சேலம் - சென்னை 8 வழிச்சாலைக்காக கிராமத்தினரிடம் பேச்சு Dinamalar

பொது செய்தி

தமிழ்நாடு

பதிவு செய்த நாள் :
சேலம் - சென்னை 8 வழிச்சாலைக்காக கிராமத்தினரிடம் பேச்சு

சேலம் - சென்னை, எட்டு வழிச்சாலை திட்ட எதிர்பார்ப்பாளர்களின் நடவடிக்கையை முறியடிக்க, வருவாய்த்துறையினர், போலீசார் கிராமம் கிராமமாக சென்று மக்களை சந்தித்து, நிலம் எடுப்பது தொடர்பாக பேசி வருகின்றனர். இதனால், போராட்டக்காரர்களின் திட்டம் எடுபடாமல் போனது; அவர்கள் போராட்டத்தை முன் எடுத்து செல்லாமல் பின்வாங்கினர்.

Chennai,Salem,சென்னை,சேலம்,8 வழிச்சாலை,கிராமத்தினரிடம்,பேச்சு


சேலம் - சென்னை இடையே, 277 கி.மீ.க்கு, தர்மபுரி, கிருஷ்ணகிரி, திருவண்ணாமலை, காஞ்சிபுரம் மாவட்டங்கள் வழியாக, எட்டு வழிச்சாலை அமைக்கப்படுகிறது. சேலத்தில், 36.3 கி.மீ.,ல் அமைய உள்ள இந்த பாதைக்கு, சேலம் மாநகர போலீஸ் கட்டுப்பாட்டில் உள்ள, 12 கிராமங்கள், மாவட்ட போலீசாரின் கட்டுப்பாட்டில் உள்ள, 17 கிராமங்களின் விவசாயிகளின் நிலம் கையகப்படுத்தப்பட உள்ளது. இது தவிர அரசு புறம்போக்கு நிலங்கள் வழியாக பாதை அமைகிறது.

விவசாயிகள் தங்களின் வாழ்வாதாரம் பாதிக்கப்படும் என, அச்சம் காரணமாக, சேலத்தில் வசிக்கும் வடமாநில வாலிபர், அவரின் ஆதரவாளர்கள், மாவோயிஸ்ட் ஆதரவு அமைப்புக்களை

சேர்ந்தவர்கள் விவசாயிகளுக்கு, தவறான தகவல் கொடுத்து, அவர்களை பீதியடையச் செய்தனர்.

ஆச்சாங்குட்டப்பட்டியில் வருவாய்த்துறை அதிகாரிகளை முற்றுகையிட்டது; அரியனுார் மக்கள் போலீஸ் கமிஷனர் அலுவலகத்தை முற்றுகையிட்ட சம்பவங்கள் அரங்கேறின. அதன் பின், போலீசார் சுதாரித்து கண்காணிப்பை தீவிரப்படுத்தியதோடு, கைது நடவடிக்கையும் மேற் கொண்டதால், பல கிராம மக்கள் பசுமை வழிச்சாலை திட்டத்தின் உண்மை நிலையை உணர்ந்தனர்.

இதில், குறிப்பாக, ஆச்சாங்குட்டப்பட்டி, குப்பனுார் பகுதி மக்கள், திட்டத்துக்கு முழு எதிர்ப்பு தெரிவித்தனர். ஆனால், சேலம் மாவட்ட வருவாய்த்துறையினர்,கிராமங்கள் தோறும் விவசாயிகளின் வீடுகளுக்கு சென்று அரசின் இழப்பீடு விபரங்களை தெரியப்படுத்தியதால், பல விவசாயிகள் தங்கள் நிலங்களை வழங்க சம்மதம் தெரிவித்துள்ளனர்.

அதே போல், உள்ளூர் போலீசார், உளவுத்துறை, நுண்ணறிவு பிரிவு, எஸ்.பி.சி.ஐ.டி., போலீசார், கிராமங்களில் முகாமிட்டு, போராட்டத்தை துாண்டுபவர்களை கண்காணிக்க துவங்கியதால், அவர்களும் பின் வாங்கி விட்டனர். இதன் காரணமாக, சேலம் மாவட்டத்தின், 29 கிராமங்களில், 80 சதவீத விவசாயிகள், அரசின் நடவடிக்கைக்கு ஒத்துழைப்பு வழங்க முன் வந்துள்ளனர்.

