KPJP winner shanker Joins BJP Camp | இரு சுயேட்சைகளுக்கு இப்போது ராஜமரியாதை| Dinamalar

இரு சுயேட்சைகளுக்கு இப்போது ராஜமரியாதை

Added : மே 16, 2018 | கருத்துகள் (8)
Advertisement
இரு சுயேட்சைகளுக்கு இப்போது ராஜமரியாதை

பெங்களூரு: கர்நாடக சட்டசபை தேர்தலில் பெரும்பான்மை கிடைக்காத நிலையில் தனிப் பெரும் கட்சியாக உருவெடுத்துள்ள பா.ஜ. தங்களை ஆட்சி அமைக்க அழைக்குமாறு கவர்னரிடம் உரிமை கோரியுள்ளது. அதே நேரம் காங்., மதசார்பற்ற கூட்டணி தங்களிடம் பெரும்பான்மை இருப்பதாகவும் தங்களை ஆட்சி அமைக்க உரிமை கோரியுள்ளது.

இந்நிலையில் சுயேட்சையாக வெற்றி பெற்ற இரண்டு எம்.எல்.ஏ.க்களும் பா.ஜ., காங். கட்சி எம்.எல்.ஏ.க்களுடன் கவர்னரை சந்திக்க மாறி மாறி சென்றுள்ளது தெரியவந்துள்ளது.கர்நாடகா மாநிலம் ஹவேரி மாவட்டம் ரானேபெனுரு தொகுதியில் சுயேட்சையாக போட்டியிட்டு வெற்றி பெற்றார் ஆர். சங்கர், இவர் இன்று நடந்த பா.ஜ. எம்.எல்.ஏ.க்கள் கூட்டத்தில் திடீரென அதிரடியாக கலந்து கொண்டதாகவும் அவரை பா.ஜ.வில் இணைந்து விட்டதாகவும் கூறப்படுகிறது.
மற்றொரு சுயேட்சை எம்.எல்.ஏ. ஹச் நாகேஷ், இவர் கோலார் மாவட்டம் முல்பாஹல் தொகுதியில் மதசார்பற்ற ஜனதா தள வேட்பாளர் மஞ்சுநாத்தை எதிர்த்து போட்டியிட்டு வெற்றி பெற்றார். இவரை காங். முன்னாள் முதல்வர் சித்தராமையா வளைத்து கூட்டணியில் சேர்க்க முயற்சித்தாகவும கூறப்படுகிறது.



இதுவரை கவர்னரை சந்திக்க பா.ஜ. மற்றும் காங்.கட்சியினர் சென்ற போதெல்லாம் இரு சுயேட்சைகளும், மாறி மாறி அவர்களுடன் சென்றதாகவும் கூறப்படுகிறது. இதன் மூலம் ஆட்சியை தக்க வைக்க காங்.கட்சியும், ஆட்சியை பிடிக்க பா.ஜ.வும் சுயேட்சைகளுக்கு ராஜ மரியாதை அளிப்பதால் அவர்களுக்கு இப்போது கிராக்கி ஏற்பட்டுள்ளது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X