மதவெறி ஆட்சியை கொண்டு வர முயற்சி: ஸ்டாலின் ஆவேசம் Dinamalar

அரசியல் செய்தி

தமிழ்நாடு

பதிவு செய்த நாள் :
மதவெறி ஆட்சியை கொண்டு வர முயற்சி
: ஸ்டாலின் ஆவேசம்

சென்னை : 'ஈ.வெ.ராமசாமியின் சிலையைத் தொட்டுப் பார்க்கட்டும். திராவிட லட்சியங்களைக் காக்கும், தி.மு.க., தொண்டர்கள், தாங்கள் யார் என்பதை காட்டும் தருணம் வரும்' என, தி.மு.க., செயல் தலைவர், ஸ்டாலின் எச்சரித்து உள்ளார்.

D.M.K,M.K.Stalin,Stalin,தி.மு.க,ஸ்டாலின்



அவரது அறிக்கை:பல நுாறு ஆண்டுகளாக, அடக்கி, ஒடுக்கி, ஓரங்கட்டப்பட்ட மக்களுக்கு, உண்மையான சமூக விடுதலையைப் பெற்று தந்த, ஈ.வெ.ராமசாமி மறைந்து, 45 ஆண்டுகள் உருண்டோடி விட்டன. ஆனால், இனப் பகைவர்களுக்கு, இன்றைக்கும் கூட, அவர் பெயரைக் கேட்டால், அடிவயிறு கலங்குகிறது; நெஞ்சுக்கூட்டில் பயம் எனும் பந்து உருள்கிறது.



அதனால் தான், 'அரண்மனையில் இருந்து ஆட்சி செய்வோரின் அருகில் இருக்கிறோம்' என்கிற அகந்தையில், ஒரு சிலர், ராமசாமியின் சிலைகளை அகற்றப் போவதாக, வக்கிரமாகக் கொக்கரித்து, தமிழ்சமுதாயத்திடம் சகட்டுமேனிக்கு வாங்கி, முடங்கும் நிலைமைக்கு ஆளாகி இருக்கின்றனர்.

எங்கிருந்து, இவர்களுக்கு இந்த திமிர் எட்டிப் பார்த்தது? திரிபுராவில், பேர அரசியல் நடத்தி, ஆட்சியைப் பிடித்தது போல, தமிழத்திலும், பினாமிகள் மூலம், மதவெறி ஆட்சியைக் கொண்டு வந்து விடலாம் என, மனப்பால் குடிக்கின்றனர். அவர்களின் சிந்தனைக் கறையான்கள், எப்பக்கத்திலும் நுழையாதபடி, எக்கு கோட்டையாக திகழ்கிறார், ராமசாமி.

இன்றைய தலைமுறையினர், கல்வி கற்று, உரிமை பெற்று, தலைநிமிர்ந்து நிற்கின்றனர் என்றால், அதற்கு காரணமானவர், ராமசாமி.அவர் விதைத்த கொள்கைகள், இன்று ஆலமரமாய் வளர்ந்து, அனைத்துத் தரப்பு மக்களுக்கும்

Advertisement

குடையாக, நிழலாக ஊன்றுகோலாக பாதுகாப்பு தருகிறது. மானமுள்ள தமிழர்களுக்கு, இப்போதும் அவரது கொள்கைகளே ஆயுதம். இன எதிரிகளுக்கோ, அவர் பெயரைச் சொன்னால் அச்சம்.

'ராமசாமி சிலைகளை அகற்றுவோம்' என்பவர், எவராக இருந்தாலும், தமிழர்கள் பெற்றுள்ள உரிமைகளாலும், உயர்வாலும், வயிறு எரிகிறார் என்றே அர்த்தம். இனி, கற்பனையிலும், கனவிலும் கூட, ராமசாமியின் சிலையைத் தொட்டுப் பார்க்கட்டும்; தி.மு.க., தொண்டர்கள், தாங்கள் யார் என்பதைக் காட்டும் தருணம் வரும்.இவ்வாறு ஸ்டாலின் கூறியுள்ளார்.


Advertisement

வாசகர் கருத்து (120)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
meenakshisundaram - bangalore,இந்தியா
09-மார்-201804:17:53 IST Report Abuse

meenakshisundaramஎன்ன இது சின்னப்பிள்ளைத்தனமா இருக்கு? காலாவதியான பொருட்கள் கடைத்தெருவிலிருந்து தானாகவே வெளியேறுவதில்லையா?அதே போலத்தான் உனது பாழாய்ப்போன கொளகைகளும் தத்துவமும்.

Rate this:
Viswanathan - karaikudi,இந்தியா
08-மார்-201822:29:14 IST Report Abuse

Viswanathan எதுடா சாக்கு என காத்து கிடந்தார் , கிடைத்து விட்டது பெரியார் சம்பந்த பட்ட பேச்சு . எப்படியாவது ஆட்சியை பிடிக்க வேண்டும் . ஒரு செயல் தொடங்கும் போது தமிழன் பிள்ளையார் துணை , பேச்சியம்மன் துணை , சுடலைமாடன் துணை என எழுதி தொடங்குவான் . இவர்களுக்கு மற்ற நேரங்களில் ஞாபகம் இருக்கிறதோ இல்லையோ , ஆட்சியை பறி கொடுத்து விட்ட நிலையில் பெரியாரை துணைக்கு அழைக்கிறார் , உங்களையெல்லாம் அன்றே கண்ணீர் துளிகள் என்று அன்றே ஒதுக்கி விட்டார் அந்த பெரியார் . இருந்தாலும் ஊழல் செய்ய மறுமுறை ஓர் வாய்ப்பு கிடைக்காதா என்ற நப்பாசை . ஆனால் பெரியார் ஊழல் செய்து தான் ஆட்சி நடத்த வேண்டும் என்று கற்று கொடுக்க வில்லையே

Rate this:
YesJay - Chennai,இந்தியா
08-மார்-201820:58:17 IST Report Abuse

YesJayஅப்படியே தாலி இருப்பேன் பூணூல் இருப்பேன் என்று கூறும் காட்டுமிராண்டிகளையும் கடியவும். இல்லை என்றால் முடிந்தால் இஸ்லாமியர்களின் தாடியை மழிப்பேன் என்று கூறும் தைரியம் இருக்கிறதா?

Rate this:
மேலும் 117 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X