வீடு வாங்குவோருக்கு பி.எம்.ஏ.ஒய்., திட்டத்தில் சலுகை! அரசுக்கு ரியல் எஸ்டேட் நிறுவனங்கள் பாராட்டு Dinamalar

பொது செய்தி

இந்தியா

பதிவு செய்த நாள் :
சலுகை!
வீடு வாங்குவோருக்கு பி.எம்.ஏ.ஒய்., திட்டத்தில்..
அரசுக்கு ரியல் எஸ்டேட் நிறுவனங்கள் பாராட்டு

புதுடில்லி : ஏழைகள் மற்றும் குறைந்த வருவாய் பிரிவினருக்கான, பிரதமர் வீட்டு வசதி திட்டத்தில், மானியம் பெறுவதற்கான வீட்டு அளவை, 2,152 சதுர அடியாக, மத்திய அரசு உயர்த்தியதற்கு, கட்டுமான தொழில் நிறுவனங்களும், துறை சார் நிபுணர்களும் பாராட்டு தெரிவித்துள்ளனர். மத்திய அரசு அளித்துள்ள சலுகையால், வீடுகள் விற்பனை அதிகரிக்கும் என்ற எதிர்பார்ப்பு எழுந்துள்ளது.

பிரதமர் வீட்டு வசதி திட்டம்,வீடு வாங்குவோருக்கு,பி.எம்.ஏ.ஒய்.,சலுகை,ரியல் எஸ்டேட் நிறுவனங்கள்,பாராட்டு


நகர்ப்புறத்தை சேர்ந்த, குறைந்த வருவாய் உள்ளோர் வீடுகள் வாங்க, பி.எம்.ஏ.ஒய்., - யு திட்டத்தில், வீட்டுக் கடனுக்கு செலுத்தும் வட்டிக்கு மானியம் அளிக்கப்பட்டு வருகிறது. இத்திட்டத்தில், நடுத்தர வருவாய் பிரிவு - 1ன் கீழ், 120 சதுர மீட்டர் அல்லது, 1,291 சதுர அடி, 'கார்பெட் ஏரியா' உள்ள வீட்டுக்கான வட்டிக்கு மானியம் அளிக்கப்பட்டு வந்தது. இந்த சலுகை, 160 சதுர மீட்டர் அல்லது, 1,722 சதுர அடி கார்பெட் ஏரியா உள்ள வீடுகள் வரை உயர்த்தப்படுவதாக, மத்திய அரசு அறிவித்து உள்ளது.

நடுத்தர வருவாய் பிரிவு - 2ன் கீழ், 150 சதுர மீட்டர் அல்லது, 1,614 சதுர அடி, 'கார்பெட் ஏரியா' உள்ள வீட்டுக்கான வட்டிக்கு, மானியம்

அளிக்கப்பட்டு வந்தது. இந்த சலுகை, 200 சதுர மீட்டர் அல்லது, 2,152 சதுர அடி கார்பெட் ஏரியா உள்ள வீடுகள் வரை உயர்த்தப்படுவதாக, மத்திய அரசு அறிவித்து உள்ளது.

கார்பெட் ஏரியா என்பது, வீட்டின் சுவர்கள் தவிர்த்த, நாம் புழங்கக்கூடிய தரைப்பகுதி. மத்திய அரசின் புதிய அறிவிப்பின்படி, மானியம் பெறக்கூடிய வீட்டின் கார்பெட் ஏரியா அளவு, 30 சதவீதம் உயர்த்தப்பட்டு உள்ளது. இதனால், பயனாளிகள், 2.35 லட்சம் ரூபாய் வரை மானியம் பெற முடியும்.

மத்திய அரசின் அறிவிப்பால், வீடுகள் வாங்குவோர் எண்ணிக்கை அதிகரிக்கும் என, கட்டடத் தொழில் நிறுவனங்களும், இத்துறை சார்ந்த நிபுணர்களும் எதிர்பார்க்கின்றனர். 'கிரெடாய்' எனப்படும், தனியார் ரியல் எஸ்டேட் நிறுவனங்களின் கூட்டமைப்பு தலைவர், ஜக்ஸே ஷா, 'டுவிட்டர்' சமூக தளத்தில் வெளியிட்ட பதிவில், 'அரசின் புதிய அறிவிப்பு, நடுத்தர வருவாய் பிரிவில் வீடுகள் வாங்குவோருக்கு, பெரிய வரப்பிரசாதம். 'இதனால், இரண்டு மற்றும் மூன்றாம் பிரிவு நகரங்களில், வீடுகள் வாங்குவோர் எண்ணிக்கை அதிகரிக்கும்' என, கூறியுள்ளார்.

'நரெட்கோ' எனப்படும், தேசிய ரியல் எஸ்டேட் மேம்பாட்டு கவுன்சில் தலைவர், ராஜிவ் தல்வார், ''நாட்டில், நடுத்தர வகுப்பு பிரிவில் வீடுகள் வாங்குவோர் எண்ணிக்கையே அதிகம். ''இந்த பிரிவினர் வீடுகள் வாங்குவதை எளிதாக்கும் வகையில், அரசின் புதிய அறிவிப்பு உள்ளது,'' என்றார்.

Advertisement

'அனைவருக்கும் வீடு' திட்டத்தை நிறைவேற்றுவதில் அரசு உறுதி :

டி.எச்.எப்.எல்., நிறுவன தலைமை நிர்வாகி, ஹர்ஷில் மேத்தா கூறியதாவது: பி.எம்.ஏ.ஒய்., திட்டத்தில், மானியம் வழங்கப்படும் வீடுகளுக்கான அளவை அதிகரித்து, மத்திய அரசு பிறப்பித்துள்ள உத்தரவும், வீட்டுக் கடன் பெறுவதற்கான உச்ச வரம்பை அதிகரித்து, ரிசர்வ் வங்கி சமீபத்தில் பிறப்பித்த உத்தரவும், 2022க்குள், அனைவருக்கும் வீடு திட்டத்தை நிறைவேற்றுவதில், மத்திய அரசு உறுதியாக உள்ளதை காட்டுகிறது. இந்த உத்தரவுகளால், வீடுகள் வாங்குவதற்கான வாய்ப்புகள் பல மடங்கு அதிகரித்துள்ளது. இவ்வாறு அவர் கூறினார். குல்ஷான் ஹோம்ஸ் நிறுவன இயக்குனர், தீபக் கபூர் கூறுகையில், ''அரசின் உத்தரவால், குறைந்த விலை வீடுகள் விற்பனை கணிசமாக அதிகரிக்கும். வீடுகள் கட்டும் பணிகள் பல மடங்கு அதிகரிக்கும்,'' என்றார். எஸ்.ஜி.எஸ்டேட்ஸ் நிறுவன இயக்குனர், கவுரவ் குப்தா, ''சிறு நகரங்களில் உள்ள நடுத்தர வருவாய் பிரிவினர், பெரிய வீடுகள் வாங்கும் வகையில், மத்திய அரசின் உத்தரவு அமைந்து உள்ளது,'' என்றார்.


Advertisement

Advertisement

இதையும் தவறாமல் படிங்க ...


வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Needhiyin Pakkam Nil - Chennai,இந்தியா
14-ஜூன்-201813:48:44 IST Report Abuse

Needhiyin Pakkam Nil நீங்கள் கொடுக்கிற 2.35 லட்சம் ரூபாய், வீட்டு பிளான், கார்ப்பரேஷன் அனுமதி, மின் இணைப்பு, குடிநீர் இணைப்பு, இதை பெறுவதற்காக கொடுக்கப்படும் லஞ்சத்திற்கு கூட போதாது, இதற்கு பெயர் வீடு கட்டும் மானியம் கிடையாது, வீட்டு கட்ட அனுமதி பெறுவதர்காக அதிகாரிகளுக்கு லஞ்சம் கொடுப்பதற்காக வழங்கப்படும் மானியம் என்று சொல்லுங்கள்...............