Advertisement

உளவுத்துறை கண்காணிப்பு:


எட்டு வழிச்சாலை திட்டத்துக்கு, எதிராக விவசாயிகளை துாண்டி விட்ட, வடமாநில வாலிபர், கடந்த, ஜூன், 9க்கு பின் சேலத்தில், எந்த போராட்டத்தையும் முன்னெடுக்க வில்லை. சென்னையில் இருந்தபடி, மத்திய, மாநில அரசுகளுக்கும், பசுமை சாலை திட்டத்துக்கு எதிராக ஊடகங்களுக்கு பேட்டி கொடுத்து வருகிறார்.

நேற்று அவர், சேலம் மாநகரம், ஏற்காட்டில் ஆலோசனை கூட்டம் நடத்துவதாக தகவல்கள் கசிந்தன. உளவுத்துறை போலீசார் கண்காணிப்பை தீவிரப்படுத்தினர். சேலம் மாவட்ட விவசாயிகளை, வருவாய்த்துறையினர் தங்களின் பக்கம் திருப்பி விட்டதால், வடமாநில வாலிபரின் மூளைச்சலவை எடுபட வில்லை. இதனால், அவர் தன் முகாமை, திருவண்ணாமலைக்கு மாற்ற உள்ளதாக, அவரது ஆதரவாளர்கள் தெரிவித்தனர்.

-நமது சிறப்பு நிருபர்-


Advertisement

வாசகர் கருத்து (82)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
வேலங்குடியான் - Karaikudi,இந்தியா
23-ஜூன்-201809:52:19 IST Report Abuse

வேலங்குடியான்8 வழி சாலை போட்டதுக்கு அப்பறம் அதை எதிர்த்தவன் எவனும் அந்த சாலையை பயன்படுத்தக்கூடாதுனு சொல்லணும் குறிப்பா சுடலை கட்சி காரனுங்க மற்றும் டுமீல் போராளீஸ்......

Rate this:
vns - Delhi,இந்தியா
15-ஜூன்-201820:07:18 IST Report Abuse

vnsஇந்த படத்தில் உள்ளதுபோல சாலை அமைப்பு இருக்குமானால் விபத்துக்கள் தான் ஏற்படும் . இடது பக்கம் திரும்பும் சாலை திரும்புவதற்கு முன்னால் முக்கிய சாலையின் நீளம் குறைந்த பக்ஷம் 800 மீட்டர் மூன்றாவது சாலையாக மாறி இடது பக்கம் திரும்ப ஓட்டுநர்களுக்கும் பின்னல் வருபவர்களுக்கும் அவகாசம் கொடுக்க வேண்டும் .. அதேபோல சாலைகள் முக்கிய சாலையில் சேரும்போதும் சேறும்சளாய் குறைந்த பக்ஷம் 800 மீட்டர் தொடர்ந்து முக்கிய சாலையில் மூன்றாவது சாலையாக மாறி சேர்ந்த சாலை ஓட்டுனர்களுக்கு முக்கிய சாலையில் சேர அவகாசம் கொடுக்க வேண்டும். இதொன்றும் இல்லாமல் இதுபோன்ற முட்டாள்தனமான சாலைகள் விபத்துக்களைத்தான் ஏற்படுத்தும்

Rate this:
P R Srinivasan - Abu Dhabi,ஐக்கிய அரபு நாடுகள்
15-ஜூன்-201808:00:14 IST Report Abuse

P R Srinivasanஎங்கெல்லாம் விளை நிலங்கள் பாதிக்கப்படுகிறதோ அங்கு மட்டும் நிலங்களுக்கு மேல் மேம்பாலம் கட்டி விளை நிலம் பாதிக்கப்படுவதை குறைக்கலாம்.

Rate this:
மேலும் 79 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X