சிலை கடத்தல் வழக்கு: ஐகோர்ட் கண்டிப்பு| Dinamalar

கோர்ட் செய்தி

தமிழ்நாடு

சிலை கடத்தல் வழக்கு: ஐகோர்ட் கண்டிப்பு

Updated : ஜன 05, 2018 | Added : ஜன 04, 2018 | கருத்துகள் (19)
Advertisement
 
 
Advertisement
 
 
 
Advertisement
Advertisement
சிலை கடத்தல், தமிழக அரசு,Tamil Nadu Government, ஐகோர்ட்,High court, சி.பி.ஐ.,CBI, இந்து சமய அறநிலையத்துறை , ஏகாம்பர நாதர் கோயில் , பொன். மாணிக்கவேல், Pon manickavel, சிலை கடத்தல் தடுப்பு பிரிவு,

சென்னை: 'சிலை கடத்தல் வழக்குகளை விசாரிக்கும் தனிப்பிரிவுக்கு, உரிய வசதிகளை அளிக்கவில்லை என்றால், சி.பி.ஐ., விசாரணைக்கு மாற்ற நேரிடும்' என, சென்னை உயர் நீதிமன்றம் எச்சரித்துள்ளது. நீதிமன்ற உத்தரவை நிறைவேற்றாமல், அரசு என்ன செய்து கொண்டிருக்கிறது எனவும், கேள்வி எழுப்பியுள்ளது.

தமிழகத்தில், சிலைகள் கடத்தல் தொடர்பான வழக்குகளை, சி.பி.சி.ஐ.டி., போலீசார் விசாரணைக்கு மாற்றக் கோரி, சென்னை உயர் நீதிமன்றத்தில், வழக்கறிஞர் ராஜேந்திரன் உள்ளிட்டோர் மனுக் கள் தாக்கல் செய்திருந்தனர்.
விசாரித்த, நீதிபதி மகாதேவன், ௭ ஜூலையில், தமிழக அரசுக்கு சில உத்தரவுகளை பிறப்பித்துஇருந்தார். ஐ.பி.எஸ்., அதிகாரி, பொன் மாணிக்கவேல் தலைமையில், சிறப்பு புலனாய்வு குழு அமைக்கவும், அதற்கு உள்கட்டமைப்பு வசதிகளை செய்து தரவும் உத்தரவிட்டிருந்தார். வெவ்வேறு நீதிமன்றங்களில் நிலுவையில் உள்ள, சிலை கடத்தல் வழக்குகளை, கும்பகோணத்தில் உள்ள, மாஜிஸ்திரேட் நீதிமன்றத்துக்கு மாற்றவும், குற்றம் புரிந்தவர்கள் அதிகாரிகளாக இருந்தாலும், சட்டப்படி நடவடிக்கை எடுக்கவும், உத்தரவில் குறிப்பிட்டிருந்தார்.

ஐகோர்ட் எச்சரிக்கை

நீதிமன்ற உத்தரவை நிறைவேற்றுவது குறித்து, அறநிலையத் துறை அதிகாரிகள், அரசு வழக்கறிஞர்கள், போலீஸ் அதிகாரிகள் கூடி விவாதித்து, அரசுக்கு பரிந்துரைகள் அளிக்கப்பட்டன. இந்த வழக்கு, அவ்வப்போது விசாரணைக்கு வரும் போது, அரசு தரப்பிலும், போலீஸ் தரப்பிலும் தெரிவிக்கப்படும் கருத்துகளின் அடிப்படையில், உத்தரவுகளை நீதிபதி பிறப்பித்து வந்தார்.

இவ்வழக்கு, நேற்று விசாரணைக்கு வந்த போது, அறநிலையத் துறை சார்பில், சிறப்பு பிளீடர், மகாராஜா, ஐ.பி.எஸ்., அதிகாரி, பொன் மாணிக்கவேல் ஆகியோர் ஆஜராகினர்.'சிலை கடத்தல் தடுப்பு தொடர்பாக, அரசுக்கு அளிக்கப்பட்ட பரிந்துரைகள் மீது, நடவடிக்கை எடுக்கப்படவில்லை. 'காஞ்சிபுரம், ஏகாம்பரநாதர் கோவிலுக்கான தங்க சிலை விவகாரம், சர்ச்சைக்கு ஆளாகி உள்ளது' என, நீதிமன்றத்தில் தெரிவிக்கப்பட்டது.

