இறப்பதற்கு 2 நாள் முன் ஜெயலலிதா 20 நிமிடம் பேசினாரா: விசாரணையில் கேள்வி Dinamalar

பொது செய்தி

தமிழ்நாடு

பதிவு செய்த நாள் :
இறப்பதற்கு 2 நாட்களுக்கு முன் ஜெயலலிதா
20 நிமிடம் பேசினாரா: விசாரணையில் கேள்வி

சென்னை:''சென்னை, அப்பல்லோ மருத்துவமனையில், 2016 டிச., 3ல், எய்ம்ஸ் மருத்துவர்களுடன், ஜெயலலிதா, 20 நிமிடம் பேசினார். மறுநாள், அவருக்கு மாரடைப்பு ஏற்பட்டுஉள்ளது,'' என, சசிகலா வழக்கறிஞர், ராஜா செந்துார் பாண்டியன் தெரிவித்தார்.

ஜெயலலிதா, சசிகலா, ராஜாசெந்தூர்பாண்டியன், கிருஷ்ணப்பிரியா, இளவரசி

ஜெ., மரணம் தொடர்பான விசாரணை கமிஷனில், சசி உறவினர்கள், கிருஷ்ணப்பிரியா, விவேக் மற்றும் ஜெ., உடலை, 'எம்பார்மிங்' செய்த, டாக்டர் சுதா சேஷய்யன், ஓய்வுபெற்ற ஐ.ஏ.எஸ்., அதிகாரி,வெங்கட்ரமணன், அரசு மருத்துவர், சுவாமிநாதன் ஆகியோரிடம், நேற்று குறுக்கு விசாரணை நடந்தது.விசாரணைக்கு பின், ராஜா செந்துார் பாண்டியன் கூறியதாவது:எம்பார்மிங் செய்த டாக்டர், சுதா சேஷய்யன், '2016 டிச., 5 நள்ளிரவு, 11:30 மணிக்கு, 'எம்பார்மிங் செய்ய துவங்கினேன். என் ஆய்வு அடிப்படையில், 15 மணி நேரத்திற்கு முன், ஜெ.,க்கு இறப்பு நிகழ்ந்தது தெரிய வந்தது' என்றார். 'ஜெ., அடித்து கொலை செய்யப்பட்டார். இறந்த பின், மருத்துவமனைக்கு கொண்டு வரப்பட்டார்' என்ற குற்றச்சாட்டுகளை பொய்யாக்கும் வகையில், சுதா சேஷய்யன் சாட்சி அமைந்தது.

உபகரணமும் பயன்படாது



கடந்த, 2016 டிச., 4 மாலை 4:20 மணிக்கு, ஜெ.,க்கு மாரடைப்பு ஏற்பட்ட பின், அவரது உயிரை காப்பாற்ற, உரிய மருத்துவ சிகிச்சை அளிக்கப்பட்டு, 'எக்மோ' கருவி

பொருத்தப்பட்டது. டிச., 5ல், டில்லி எய்ம்ஸ் மருத்துவர்கள் வந்து, 'இனி எவ்வித உபகரணமும் பயன்படாது; எவ்வித அசைவும் உடலில் இல்லை' என கூறியதன் அடிப்படையில், முன்னாள் மத்திய அமைச்சர்,வெங்கையா நாயுடு, ஓ.பன்னீர்செல்வம், ராமமோகன ராவ், தம்பிதுரை மற்றும் முக்கிய அமைச்சர்கள் முன்னிலையில், முடிவு எடுக்கப்பட்டது; இது, சாட்சியமாக பதிவு செய்யப்பட்டுள்ளது.
டிச., 3ல், எய்ம்ஸ் மருத்துவர்கள், ஜெ.,வை பார்த்துள்ளனர். அப்போது, அவர்களுடன், ஜெயலலிதா, 20 நிமிடம், நாற்காலியில் அமர்ந்து பேசியுள்ளார். அன்றைய தினம், அவரின் இதயம் நன்றாக இருந்ததாக, மருத்துவர்கள் கையொப்பமிட்ட ஆவணத்தை, தாக்கல் செய்துஉள்ளோம்.'ஜெ., தாக்கப்பட்டு, பின், மருத்துவமனையில் சேர்க்கப்பட்டாரா' என, ராமமோகன ராவிடம் கேட்டபோது, அதை முற்றிலும் மறுத்தார். மருத்துவமனையிலிருந்த ஜெ., அழைத்து, 'நான் இறந்து விட்டதாக விஷம செய்தி பரவுகிறது. அது, தவறு என, செய்தி வெளியிடுங்கள்' என கூறியதாக, ராவ் சாட்சி அளித்துள்ளார்.