Rate this:
Narayan - Zurich,சுவிட்சர்லாந்து
14-ஜூன்-201812:39:05 IST Report Abuse

Narayanமக்கள் நலன் சோஷலிச திட்டங்களும், பாப்புலிச திட்டங்களும் செய்தாலும், அதை சைலண்டாக ஊழல், லஞ்சம், விளம்பர செலவு, அரசு இயந்திர அலுவல் செலவு, எதுவும் இல்லாத வகையில் டைரெக்ட்டாக மக்களை சென்று சேரும் வண்ணம் பாஜக அரசு செய்கிறது. ஈரோப்பிலும் இது போன்றே வீட்டுக்கடன் சலுகை மக்களுக்கு நேராக செல்லும் வண்ணம் உள்ளது. திறந்த மனதுடன் இருக்கும் மக்கள் இதை பாராட்டுவார்கள். பல லட்சம் ஓட்டுக்கள் அள்ளும் இது போன்ற திட்டங்களையும் அலட்டல் இல்லாமல் கட்சி-கொள்கை-குடும்ப பெயரில்லாமல் பொதுப்பெயரில் செயல்படுத்துவதற்கே மோடி-பாஜகவை பாராட்டலாம்.

Rate this:
sam - Doha,கத்தார்
14-ஜூன்-201811:16:29 IST Report Abuse

samவரும். எப்ப வரும். வாயால் varum

Rate this:
நக்கீரன் - திருநெல்வேலி சீமை,இந்தியா
14-ஜூன்-201810:25:08 IST Report Abuse

நக்கீரன்வீடு சரி. முழு வீடாக கட்டிவிட்டு அப்புறம் சாப்பாட்டுக்கு என்ன செய்வீர்கள்? இன்று லஞ்சம் வாங்கி, கொள்ளையடித்து ஒரு ஆளுக்கு ஒரு வீடு வாங்க வேண்டும் என்ற நிலைக்கு மக்கள் பேராசைப்படுகிறார்கள். இது எங்கே போய் முடியப்போகிறதோ தெரியவில்லை.

Rate this:
Srinivasan Kannaiya - muscat ,ஓமன்
14-ஜூன்-201807:58:12 IST Report Abuse

Srinivasan Kannaiyaஆகக்கூடி இருக்கும் கொஞ்சம் நஞ்சம் விளை நிலங்களை கான்கிரீட் தூண்களாக மாற்ற முடிவு செயது விட்டீர்கள்...

Rate this:
venkat Iyer - nagai,இந்தியா
14-ஜூன்-201807:38:55 IST Report Abuse

venkat IyerIs it possible to get Agri labour's.?

Rate this:
தேச நேசன் - Chennai,இந்தியா
14-ஜூன்-201807:38:16 IST Report Abuse

தேச நேசன் ரியல் எஸ்டேட் கட்டுமானத்தொழிலும் சிதைந்திருப்பது வெறும் கடன் பற்றாக்குறையால் அல்ல .கறுப்புப்பண பற்றாக்குறையால் தான் நாட்டில் எண்பது சதவீத கறுப்பு ரியல் எஸ்டேட்டிலும் மீதி தங்கத்திலும் ஒளிந்துள்ளது. ஆனால் மூன்றுவருடங்களாக ரியலெஸ்டெட் பயங்கர அடிவாங்கியுளளது. பழைய வீடுகளைக்கூட அவசரத்துக்கு குறைந்தவிலைக்கே விற்கமுயன்றாலும் வாங்க ஆள்வருவதில்லை. கட்டிமுடிந்த அடுக்குமாடி வீடுகள் இரண்டு மூன்றாண்டாகியும் டிஸ்கவுன்ட்டில் விற்க முயற்சிக்கிறார்கள். வெறும் .இரண்டு மூன்று லட்ச அரசு மானியத்தால். சிறுவீடு வாங்குவோருக்கும் வங்கிகளுக்கும் மட்டுமே நல்லது . இத்திட்டத்தால் ரியல் எஸ்டேட் வீழ்ச்சியிலிருந்து மீண்டுவர உதவ வாய்ப்புக்கள் குறைவு .மீண்டும் போலிமதச்சார்பற்ற ஆட்சி வந்து பழையபடி கறுப்பை அதிகப்படுத்தி தங்களுக்கு உயர்வு அளிப்பார்கள் என கட்டுமானக் கம்பெனிகள் ஆர்வமாக உள்ளன

Rate this:
நக்கீரன் - திருநெல்வேலி சீமை,இந்தியா
15-ஜூன்-201809:50:50 IST Report Abuse

நக்கீரன்உண்மையான கருத்து...

