'உதய்' திட்டத்தால் தமிழகத்திற்கு தாராளம் ஓராண்டில் கிடைத்தது ரூ.26,471 கோடி Dinamalar

பொது செய்தி

தமிழ்நாடு

பதிவு செய்த நாள் :
'உதய்' திட்டத்தால் தமிழகத்திற்கு தாராளம்
ஓராண்டில் கிடைத்தது ரூ.26,471 கோடி

உதய் திட்டத்தில், தமிழகம் இணைந்த ஓராண்டிற்குள், மத்திய அரசின் நிதி நிறுவனங்கள், 26 ஆயிரத்து 471 கோடி ரூபாய் கடன் வழங்க, மின் வாரியத்துடன் ஒப்பந்தம் செய்துள்ளன.

'உதய்' திட்டத்தால் தமிழகத்திற்கு தாராளம் ஓராண்டில் கிடைத்தது ரூ.26,471 கோடி


பிரதமர் நரேந்திர மோடி தலைமையிலான மத்திய அரசு, மாநில மின் வாரியங்களின் நிதி நெருக்கடியை சரி செய்ய, 'உதய்' என்ற மின் திட்டத்தை துவக்கியது. இத்திட்டத்தில், 'மாநில அரசுகள், மின் வாரிய கடனில், 75 சதவீதம் ஏற்க வேண்டும்; மூன்று மாதங்களுக்கு, ஒரு முறை மின் கட்டணம் மாற்ற வேண்டும்; எதிர்காலத்தில், மின் வாரியத்திற்கு ஏற்படும் இழப்புகளை, மாநில அரசு ஈடுசெய்ய வேண்டும்' என்பது உட்பட, பல நிபந்தனைகள் இருந்தன.


அவற்றை தளர்த்துமாறு, தமிழகம் விடுத்த கோரிக்கையை, மத்திய மின் துறை ஏற்கவில்லை.
இதனால், அத்திட்டத்தில் தமிழகம் இணையவில்லை. , பின், கோரிக்கையை ஏற்றதால், 2017 ஜன., மாதம், உதய் திட்டத்தில் தமிழகம் இணைந்தது. இதையடுத்து, மத்திய நிதி நிறுவனங்களிடம் இருந்து, மின் வாரியத்திற்கு தொடர்ந்து தாரளாமாக நிதி உதவி கிடைக்கிறது.

அதன்படி, ஓராண்டிற்குள், 26 ஆயிரத்து 471 கோடி ரூபாய்க்கு கடன் வழங்க, மத்திய நிறுவனங்கள், மின் வாரியத்துடன் ஒப்பந்தம் செய்துள்ளன.இதுகுறித்து, மின் வாரிய அதிகாரி ஒருவர் கூறியதாவது:புதிய துணை மின் நிலையம், மின் நிலையங்கள் அமைக்க, மின் வாரியத்திடம் நிதி இல்லை.

இதனால், அந்த நிதி, மத்திய அரசின், 'ரூரல் எலக்ட்ரிபிகேஷன், பவர் பைனான்ஸ் கார்ப்பரேஷன்' ஆகிய நிறுவனங்களிடம் கடனாக வாங்கப்படும். உதய் திட்டத்தில் இணையாததால், அவை, கடன் வழங்க ஆர்வம்காட்டவில்லை.

பின், 2017 ஜன., மாதம், உதய் திட்டத்தில் இணைந்ததும், வட சென்னை புதிய அனல் மின் நிலையம்; விழுப்புரம், அரியலுார், 765 கிலோ வோல்ட் துணை மின் நிலையங்களுக்கு, 6,890

Advertisement

கோடி ரூபாய் கடன் வழங்க, அம்மாத இறுதியில், ரூரல் எலக்ட்ரிபிகேஷன், மின் வாரியத்துடன் ஒப்பந்தம் செய்தது.
அதே ஆண்டு, மார்ச் மாதம், உப்பூர், சோலையாறு மின் நிலையங்கள்; எண்ணுாரில், 765 கி.வோ., துணை மின் நிலையங்கள் அமைக்க, பவர் பைனான்ஸ், 9,128 கோடி ரூபாய் கடன்வழங்க ஒப்பந்தம் செய்தது.

இந்நிறுவனம், 12ம் தேதி, உடன்குடி மின் திட்டத்திற்கு, 10 ஆயிரத்து 453 கோடி ரூபாய் கடன் வழங்க, ஒப்பந்தம் செய்துள்ளது. இரு நிறுவனங்களும், புதிய திட்டங்களுக்கு, தொடர்ந்து கடன் உதவி வழங்க ஒப்புதல் அளித்து உள்ளன.இவ்வாறு அவர் கூறினார்.
- நமது நிருபர் -

Advertisement

வாசகர் கருத்து (16)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Tamil - Madurai,இந்தியா
16-ஜன-201821:14:04 IST Report Abuse

Tamilஇந்தவிபரம் ஜெ க்கு தெரியலையா , தீய சக்திகள் தமிழ் நாட்டை சூழ்ந்துள்ளது

Rate this:
venkatesh - coimbatore,இந்தியா
15-ஜன-201820:51:55 IST Report Abuse

venkateshஇவனுங்க கடன் வாங்கி அதில் முக்கால்வாசி தகையை வீட்டுக்கு கொண்டுபோய் விடுவானுங்க அப்புறம் நஷ்டம் சம்பளம் குடுக்க முடியல்ல ஓய்வுஊதியம் கொடுக்க முடியவில்லை என்று நஷ்டத்தை கூடி கொண்டே போவானுங்க திருட்டு பயல்கள்.

Rate this:
Ravi Chandhar - Coimbatore,இந்தியா
14-ஜன-201813:07:55 IST Report Abuse

Ravi Chandharகொடுக்கறது கடனு இதுல என்ன தாராளம் ??? கடனை யாரு கட்ட போறது மத்திய அரசாங்கமா இல்ல மாநில அரசாங்கமா??? எங்க தலையில தான விழப்போகுது

Rate this:
தமிழ்வேல் - முகப்பேர் மேற்கு ,இந்தியா
14-ஜன-201817:26:58 IST Report Abuse

தமிழ்வேல் நாமதான், வருஷத்துக்கு 4 ஆப்பு.....

Rate this:
மேலும் 12 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)