எயம்ஸ் மருத்துவர்கள் விளக்கம்


ஆணி கட்டையால், ஜெயலலிதாவை அடித்துள்ளதாக, சிலர் கூறினர். 'உடலில் ஓட்டைஇருந்திருந்தால், நான் கொடுத்த திரவம், ஓட்டை வழியே வந்து விடும்' என, எம்பார்மிங் செய்த டாக்டர் கூறியுள்ளார். ஜெ.,க்கு மாரடைப்பு ஏற்பட்ட பின் நடந்த விளக்க கூட்டத்தில், அமைச்சர்கள் பங்கேற்றனர். அதேபோல, மறுநாள் நடந்த கூட்டத்தில், எயம்ஸ் மருத்துவர்கள் விளக்கம் அளித்தபோது, அமைச்சர் தங்கமணி உட்பட,

Advertisement

முக்கிய அமைச்சர்கள் உடனிருந்துள்ளனர், என்று அவர் கூறினார்.

ஐ.ஏ.எஸ்.,சிடம் இன்று விசாரணை!



ஜெ., முதல்வராக இருந்த போது, அவரது செயலராக இருந்த ஐ.ஏ.எஸ்., அதிகாரி ராமலிங்கம் இன்று விசாரணைக்கு ஆஜராக உள்ளார். இவர் தற்போது கலை மற்றும் பண்பாட்டு இயக்கக ஆணையராக உள்ளார். நாளை ஜெ., உதவியாளர் பூங்குன்றன் ஆஜராக உள்ளார்.

இளவரசி மகள் மறுப்பு!


விசாரணைக்கு பின், இளவரசி மகள் கிருஷ்ணப்பிரியா கூறுகையில், ''நான் கொடுத்த வாக்குமூலம் குறித்து சில விளக்கம் கேட்டனர்; அதற்கு பதில் அளித்தேன். 'சசிகலா, அதிகாரத்தில் தலையிடவில்லை' என, நான் பிரமாண பத்திரம் எதுவும் தாக்கல் செய்யவில்லை,'' என்றார்.அரசு டாக்டர் சுவாமிநாதன் கூறுகையில், ''ஜெ.,க்கு நேரடியாக வைத்தியம் செய்தீர்களா என கேட்டனர்; இல்லை என்றேன். ஐந்து நிமிடங்கள் விசாரணை நடந்தது. மருத்துவ குறிப்புகளில் சில கேள்விகள் கேட்டனர்; பதில் கூறினேன்,'' என்றார்.


Advertisement

வாசகர் கருத்து (32)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
kdadhi - Bangkok,தாய்லாந்து
19-ஏப்-201801:48:55 IST Report Abuse

kdadhiபிஜேபி + மூத்த ஆதிமூகா அடிமைகள் சேர்ந்து செய்த சாதி .... எத்தனை காலம்தான் அடிமையா இருப்பது ...

