பஞ்., முதல் பார்லி வரை ஒரே நேரத்தில் தேர்தல் சாத்தியமா? தேர்தல் கமிஷனிடம் சட்ட ஆணையம் கேள்வி Dinamalar

பொது செய்தி

இந்தியா

பதிவு செய்த நாள் :
சாத்தியமா?
பஞ்.,முதல் பார்லி வரை ஒரே நேரத்தில் தேர்தல்...
தேர்தல் கமிஷனிடம் சட்ட ஆணையம் கேள்வி

புதுடில்லி: 'பஞ்சாயத்து முதல் லோக்சபா வரை, அனைத்து தேர்தல்களையும் ஒரே நேரத்தில் நடத்த வேண்டும்' என, மத்திய அரசு தொடர்ந்து கூறி வரும் நிலையில், இது தொடர்பாக, சமீபத்தில் நடந்த ஆலோசனை கூட்டத்தில், தலைமைதேர்தல் கமிஷனிடம், இந்திய சட்ட ஆணையம் கேள்வி எழுப்பியுள்ளது.

பஞ்சாயத்து,பார்லி,ஒரே நேரத்தில்,தேர்தல்,சாத்தியமா?


'அளவுக்கு அதிகமான செலவு மற்றம் நேர விரயம் ஆகியவற்றை தவிர்க்க, நாட்டில் உள்ள அனைத்து மாநிலங்களுக்கும், சட்டசபை, லோக்சபா மற்றும் பஞ்சாயத்து தேர்தல்களை, ஒரே நேரத்தில் நடத்த வேண்டும்' என்ற கோரிக்கையை, மத்திய அரசு, நீண்ட நாட்களாகவே வலியுறுத்தி வருகிறது.

கமிட்டி


இது தொடர்பாக, விபரமான ஆய்வு நடத்த, உ.பி., மற்றும் ம.பி., அரசுகள் சிறப்பு கமிட்டிகளை உருவாக்கி உள்ளன. பார்லி., நிலைக்குழுவின் சமீபத்திய அறிக்கையில் கூட, அனைத்து தேர்தல்களும் ஒரே நேரத்தில் நடத்தப்படுவதன் அவசியம் குறித்து அறிவுறுத்தப்பட்டு இருந்தது.'ஒரே நேரத்தில் தேர்தல் நடத்துவதன் வாயிலாக, நேரம், பணம் மற்றும் உழைப்பு மிச்சப்படுவதுடன், தேர்தல்

முறைகேடுகளும் குறையும்' என, பார்லி., நிலைக் குழு கருத்து தெரிவித்தது.

இது தொடர்பான சட்ட திருத்தத்தை உடனடியாக நிறைவேற்ற வேண்டுமென,சட்ட அமைச்சகத்துக்கு பரிந்துரை செய்து உள்ளது.இந்நிலையில், நேற்று முன்தினம், டில்லியில் நடந்த ஆலோசனை கூட்டத்தில், லோக்சபா, சட்டபை தேர்தல்களுடன் சேர்த்து, பஞ்சாயத்து தேர்தல்களையும் ஒரே நேரத்தில் நடத்துவது குறித்து, தேர்தல் கமிஷனி டம், இந்திய சட்ட ஆணையம் கேள்வி எழுப்பியது.

இதற்கு தேர்தல் கமிஷன் கூறிய பதில் வருமாறு: லோக்சபா, சட்டசபை மற்றும் உள்ளாட்சி தேர்தல் களை ஒரே நேரத்தில் நடத்துவதில், தொழில்நுட்ப ரீதியாக பல சிக்கல்கள் உள்ளன. சட்டசபை தேர்தல்களின் போது, தொகுதிகளின் எல்லைகள் ஒருவிதமாகவும், பஞ்சாயத்து தேர்தல்களின் போது, தொகுதிகளின் எல்லை வேறு விதமாகவும் வரையறுக்கப்படுகிறது. அரசியல் மற்றும் சமூக சூழ்நிலைக்கு ஏற்ப, இவை மாறுபடுகிறது.