Rate this:
14-ஜூன்-201807:27:15 IST Report Abuse

ஆப்புஎல்லோருக்கும் வேலை, நல்ல சம்பளம் வந்தாத்தான் வூடு வாங்கமுடியும்.

Rate this:
Venkatasubramanian Rajesh - ambattur,chennai,tamilnadu,இந்தியா
14-ஜூன்-201807:04:30 IST Report Abuse

Venkatasubramanian Rajeshஎல்லாம் செரி கிட்ட நெருங்கும் பொது எல்லாம் கெடுபிடி செய்றாங்க வாங்கி செல்லும் பொது அவர்கள் தரும் கொடச்சல் தாங்க முடியவில்லை கடன் வாங்கி தான் வீடு கட்ட முடியும் என்று தான் வீடு வாங்கும் நினைவு வரும் என்று கடவுள் தான் வெளிச்சம் பேசுவது எளிமை நடைமுறை பார்க்க வேண்டும் எல்லோரும் நாக்கில் நரம்பு இல்லாமல் பேசுறாங்க வாய்க்கு வந்தபடி இறைவன் தான் பதில் சொல்ல வேண்டும்

Rate this:
balakrishnan - coimbatore,இந்தியா
14-ஜூன்-201807:01:33 IST Report Abuse

balakrishnanஇதன் முழுமையான விவரங்கள் முழுமையாக மக்களிடம் சென்று சேரவில்லை, இதை பயன்படுத்தி அவங்க கட்சிக்காரங்க ஏழை மக்களை, பாமர மக்களை ஏமாற்றி வருகிறார்கள், யார் யாருக்கு இது பொருந்தும், இந்த வசதியை எப்படி பயன்படுத்திக்கொள்ள முடியும், அதை எப்படி பெறுவது போன்றவற்றை எளிய முறையில் அனைவருக்கும் தெரியப்படுத்த வேண்டும், எல்லா கட்டிட கட்டுமான நிறுவனங்கள் தங்களது விளம்பரங்களில் பிரதம மந்திரியின் வீடு கட்டும் திட்டத்தில் 2 .5 லட்சம் சலுகை வாங்கி கொடுக்கப்படும் என்று விளம்பரப்படுத்துகிறார்கள், உண்மையான பலன் உரியவர்களுக்கு சேருவதில்லை, விவரம் அறிந்தவர்கள், தெரிந்தவர்கள், வசதி படைத்தவர்கள் பயன்படுத்திக்கொள்கிறார்கள், நல்லதொரு திட்டம் தான் அதை நன்கு அடித்தட்டு மக்களிடம் கொண்டு சேர்க்க வேண்டும்

Rate this:
தேச நேசன் - Chennai,இந்தியா
14-ஜூன்-201807:39:47 IST Report Abuse

தேச நேசன் அடித்தட்டு மக்களுக்கு நல்லதென்றால் உங்களருமை சுடாலினிடம் சொல்லி பிரச்சாரம் செய்ய வைக்கலாமே? என்ன பிரச்சனைன்னா வாக்குவங்கி பறிபோகும் அவ்வள்வுதான்...

Rate this:
SARAVANAN G - TRICHY,இந்தியா
14-ஜூன்-201815:33:05 IST Report Abuse

SARAVANAN Gஅதையே தான் நானும் கேட்கிறேன்........அடித்தட்டு மக்களுக்கு நல்லதென்றால் உங்களருமை காலாவிடம் சொல்லி பிரச்சாரம் செய்ய வைக்கலாமே? அவர் தானே தற்போது தமிழகத்தில் , பிஜேபியின் ஊதுகுழல்..........

Rate this:
மேலும் 4 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)
Advertisement