இதையடுத்து, நீதிபதி, மகாதேவன் கூறியதாவது:நீதிமன்றத்தின் உத்தரவுகளை அமல்படுத்துவதில், அரசுக்கு என்ன கஷ்டம் உள்ளது?தமிழகத்தில் உள்ள சிலைகளை பாதுகாக்கும் நோக்கில், உத்தரவுகள் பிறப்பிக்கப்படுகின்றன. இந்த விஷயத்தில், அறநிலையத் துறையும் அலட்சியம் காட்டுகிறதா?சிலை கடத்தல் தடுப்பு பிரிவுக்கு தேவையான உள்கட்டமைப்பு வசதிகளை, ஏன் அளிக்கவில்லை; அரசு என்ன செய்து கொண்டிருக்கிறது?அரசுக்கு அனுப்பிய பரிந்துரைகளை, இரண்டு வாரங்களில் நிறைவேற்ற வேண்டும். இல்லையென்றால், சி.பி.ஐ., விசாரணைக்கு மாற்ற நேரிடும்.நீதிமன்றத்துடன் விளையாடக் கூடாது. கடைமட்ட ஊழியரில் இருந்து, அதிகாரிகள் வரை, யாரும் தப்ப முடியாது.நீதிமன்றத்தின் உத்தரவுகளை, பரிந்துரைகளை ஏற்க மாட்டோம் என, அலட்சியம் காட்டினால், தலைமை செயலர் மற்றும் அறநிலையத் துறை ஆணையர், நீதிமன்றத்தில் ஆஜராகும் படி உத்தரவிட வேண்டியது வரும்.இவ்வாறு நீதிபதி கூறினார்.

Advertisement


இதையும் தவறாமல் படிங்க ...



Advertisement

வாசகர் கருத்து (19)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ஜெய்ஹிந்த்புரம் - Madurai,இந்தியா
04-ஜன-201822:30:25 IST Report Abuse
ஜெய்ஹிந்த்புரம் மணல் கொள்ளை, கிரானைட் கொள்ளை போல, சிலை திருட்டையும் அரசே ஏற்று கொண்டு நடத்தலாமே.
Rate this:
Share this comment
Cancel
adalarasan - chennai,இந்தியா
04-ஜன-201822:05:18 IST Report Abuse
adalarasan may be some politicians also involved. tat is why they are not cooperating
Rate this:
Share this comment
Cancel
Pugazh V - Coimbatore / Cochin,இந்தியா
04-ஜன-201821:52:21 IST Report Abuse
Pugazh V இந்த அறநிலையத்துறையில் பிற மதத்தினர் யாரும் அதிகாரிகள் இல்லையே....இந்துக்களே அவர்களின் தெய்வங்களின் சிலைகள் சொத்து க்களை திருடறாங்களா? பக்தாள்ஸ் யாரும் எதுவும் சொல்லலியே?
Rate this:
Share this comment
Cancel
Kasimani Baskaran - Singapore,சிங்கப்பூர்
04-ஜன-201817:55:41 IST Report Abuse
Kasimani Baskaran இந்து அறமில்லாத துறை அது... பாதிரியாருக்கு சர்ச்சுகள் கொடுக்கும் சம்பளத்தில் பத்தில் ஒரு பங்கு கூட கோவில் ஊழியர்களுக்கு கொடுக்க மாட்டார்கள்... இந்துக்களின் காணிக்கையை அரசு வாங்கி நன்றாக அனுபவிக்கிறது...
Rate this:
Share this comment
Ray - Chennai,இந்தியா
04-ஜன-201823:05:28 IST Report Abuse
Rayதட்டில் விழும் காசை அப்படியே கருவூலத்தில் கட்டி விடுகிறார்களே VIP/VVIP தரிசனம் என்றால் கலெக்ஷன் அமோகம் அப்போது மட்டுமே கோவிலில் எத்தனை பணியாளர்கள் உண்டென்று தெரிந்து விடும்...
Rate this:
Share this comment
Cancel
தமிழர்நீதி - சென்னை ,இந்தியா
04-ஜன-201817:43:01 IST Report Abuse
தமிழர்நீதி சிலை கடத்துவதே இந்த அதிகாரிகள் ஆளும் அரசியல்வாதிகள் ,கோவில் குருக்கள் , கோவில் அறநிலைய துறை அறங்காவலர்கள் தான் . சாமி வெளிநாடு சுற்றுலா செல்ல விரும்பினால் அனுப்பிவிடுகிறர்கள் . சாமிக்கு சுற்றுலா செலவெல்லாம் கடத்தல் காரர்கள் கொடுத்து விடுகிறார்கள். இதுமட்டும் இல்லாமல் சாமி வெளிநாடு சென்றவுடன் இங்கிருப்போர் சாமி இல்லாமல் படும் கஷ்டம் தீர்க்க கோடி கோடிகளை கொடுக்கிறார்கள் . இந்த சாமி சுற்றுலா செல்வதற்கு காவல்துறை எல்லோரும் குவிக்கப்படுவதால் ,பிற வழக்குகள் படுத்து விடுகிறது . பொருளாதார குற்றப்பிரிவு அதிகாரிகள் அனைவரயும் சிலை பின்னால் செல்வதால் அங்கு கோடி கோடி களை இழந்து நிற்கும் லெட்ச்சத்திற்கு மேலான பாதிக்கப்பட்டோர் ஆண்டுகள் பல ஆகியும் தெருவில நிற்கிறார்கள் . பொருளாதார குற்றம் செய்திடுவோர் நீதிமன்ற ஆணையை பயன்படுத்தி தங்கள் மீதுள்ள வழக்குகளிலிருந்து தப்பிக்க காவல்துறை அதிகாரிகளுக்கு கொடுப்பதை கொடுத்தது குறிப்பாக பொருளாதார குற்றப்பிரிவு காவல்துறை அதிகாரிகளை சிலை கடத்தல் தடுப்பு பிரிவுக்கு மாற்றிவிடுகிறார்கள் . சாமி பணம் கொடுத்தது ஏமாறியவர்களுக்கு எதிராக களம் இறங்காமல் பார்த்துக் கொள்ளுங்கள் மை லார்ட் .
Rate this:
Share this comment
senthil kumar kasinathan - mannargudi,இந்தியா
04-ஜன-201819:43:41 IST Report Abuse
senthil kumar kasinathanஅர்த்தமே இல்லாமல் எதையும் எழுத வேண்டாம்,...
Rate this:
Share this comment
Cancel
குடந்தை கண்ணன் - Kumbakonam,இந்தியா
04-ஜன-201815:31:01 IST Report Abuse
