3 மாநிலங்களில் காங்., போர்க்கொடி ஆட்சியமைக்க உரிமை கோருகிறது Dinamalar
பதிவு செய்த நாள் :
3 மாநிலங்களில் காங்., போர்க்கொடி
ஆட்சியமைக்க உரிமை கோருகிறது

பனாஜி: கர்நாடகாவில், பா.ஜ.,வை ஆட்சியமைக்க, கவர்னர் அழைப்பு விடுத்ததை அடுத்து, கோவா, மணிப்பூர், மேகாலயா மற்றும் பீஹார் மாநிலங்களில், தங்களை ஆட்சி யமைக்க அழைக்கும்படி, காங்., மற்றும் ராஷ்ட்ரீய ஜனதா தள கட்சியினர் போர்க்கொடி துாக்கியுள்ளனர்.

3 ,மாநிலங்களில், காங்., போர்க்கொடி, ஆட்சியமைக்க ,உரிமை கோருகிறது


கர்நாடகாவில், நடந்து முடிந்த சட்டசபை தேர்தலில், 224 தொகுதிகளில், பா.ஜ., 104 இடங் களிலும், காங்., 78 மற்றும் மதச் சார்பற்ற ஜனதா தளம்,37 இடங்களிலும் வெற்றி பெற்றன. அதில், காங்கிரசும், ம.ஜ.த.,வும் கூட்டணி அமைத்து, தங்களை ஆட்சியமைக்க அழைக்கும்படி, கவர்னர் வஜுபாய் வாலாவிடம் கடிதம் அளித்தன. தனிப்பெரும் கட்சியாக வெற்றி பெற்ற, பா.ஜ.,வும் ஆட்சி அமைக்க உரிமை கோரியது.

இந்நிலையில்,பா.ஜ.,வை சேர்ந்த எடியூரப்பாவை, ஆட்சி அமைக்க, கவர்னர் அழைத்ததால், காங்., மற்றும் ம.ஜ.த., கட்சியினர் அதிருப்தியடைந்தனர்.

'தனிப்பெரும் கட்சி தான் ஆட்சி அமைக்க வேண்டுமெனில், கோவா, மணிப்பூர் மற்றும் மேகாலயா மாநிலங் களில் தற்போதுள்ள, பா.ஜ., தலைமையிலான கூட்டணி அரசுகளை கலைத்துவிட்டு, தேர்தலில், தனிப் பெரும் கட்சி யாக வெற்றி பெற்ற,காங்., கட்சியை ஆட்சி அமைக்க அழைக்கவேண்டும்' என, காங்., கட்சி கோரியுள்ளது.

அதேபோல், பீஹார்சட்டசபை தேர்தலில், தனிப் பெரும் கட்சியாக வெற்றி பெற்ற, லாலு பிரசாத் யாதவின், ராஷ்ட்ரீய ஜனதா தள கட்சியை ஆட்சியமைக்க அழைக்க வேண்டும் என, அந்த கட்சியைச் சேர்ந்த, தேஜஸ்வி யாதவ் கோரி உள்ளார்.கோவா, மணிப்பூர் மற்றும் மேகாலயா மாநிலங்களில், ஆட்சி அமைக்க உரிமை கோரி, காங்கிரசும், பீஹாரில் ராஷ்ட்ரீய ஜனதா தளமும், இன்று, அந்தந்த மாநில கவர்னர்களை சந்திக்க முடிவு செய்துஉள்ளன.

கோவாவில், மொத்தம், 40 தொகுதிகள் உள்ளன. இங்கு, முதல்வர், மனோகர் பரீக்கர் தலைமையி லான, பா.ஜ., மற்றும் அதன் கூட்டணி கட்சிகள் ஆட்சி நடக்கிறது. இங்கு, 17 உறுப்பினர்களுடன், காங்கிரஸ் தனிப் பெரும்கட்சியாக உள்ளது. பா.ஜ.,வுக்கு, 13 உறுப்பினர்கள் உள்ளனர்.

வட கிழக்கு மாநிலமான, மணிப்பூரில், 60 தொகுதி கள் உள்ளன. இங்கு, காங்கிரஸ், 28 உறுப்பினர் களுடன், தனிப் பெரும் கட்சியாக உள்ளது. 21

Advertisement

உறுப்பினர்களை வைத்துள்ள,பா.ஜ., கூட்டணி கட்சிகள் ஆதரவுடன், ஆட்சியில் உள்ளது. பா.ஜ.,வின் பீரேன் சிங், முதல்வராக உள்ளார். மற்றொரு வட கிழக்கு மாநிலமான, மேகாலயா வில், 60 தொகுதிகள் உள்ளன.

காங்கிரஸ், 21 உறுப்பினர்களுடன், தனிப் பெரும் கட்சியாக உள்ளது. 2 உறுப்பினர்களை வைத்துள்ள, பா.ஜ., தேசிய மக்கள் கட்சியுடன் கூட்டணி வைத்து, ஆட்சி அமைத்துள்ளது. தேசிய மக்கள் கட்சியை சேர்ந்த, கன்ராட் சர்மா, முதல்வராக உள்ளார்.

பீஹாரில், 243 தொகுதிகள் உள்ளன. இங்கு, லாலுவின், ராஷ்ட்ரீய ஜனதா தளம், 80 உறுப் பினர்களுடன், தனிப்பெரும் கட்சியாக உள்ளது. 53 உறுப்பினர்களை வைத்துள்ள, பா.ஜ.,வும், 71 உறுப்பினர்கள் உள்ள, ஐக்கிய ஜனதா தளமும், ஆட்சியில் உள்ளன. ஐக்கிய ஜனதா தளத்தின், நிதிஷ் குமார், முதல்வராக உள்ளார்.


Advertisement

வாசகர் கருத்து (20)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
18-மே-201813:34:57 IST Report Abuse

அண்ணாமலை ஜெயராமன்ஏற்கெனவே பதவியில் ஒரு முதல்வர் உள்ளபோது ஒன்னொரு முதல்வரை ஆட்சி அமைக்க கவர்னர் அழைப்பாரா ? காங்கிரேசிற்கு இது தெரியாதா ? எது தின்றால் பித்தம் தெளியும் என்று உளறிக்கொண்டிருக்கிறார்கள். கட்சியை மூடிவிட்டு வேறு வேலை பாருங்கள்.

Rate this:
18-மே-201813:16:47 IST Report Abuse

ஸ்ரீனிவாசன் வீண் முயற்சி..! காங்கிரஸ் தூங்கிவிட்டு இப்போ குதிக்கிறது... நேற்று சாப்பிட்ட தயிர்சாதத்திற்கு இன்று ஊறுகாய் தொட்டுக் கொள்வது போலிருக்கிறது..!! வெட்கம்..!!!

Rate this:
sankaseshan - mumbai,இந்தியா
18-மே-201811:27:42 IST Report Abuse

sankaseshanஜனநாயகம் குறித்து சவுதியில் பேசி பார் நாடு திரும்ப முடியாது உங்களுக்கு இங்குள்ள சுதந்திரம் இசுலாமிய நாடுகளில் கிடைக்காது .50/60 களில் கேரளாவில் மெஜாரிட்டி நம்பூதிரி பாட் அரசை காங்கிரஸ். / இந்திரா கலைத்த போது ஜனநாயகம் இன்று கொலை ,நல்ல நியாயம்

Rate this:
மேலும் 17 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X