அனைத்துகட்சி கூட்டத்தில் ஏ.சி.,க்களை கண்டித்த மாநகர போலீஸ் கமிஷனர்| Dinamalar

பொது செய்தி

தமிழ்நாடு

அனைத்துகட்சி கூட்டத்தில் ஏ.சி.,க்களை கண்டித்த மாநகர போலீஸ் கமிஷனர்

Added : மார் 11, 2011
Advertisement
 
 
Advertisement
 
 
 
Advertisement

திருச்சி: திருச்சியில் நடந்த அனைத்து கட்சிக்கூட்டத்தில் ஏ.சி.,க்களை போலீஸ் கமிஷனர் கண்டித்த சம்பவம் பரபரப்பை ஏற்படுத்தியது. திருச்சி மாநகரில் தேர்தல் நன்னடத்தை தொடர்பாக அனைத்துக் கட்சி ஆலோசனைக் கூட்டம் மாநகர போலீஸாரின் ஏற்பாட்டில் நேற்று காலை கலையரங்க வளாகத்தில் நடந்தது. இதில், மாநகர போலீஸ் கமிஷனர் மாசானமுத்து, டி.சி.,க்கள் ராமையா, ஜெயபாண்டியன் உள்ளிட்ட போலீஸ் அதிகாரிகளும், தி.மு.க., அ.தி.மு.க., காங்கிரஸ், ம.தி.மு.க., இந்திய கம்யூனிஸ்ட் உள்ளிட்ட கட்சி பிரமுகர்கள் பங்கேற்றனர்.


கூட்டத்தில் பேசிய அனைத்து கட்சி பிரமுகர்களும் மாநகரில் பணியாற்றும் போலீஸ் ஏ.சி.,க்கள் முறையாக ஆலோசனைக் கூட்டங்களுக்கு தகவல் தெரிவிக்கவில்லை, விதிமுறைக்கு மாறாக பல விஷயங்களுக்கு தடை விதிக்கின்றனர், கூட்டங்களை சரியான நேரங்களுக்கு நடத்தவில்லை என்று அடுக்கடுக்காக புகார்கள் கூறினர். இதனால் ஆத்திரமடைந்த மாநகர போலீஸ் கமிஷனர் மாசானமுத்து கூட்டத்தில் வரிசையாக உட்கார்ந்திருந்த ஏ.சி.,க்களை கண்டித்தார்.


ஏ.சி.,க்களை கண்டித்து அவர் பேசும்போது, ""தேர்தல் விதிமுறைகளை முதலில் நீங்கள் நன்றாக தெரிந்து கொண்டு, உங்களுக்கு கீழ் உள்ளவர்களுக்கு சொல்லித்தாருங்கள். இதுபோன்ற புகார்களுக்கு இடம்கொடுக்காத வண்ணம் பணியாற்றவேண்டும். எல்லாவற்றுக்கும் கமிஷனர் என்று சொல்லக்கூடாது. உங்களுக்கு கொடுக்கப்பட்ட அதிகாரத்தை பயன்படுத்தி பிரச்னைக்கு தீர்வு காண முயலுங்கள்,'' என்று கண்டிப்புடன் கூறினார். அனைத்து கட்சியினர் மத்தியில், போலீஸ் ஏ.சி.,க்களை மாநகர போலீஸ் கமிஷனர் மாசானமுத்து கண்டித்தது பரபரப்பை ஏற்படுத்தியது.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை