கோவில் பாதுகாப்புக்கு ஆய்வு குழு : அமைச்சர் ராமச்சந்திரன் தகவல்| Dinamalar

பொது செய்தி

தமிழ்நாடு

கோவில் பாதுகாப்புக்கு ஆய்வு குழு : அமைச்சர் ராமச்சந்திரன் தகவல்

Added : பிப் 10, 2018 | கருத்துகள் (2)
Advertisement
 
 
Advertisement
 
 
 
Advertisement

சென்னை: ''கோவில்கள் பாதுகாப்புக்கு என, அறநிலையத்துறை சார்பில், ஆய்வுக்குழு அமைக்கப்பட்டு உள்ளது,'' என, அமைச்சர் ராமச்சந்திரன் கூறினார்.கோவில்களில், தீ தடுப்பு நடவடிக்கை, கட்டட உறுதித்தன்மை உள்ளிட்ட விஷயங்கள் பற்றி விவாதிக்க, அறநிலையத்துறை அதிகாரிகள் பங்கேற்ற கூட்டம், சென்னையில் நேற்று நடந்தது. இதில், அறநிலையத்துறை அமைச்சர், ராமச்சந்திரன் பேசுகையில், ''கோவில்களை பழமை மாறாமல் பாதுகாக்கும் பணியை மேற்கொள்ள வேண்டும். ''கட்டட உறுதித்தன்மை, மின் இணைப்புகளின் தரம் போன்றவற்றை ஆய்வு செய்ய, குழு ஏற்படுத்தப்படும். கோவில் வளாகத்திலும், சுற்றுப்புறத்திலும், பாதுகாப்பிற்கு இடையூறாக உள்ள ஆக்கிரமிப்புகளை, மூன்று மாதத்திற்குள் அகற்ற வேண்டும்,'' என்றார்.பின், அமைச்சர் அளித்த பேட்டி:கோவில்களில், ஆகம விதிகளின் படியும், அந்தந்த கோவில் பஞ்சாங்க வழிகாட்டுதல் படியும், திருவிழாக்கள் உள்ளிட்டவை நடத்தப்பட்டு வருகின்றன. மதுரை, மீனாட்சி அம்மன் கோவில் தீ விபத்துக்கு பின், கோவில்களின் பாதுகாப்புக்காக, ஆய்வுக்குழு அமைக்கப்பட்டு உள்ளது. இனி, இதுபோன்ற அசம்பாவிதங்கள் நிகழாமல் இருக்க, உரிய நடவடிக்கைகள் மேற்கொள்ளப்பட்டு வருகின்றன.கோவில் சொத்துகள், சிலைகள் பாதுகாப்பு பணிகள் தீவிரப்படுத்தப்பட்டுள்ளன. ஏழு ஆண்டுகளில், தனியாரால் ஆக்கிரமிப்பு செய்யப்பட்ட, 2,653 ஏக்கர் நிலம், மனைகள், கட்டடங்கள் என, 3,354 கோடி ரூபாய் மதிப்பிலான சொத்துகள் மீட்கப்பட்டுள்ளன.சிலைகள் பாதுகாப்பு குறித்து, சில வழக்குகள் நீதிமன்றத்தில் உள்ளன. சிலை பாதுகாப்பு மையங்களில், எச்சரிக்கை கருவிகள் பொருத்தப்பட்டு வருகின்றன.இவ்வாறு அவர் கூறினார்.அறநிலையத்துறை ஆணையர், ஜெயா, கூடுதல் ஆணையர்கள், கவிதா, திருமகள், சுதர்சன் உள்ளிட் டோர் பங்கேற்றனர்.

Advertisement


வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ram - chennai,இந்தியா
10-பிப்-201817:45:45 IST Report Abuse
ram தீ தடுப்பு நடவடிக்கை, கட்டட உறுதித்தன்மை உள்ளிட்ட விஷயங்கள் பற்றி விவாதிக்க, அறநிலையத்துறை அதிகாரிகள் முடிவு செய்துள்ளனர்
Rate this:
Share this comment
Cancel
Bhaskaran - Chennai,இந்தியா
10-பிப்-201804:31:37 IST Report Abuse
Bhaskaran உவெட்டிப்பேச்சு பேசிவிட்டு இனிப்பு காரம்கோப்பி சாப்பிட்டுவிட்டு கலைந்துபோயிருப்பார்கள் ஆலயங்களின் பாதுகாப்புக்கு இவர்கள் ஒரு மண்ணும் செய்யப்போவதில்லை
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X