சவால்


ஒரே நேரத்தில் எல்லா தேர்தல்களையும் நடத்த வேண்டுமானால், அனைத்து மாநிலங்களிலும், தொகுதிகளின் எல்லைகள், தெளிவாக வரையறுக் கப்பட வேண்டும். மேலும், 78 கோடி வாக்காளர் களுக்கு,ஒரே நேரத்தில் தேர்தல் நடத்துவது, மிகப் பெரிய சவால்.இந்திய தேர்தல் கமிஷனால், பஞ்சாயத்து மற்றும் நகராட்சி வார்டுகளில் இருந்து அனைத்து தகவல்களை ஒன்று திரட்ட முடியாது. மேலும், ஒரே நேரத்தில் தேர்தல் நடத்த, ரூ.500 கோடிசெலவாகும்.

Advertisement

வரும் பட்ஜெட்டில்,ரூ.300 கோடி ஒதுக்கும்படி, கோரிக்கை வைக்கப்பட்டு உள்ளது. இவ்வாறு அதில் தெரிவிக்கப்பட்டு உள்ளது.

பட்டியலில் சிக்கல்


வாக்காளர் பட்டியல் தயாரிப்பில் இருக்கும் பிரச்னை குறித்தும், தேர்தல் கமிஷனிடம், இந்திய சட்ட ஆணையம் கேள்வி எழுப்பியது; அதற்கு தேர்தல் கமிஷன் அளித்த பதில் வரு மாறு:லோக்சபா மற்றும் சட்டசபை தேர்தல் களை இந்திய தேர்தல் கமிஷன் நடத்துகிறது. பஞ்சாயத்து மற்றும் நகராட்சி தேர்தல்களை மாநில தேர்தல் கமிஷன் நடத்துகிறது.

இதில் சில மாநிலங்கள், தேர்தல் கமிஷனின் வாக்காளர் பட்டியலை நம்பி இருக்கின்றன. பல மாநிலங்கள், அவர்களாகவே ஒரு பட்டியல் வைத்துள்ளனர். வாக்காளர் பட்டியல் தயாரிக்க, மாநில தேர்தல் கமிஷன் ஒரே விதமான வழிமுறையை பின்பற்றுவதில்லை. அதனால், கோடிக்கணக்கான வாக்காளர்களை, ஒரே சமயத்தில் ஓட்டளிக்க வைப்பது, சிரமம். இவ்வாறு பதிலளிக்கப்பட்டது.


Advertisement

வாசகர் கருத்து (11)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Manikandan - Chennai,இந்தியா
18-மே-201818:50:36 IST Report Abuse

Manikandanமின்னணுவில் வோட்டு போட்டவுடனே ஒப்புகை சீட்டு வரவேண்டும், அந்த சீட்டு சரி பாட்டு அடையும் டபாவில் போடவென்னும், இரண்டுமே சரியானால் மட்டுமே வாக்கு செல்லுபடிகனும்.

Rate this:
18-மே-201811:55:23 IST Report Abuse

குறிஞ்சி நில கடவுள்சாத்தியம்தான். ஆனா எல்லா ஓட்டும் ஒரு கட்சிக்கு போற மாதிரி புரோக்கிராம் பன்னதான் கொஞ்சம் சிரமமா இருக்கும் but no problem ஹமாரா தேஷ்மே அச்சே தின் ஆகயா...

Rate this:
தங்கை ராஜா - tcmtnland,இந்தியா
18-மே-201811:48:18 IST Report Abuse

தங்கை ராஜாநல்ல நோக்கம் இல்லாத எந்தவொரு செயலும் நாசத்தில் கொண்டு போய் விடும். இதுவும் அப்படித்தான்.

Rate this:
மேலும் 8 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X