Rate this:
skv - Bangalore,இந்தியா
27-மே-201804:14:45 IST Report Abuse

skv<srinivasankrishnaveni>இந்த கண்ராவிகளுக்கும் பிஜேபி க்கு என்னடா சம்பந்தம் கேனக்கிறதுக்காண்டிபோல எப்போதும் பிஜேபியை தின்னு இருக்கீங்களே அந்தம்மாக்கு சசிதான் மருந்துகள் தந்துருக்கா அவளோ படிப்பறிவே இல்லாதவா என்பது உண்மை ஜெயாம்மாவிற்க்கு ஹை BP அண்ட் ஹை சுடரும் இருந்துருக்கு என்பதும் உண்மை அவர் அதிக எடையுடனும் இருந்தாங்க வெறும் மாத்திரைகள் போராதுங்க கட்டாயம் நடைப்பயிற்சி வேண்டும் அதுவும் இல்லே பொத்தானை முக்கி திறப்புவிழா செய்தாங்க என்பதெல்லாம் வீண் பேச்சு , சாப்பாட்டுல கன்ரோல் இல்லே என்பதும் உண்மை , வெறும் சாதாரண நரசிங் ஹோமோ லே படுத்தாள் காசுக்குவேண்டி பேஷண்டை இழுத்துண்டு கூத்துகாட்டுறானுக எல்லா மருத்துவர்களும் என்பதுதான் உண்மை .எப்போது ஒருவருக்கு முடியாளியோ உடனே தன பதவியை அடுத்தவருக்கு தரணும் இந்தம்மாவே ரூல் படியா சி எம் ஆனாங்க ????????இல்லியே அதே பாணியே சசியும் ட்ரை பண்ணா ஆனால் தமிழ்நாடு காப்பாற்றப்பட்டது தனக்கு பினாமியா EPS ஐ சி எம் ஆக்கினா கட்சியின் தலைமையும் பிடுங்கிண்டா இப்போதைய நிலைமை நாம் அரிஞ்சதுதான் அடுத்து சி எம் ஆவோணும்னு தினகரன் துடிக்கிறான் எண்ணையாதகுதி இருக்கு இதுகளுக்கெல்லாம் ????ஆப்ஸ் க்கு சி எம் போஸ்ட் கிடைச்சது ஜெயாவினால் தான் ஆனால் பொருட்களே சசிக்கு ,அதான் அவ்ளோ ஆட்டம்போட்டா , அதனால் அவைமீதும் சந்தேகம் வந்தது அவளுக்கு கொலைகாரப்பட்டமும் கிடைச்சுது தேவையா , ம நடராசன் போட்ட கணக்கு ஒன்னு சசிமூலம் ஜெயாவின் சொத்துக்களை பிடுங்க முயற்சி செய்தான் என்பதும் உண்மை சசியின் குடும்பத்துலேயும் வரிசையாக சாவு விழுந்தது உடனே செத்தவளை விட்டாலே ஜெயாவின் ஆவியேதான் சுத்துது என்ருகிளப்பிவிட்டுருக்கா எல்லோரும் எம்பரமிங் செய்துருக்காளே போதை பாடியை வெளியே எடுத்தால் அப்படியே இடுக்குமோ ??????அல்லது செல்லரிச்சுப்போயிருக்காதோ?யாரைத்தான் நம்பறதுன்னு புரியலே ஒரு பெண்ணாக அவள் பட்ட துன்பங்கள் தான் எவ்ளோ நெஜம்மா சொல்றேன் சசி என்று ஒரு ஜன்மதது சனி கூடவே இல்லாதிருந்தால் அவங்கப்பெரு இவ்ளோ ரிப்பேராக ஆயிருக்காது சசி ஒரு பிராடு ஊரன்சொத்துக்களை அடிச்சுப்பிடிச்ச்சு வாங்கி சொத்து சேர்த்தாலே எதை அனுபவிச்சா ஜெயில்லேதான் இருக்கா அங்கிட்டும் பிராடுகளே செய்துண்டுருக்கா கண்ராவி திருந்தாத ஜென்மம்...

Rate this:
shankar - chennai,இந்தியா
17-ஏப்-201817:37:03 IST Report Abuse

shankarசம்பந்தமே இல்லாத சாதாரண மக்களுக்கே கொஞ்ச நஞ்சம் தெரியும்போது அங்கே இருந்த கட்சி காரங்க அப்போது முதல்வர் பதவி கிடைத்தவுடன் சிரித்து கொண்டே வெளியே வந்த ஓபிஸ் இப்போ இருக்கும் இ பி எஸ் இவர்களுக்கு ஒண்ணுமே தெரியாதாம் இவங்க விசரனை கமிஷன் வேற வெப்பங்களாம் நம்பிட்டோம்.

Rate this:
Nancy - London,யுனைடெட் கிங்டம்
17-ஏப்-201815:31:54 IST Report Abuse

Nancyவேல இல்லாத மாமிய்யா எரும மாட்ட சொரிஞ்ச கத தான் , அரசின் தெண்ட செலவு - இந்த புலிகேசிகள் எப்போ தங்க கிணறு தோண்ட போறாங்களோ

Rate this:
மேலும் 28 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X