18 எம்.எல்.ஏ.,க்கள் தகுதி நீக்க வழக்கில் நீதிபதிகள் இடையே கருத்து வேறுபாடு Dinamalar

கோர்ட் செய்தி

தமிழ்நாடு

பதிவு செய்த நாள் :
எம்.எல்.ஏ.,க்கள், தகுதி நீக்க வழக்கு, நீதிபதிகள், மாறுபட்ட தீர்ப்பு

சென்னை: தினகரன் ஆதரவாளர்கள் 18 எம்.எல்.ஏ.,க்கள் தகுதி நீக்க வழக்கில் சபாநாயகர் உத்தரவு செல்லும் என தலைமை நீதிபதியும், செல்லாது என நீதிபதி சுந்தரும் தங்களின் தீர்ப்பில் கூறியுள்ளனர். நீதிபதிகள் இன்று மாறுபட்ட தீர்ப்பு வழங்கியதால் மேலும் இந்த வழக்கில் புதிர் எழுந்துள்ளது. இந்த வழக்கு 3வதாக ஒரு நீதிபதி விசாரித்து தீர்ப்பு வழங்கலாம் என்றும் பரிந்துரை செய்யப்பட்டுள்ளது.
ஜெயலலிதா மரணத்துக்கு பின், அ.தி.மு.க.,வில் ஏற்பட்ட விரிசலில், சசிகலா அணியில் இருந்த பழனிசாமி, முதல்வராக நியமிக்கப்பட்டார்; பன்னீர்செல்வம், எதிர் அணியில் இருந்தார். ஒரு கட்டத்தில், பழனிசாமியும், பன்னீர்செல்வமும் கை கோர்த்தனர். பன்னீர்செல்வத்துக்கு, துணை முதல்வர் பதவி வழங்கப்பட்டது. அ.தி.மு.க., பொதுக்குழுவை கூட்டி, பொதுச் செயலர் பொறுப்பில் இருந்து, சசிகலாவை

நீக்கினர்.
இந்நிலையில், சசி ஆதரவு, எம்.எல்.ஏ.,க்கள், 18 பேர், முதல்வர் பழனிசாமிக்கு எதிராக, கவர்னரை சந்தித்து கடிதம் அளித்தனர். இதையடுத்து, கட்சி தாவல் சட்டத்தின் கீழ், 18 பேரையும் தகுதி நீக்கம் செய்து, சபாநாயகர் தனபால் உத்தரவிட்டார். கடந்த, 2017 செப்டம்பரில், இதற்கான உத்தரவை பிறப்பித்தார்.
18 தொகுதிகளும் காலியானதாக, தேர்தல் ஆணையம் அறிவித்தது. தகுதி நீக்கத்தை எதிர்த்து, 18 பேரும், சென்னை உயர் நீதிமன்றத்தில், மனுக்கள் தாக்கல் செய்தனர். அவற்றை விசாரித்த, நீதிபதி துரைசாமி, 18

தொகுதிகளுக்கும் தேர்தல் அறிவிப்பை வெளியிட, தேர்தல் ஆணையத்துக்கு தடை விதித்தார். பின், அந்த மனுக்கள், நீதிபதி ரவிச்சந்திரபாபு முன், விசாரணைக்கு வந்தன. வழக்கை, இரண்டு நீதிபதிகள் அடங்கிய விசாரணைக்கு பரிந்துரைத்தார்.
இதையடுத்து, அந்த வழக்கை, தலைமை நீதிபதி இந்திரா பானர்ஜி, நீதிபதி, எம்.சுந்தர் அடங்கிய, 'முதல் பெஞ்ச்' விசாரித்தது. எம்.எல்.ஏ.,க்கள் சார்பில், மூத்த வழக்கறிஞர்கள், அபிஷேக் சிங்வி, பி.எஸ்.ராமன், வழக்கறிஞர் ராஜா செந்தூர்பாண்டியன் ஆகியோரும், சபாநாயகர், சட்ட சபை செயலர், கொறடா,

முதல்வர் தரப்பில், மூத்த வழக்கறிஞர்கள், அரிமா சுந்தரம், முகுல் ரோஹத்கி, வைத்தியநாதன் ஆகியோரும் ஆஜராகினர்.

தினகரன் கருத்து

தமிழகமே எதிர்பார்த்த இந்த தீர்ப்பு இது. ஆனால் மாறுபட்ட தீர்ப்பால் மக்கள் விரோத அரசு நீடிக்க நீதிமன்றம் வழி செய்துள்ளது. நிச்சயம் நாங்கள் வெற்றி பெறுவோம். எம்.எல்.ஏ.,க்கள் அனைவரும் எங்களோடு தான் இருக்கின்றனர். இவ்வாறு தினகரன் கூறினார்.

தீர்வு இல்லாத தீர்ப்பு : தமிழிசை


இன்று வெளியான தீர்ப்பால் எந்த தீர்வும் இல்லாமல் போனது. அணுகுண்டும் இல்லை, புஷ்வானமும் இல்லை. ஊசிவெடியாய் போனது. 3 வது நீதிபதி என்ன சொல்கிறார் என பொறுத்திருந்து பார்ப்போம் என பா.ஜ., தலைவர் தமிழிசை சவுந்திரராஜன் கூறியுள்ளார்.


Advertisement

வாசகர் கருத்து (12)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Anandan - chennai,இந்தியா
15-ஜூன்-201803:51:32 IST Report Abuse

Anandanகவர்னர் பதவிக்கு ஆசை படுறாரோ தலைமை நீதிபதி?

Rate this:
ஜெய்ஹிந்த்புரம் - மதுரை,இந்தியா
15-ஜூன்-201807:34:34 IST Report Abuse

ஜெய்ஹிந்த்புரம்இன்னும் சில வாரங்களில் உச்சநீதிமன்றத்துக்கு போக போகிறார்.....

Rate this:
ஜெய்ஹிந்த்புரம் - மதுரை,இந்தியா
15-ஜூன்-201801:48:37 IST Report Abuse

ஜெய்ஹிந்த்புரம்(1) சபாநாயகரின் தீர்ப்பு செல்லும் என்ற முறையில் தேர்தல் ஆணையாக 2017 செப், இடைத்தேர்தல் அறிவிக்கிறது. (2) இதற்கு மாறாக 2017 செப், நீதிபதி துரைசாமி, 18 இடங்களுக்கும் இடைத் தேர்தல் வைக்க தடை விதித்தார்.. அதாவது தகுதி நீக்கம் செல்லாது என்ற அடிநாதம் எழுப்பினார்.. (3) அடுத்து நீதிபதி ரவிச்சந்திரபாபு நம்மளே முடியாது பெஞ்சுக்கு போங்கன்னுட்டார். பாருங்க.. தெளிவா "ரெண்டு பேர் பெஞ்சு" ன்னு சொன்னாரு. வரும்.. வராதுன்னு சுருதி இங்கே சேர்க்கப்படுது. (4) அந்த பெஞ்சு தான் இப்போ 8 மாசம் பெஞ்சை தேச்சுட்டு ரைட்டு, இல்லே தப்புன்னு தீர்ப்பை நல்லா சொதப்பியிருக்கு. (5) மூணு பேர் பெஞ்சு இன்னொரு 9 மாசம் பெஞ்சை தேய்க்கும். நாம 2019 க்கு போயிருப்போம். ஆனால் இந்த ஊழல் அடிமை ஆட்சிக்கு 2021 வரை உயிர் கொடுக்கணுமே.. அதுவரைக்கும் இந்த வழக்கை முடிக்காமே இழுத்தடிச்சிக்கிட்டே தான் இருப்பானுங்க. (4) 2019 இலெ பாஜகவுக்கு சங்கு ஊதுவாங்க. அந்த நல்ல முகூர்த்தம் வந்தா இங்கே அடிமை கூட்டம் தூக்கி அடிக்கப்படும். அது வரைக்கும் இதுக்கு முடிவே வராது.

Rate this:
Ramesh - chennai,இந்தியா
14-ஜூன்-201820:50:47 IST Report Abuse

RameshAppears not pinpointed justice..Opinion based.basing on what??

Rate this:
ஜெய்ஹிந்த்புரம் - மதுரை,இந்தியா
15-ஜூன்-201807:31:28 IST Report Abuse

ஜெய்ஹிந்த்புரம்Political gain of the rulers....

Rate this:
மேலும் 7 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X