் கருத்து (54)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
raghavan - Srirangam, Trichy,இந்தியா
03-ஜன-201820:51:17 IST Report Abuse

raghavan//அமெரிக்க அரசின் இந்த புதிய திட்டத்தால், இந்தியர்களை பணியமர்த்தும் அமெரிக்க நிறுவனங்களுக்கே, கடுமையான பாதிப்பு ஏற்படும் // இவர்களால்தான், இரண்டு கோடி, மூன்று கோடி ரூபாய் என்று இங்கே வீடுகள் வாங்க முடியும். இவர்களை வெளியேற்றினால் முதல் அடி ரியல் எஸ்டேட் தொழில் மீதுதான் விழும்.

Rate this:
நந்தினி திவ்ய பாரதி - MELBOURNE,ஆஸ்திரேலியா
03-ஜன-201820:11:14 IST Report Abuse

நந்தினி திவ்ய பாரதிஆஸ்திரேலியா, லண்டன், சிங்கப்பூர் ஜெர்மனிக்கு போயிருவங்கலமா. அங்கெல்லாம் குட்டிப்பிள்ளை சீக்கிரமா பொறந்துபோசீன்னா அங்யே இருந்துக்கவிட்ருவங்கலமா.

Rate this:
raghavan - Srirangam, Trichy,இந்தியா
03-ஜன-201819:09:15 IST Report Abuse

raghavanஅப்படியே, அவுட்சோர்சிங் பிபிஓ எல்லாத்தையும் ஒழிச்சிடுங்க நாடு ஈட்டும் அந்நிய செலவாணி அனாவசியமா கச்சா எண்ணெய்க்கே காலியா போகுது. நாங்க எதுக்கு உங்க நேரப்படி பகலிலும் எங்களின் இனிய இரவு பொழுதில் கண்விழித்து உடல் உபாதைகளுக்கு ஆளாகி அழியவேண்டும். கஷ்டமோ, நஷ்டமோ எங்கள் விவசாயத்துக்கே திரும்புறோம் உடல் மனது ஆரோக்கியமாக இருக்கும். ரொம்ப நன்றி டிரம்ப் அவர்களே.

Rate this:
மேலும் 51 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)