குடந்தை கண்ணன் எனவே பெங்களூருவில் ஒரு இடம் நிறுவப்பட்டு, அங்கே சிலைகள் பெயரில் தொல்பொருள் சிலைகளையும் கொண்டுவந்து சேர்த்து தமிழகத்தின் வரலாறு மூடி மறைக்கப்படும்.
Rate this:
Share this comment
Cancel
Cheran Perumal - Radhapuram,இந்தியா
04-ஜன-201815:07:26 IST Report Abuse
Cheran Perumal இந்துக்களின் கோவில் விவகாரங்களை கையில் எடுத்து அரசியல்வாதிகளும் அதிகாரிகளும் அடிக்கும் கூட்டு கொள்ளைக்கு முற்றுப்புள்ளி வைக்கும் நாள் எந்நாளோ அதுவே பொன்னாள்.
Rate this:
Share this comment
Cancel
Pasupathi Subbian - trichi,இந்தியா
04-ஜன-201815:06:49 IST Report Abuse
Pasupathi Subbian இத்தனை நாட்களாக அரசல் புரசலாக திருடிக்கொண்டு இருந்தனர், இப்போது வெளிவரும் தகவல்கள் கண்ணை கட்டுகின்றன. இந்து அறநிலைய துறை அலுவலர்கள் , வந்த தங்கத்துக்கு , செலவு செய்த தங்கத்துக்கு கணக்கு இல்லவே இல்லை என்று தாக்கல் செய்துள்ளனர். கிட்டத்தட்ட 2010 முதல் இரண்டுநூறு கிலோ தங்கம் சூறையாடப்பட்டுள்ளது. இப்படி இறைவன் சொத்தை திருடி தின்னும் இவர்களுக்கு , கோவிலின் உள்ளே நுழையவிட கூடாது தடுக்கவேண்டும். கோவிலின் முதலாளிகளை போல மக்களை கருதும் இவர்களை தண்டிக்கவேண்டும். சமீபத்தில் கூட ஏகாம்பரேஸ்வரர் கோவிலில் உச்சி கால அபிஷேகத்தில் எண்ணெய் காப்பு போடுவதற்கு வெறும் பத்துமில்லி எண்ணையை பக்தர்களிடம் சங்கல்பம் செய்ய கொண்டுவந்தனர். அபிஷேக சாமான்கள் ,எத்தனைபேர் பணம் கட்டினாலும் . அதே அளவுதான் கொடுக்கப்படுகிறது. இதில் அதிகப்படி சாமான்கள் கொடுக்கப்படுவதே இல்லை. இந்த லச்சணத்தில் அர்த்த மண்டபத்தில் நின்றிருக்கும் சிலர், ( இவர்கள் கோவில் சிப்பந்திகளா என்பது தெரியவில்லை) வரும் சேவர்த்திகளை விரட்டுவதும், கேவலமாக பேசுவதுமாக இருந்தனர். கோவிலுக்கு சென்று மனம் அமைதியாகவில்லை. பக்தர்களை கொண்டுதான் கோவில். அவர்கள் கொடுக்கும் நன்கொடையில்தான் கோவில் நடக்கிறது, அதில் கிடைக்கும் வருமானம்தான் இவர்களுக்கு படி அளக்க உபயோகப்படுத்தப்படுகிறது என்ற உண்மை இவர்களுக்கு அறிந்திராத ஒன்று. அதே போல இவர்கள் அர்ச்சகர்களும், மற்றவர்களையும் எதோ எஜமான்கள், வேலைக்காரர்களை விரட்டுவது , பேசுவது போல நடத்துவது வேதனையை தருகிறது. இந்த அறநிலையத்துறை என்பது கோவில் நிர்வாகத்தில் தலையிட அறுகதையே இல்லை. ஊழல்கள் நடைபெறாவண்ணம் கண்காணிப்பது மட்டுமே இவர்களின் வேலை. ஆனால் இவர்களோ கோவில் சொத்தை சுரண்ட ஆரம்பித்துவிட்டனர். நோக்கமே மாறிவிட்டதால் இந்த துறையை மூடிவிடலாம். அதற்குப்பதில் அந்த அந்த பகுதியில் இருக்கும் பக்திமான்களையும், பெரிய மனிதர்களையும் ஒருங்கிணைத்து , ஆகமம்நன்கு தெரிந்த அறிவு ஜீவிகளையும் சேர்த்து ஒரு குழு அமைத்து அவர்கள் கோவில்பணிகளை மேம்பார்வை செய்ய ஏற்பாடு செய்யலாம்.
Rate this:
Share this comment
Cancel
baski - Chennai,இந்தியா
04-ஜன-201814:46:06 IST Report Abuse
baski அதான் இவிங்களுக்கு சூடு சுரணையே இல்லயே....எதுக்கு மாத்துனா என்ன?.
Rate this:
Share this comment
Cancel
K.Ramachandran - Chennai,இந்தியா
04-ஜன-201814:13:49 IST Report Abuse
K.Ramachandran வழக்கையும் , பொன் மாணிக்கவேலையும் CBI க்கு மாற்றி அவரையே விசாரணை அதிகாரியாக நியமித்து கோர்ட் உத்தரவிட வேண்டும்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை