உத்தரகண்டில் செல்லும்; கர்நாடகாவில் செல்லாது Dinamalar

கோர்ட் செய்தி

தமிழ்நாடு

பதிவு செய்த நாள் :
உத்தரகண்டில் செல்லும்;
கர்நாடகாவில் செல்லாது

உத்தரகண்டில், ஒன்பது எம்.எல்.ஏ.,க்களை சபாநாயகர் தகுதி நீக்கம் செய்தார்; 'இந்த நீக்கம் செல்லும்' என, உத்தரகண்ட் உயர் நீதிமன்றம் மற்றும் உச்ச நீதிமன்றம் தீர்ப்பு வழங்கின.

உத்தரகண்ட்,செல்லும்,கர்நாடகா,செல்லாது


மார்ச், 18, 2016: உத்தரகண்ட் சட்டசபையில், இடஒதுக்கீடு மசோதாவுக்கு, ஓட்டெடுப்பு நடத்தக் கோரி, பா.ஜ., - எம்.எல்.ஏ.,க்களுடன், காங்., அதிருப்தி, எம்.எல்.ஏ.,க்கள், ஒன்பது பேர் கோரிக்கை வைத்தனர். இதனால், சட்டசபையை, சபாநாயகர் ஒத்திவைத்தார்.

மார்ச், 19: 'பெரும்பான்மையை, மார்ச், 28க்குள் நிரூபிக்க வேண்டும்' என, முதல்வர் ஹரிஷ் ராவத்துக்கு, கவர்னர் உத்தரவிட்டார்.

மார்ச், 20: அதிருப்தி, எம்.எல்.ஏ.,க்களுக்கு, சபாநாயகர், 'நோட்டீஸ்' அனுப்பினார்.

மார்ச், 24: சபாநாயகரின் நோட்டீசிற்கு தடை விதிக்கக் கோரிய, எம்.எல்.ஏ.,க்கள் மனுவை, உத்தரகண்ட் உயர் நீதிமன்றம் தள்ளுபடி செய்தது.

மார்ச், 27: ஒன்பது எம்.எல்.ஏ.,க்களை தகுதி நீக்கம் செய்து, சபாநாயகர் உத்தரவிட்டார்.

மார்ச், 28: ஜனாதிபதி ஆட்சி அமலானது.

மார்ச், 29: நம்பிக்கை ஓட்டெடுப்பை, மார்ச், 31ல் நடத்த, உயர் நீதிமன்றம் உத்தரவிட்டது.



மார்ச், 30: நம்பிக்கை ஓட்டெடுப்பை நிறுத்தக் கோரி, மத்திய அரசு மனு செய்ததால், ஓட்டெடுப்பு, ஏப்., 7க்கு தள்ளி வைக்கப்பட்டது.

ஏப்., 1: சபாநாயகரின் உத்தரவை எதிர்த்து, ஒன்பது எம்.எல்.ஏ.,க்கள் தொடர்ந்த வழக்கில், விசாரணை துவங்கியது.

ஏப்., 25: 'காங்., கட்சியிலேயே தொடர்கிறோம்; முதல்வரைத் தான் மாற்ற விரும்புகிறோம்' என, அதிருப்தி, எம்.எல்.ஏ.,க்கள், உயர் நீதிமன்றத்தில் தெரிவித்தனர்.

மே, 9: 'சபாநாயகரின் உத்தரவு செல்லும்' என, உயர் நீதிமன்றம் தீர்ப்பளித்தது.

மே, 11: உயர் நீதிமன்ற தீர்ப்பை எதிர்த்து, ஒன்பது எம்.எல்.ஏ.,க்கள், உச்ச நீதிமன்றத்தில் மேல்முறையீடு செய்தனர்.

நவ., 14, 2017: உயர் நீதிமன்றத்தின் தீர்ப்பை உறுதி செய்து, உச்ச நீதிமன்றம் தீர்ப்பளித்தது.

செல்லாது!


கர்நாடகாவில், எடியூரப்பா ஆட்சிக்கு அளித்து வந்த ஆதரவை வாபஸ் பெற்ற, எம்.எல்.ஏ.,க்கள், 16 பேரின் பதவி பறிக்கப்பட்டது. இதில், 'சபாநாயகரின் உத்தரவு செல்லாது' என, உச்ச நீதிமன்றம் தீர்ப்பு வழங்கியது.

அக்., 12, 2010: கர்நாடக சட்டசபையில், முதல்வர் எடியூரப்பா மீது, நம்பிக்கை ஓட்டெடுப்பு நடந்தது. முன்னதாக,

Advertisement

இவர்கள், 16 பேரும், எடியூரப்பாவுக்கு அளித்து வந்த ஆதரவை, வாபஸ் பெறுவதாக, கவர்னரிடம் கடிதம் வழங்கினர். ஓட்டெடுப்பின் முன், 16 எம்.எல்.ஏ.,க்களின் பதவியை, சபாநாயகர் பறித்தார். இவர்களில், 11 பேர், பா.ஜ.,வினர்; ஐந்து பேர் சுயேச்சைகள். சபாநாயகரின் முடிவை எதிர்த்து, 16 எம்.எல்.ஏ.,க்களும், கர்நாடக உயர் நீதிமன்றத்தில் வழக்கு தொடர்ந்தனர்

அக்., 29, 2010: வழக்கை விசாரித்த உயர் நீதிமன்றம், 'தகுதிநீக்கம் செல்லும்' என, தீர்ப்பளித்தது. இதையடுத்து, 16 எம்.எல்.ஏ.,க்கள் சார்பில், உச்ச நீதிமன்றத்தில் மேல்முறையீடு செய்யப்பட்டது.

மே, 13, 2011: வழக்கை விசாரித்த உச்ச நீதிமன்றம் தீர்ப்பளித்தது. 'நம்பிக்கை ஓட்டெடுப்பில் முதல்வரின் வெற்றி பாதிக்கப்பட்டு விடக்கூடாது என்பதற்காகவே, சபாநாயகர் இந்த முடிவை எடுத்துள்ளார்.

அரசியல் சாசனத்தில் வழங்கப்பட்டுள்ள அடிப்படை உரிமைகளை, நீதியை கருத்தில் கொள்ளாமல், சபாநாயகர் எடுத்த முடிவை, இந்த நீதிமன்றம் ஏற்க மறுக்கிறது. எனவே, எம்.எல்.ஏ.,க்களின் தகுதி நீக்க உத்தரவை ரத்து செய்கிறோம்' என, தீர்ப்பளித்தது.

- நமது நிருபர் -


Advertisement

வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ramesh - chennai,இந்தியா
15-ஜூன்-201813:37:04 IST Report Abuse

Rameshஎல்லாம் சரி தான். அயோக்கிய அரசியல்வாதிகள் சண்டை பெருசா இருக்கு. வக்கீல் நீபதிகள் தொழில் அமோகம்

Rate this:
Ananthakrishnan - Thanjavur,இந்தியா
15-ஜூன்-201812:28:22 IST Report Abuse

Ananthakrishnan முல்லா நஸீருத்தீன் கதை ஒன்று ஞாபகம் வருகிறது. முல்லா நீதிபதியாக இருக்கிறார். வாதியின் வழக்கறிஞர் அவரது தரப்பு வாதம் முடிந்தவுடன் முல்லா சொல்கிறார், "நீங்கள் சொல்வதுதான் சரி". பின்னர் பிரதிவாதி தரப்பு வழக்கறிஞர் தன்னுடைய வாதத்தை முடிக்கிறார். அதற்கும் முல்லா "நீங்கள் சொல்வதுதான் சரி" என்கிறார். பின்னர் நீதிமன்ற தலைமை குமாஸ்தா மெதுவான குரலில் முல்லாவிடம் ' ஐயா, நீங்கள் இரண்டு தரப்பு வாதங்களையும் நன்றாகப் பரிசீலித்த பின்னரே உங்கள் தீர்ப்பை சொல்லவேண்டும்" என்கிறார். அதற்கும் முல்லா, "நீங்கள் சொல்வதுதான் சரி" என்கிறார். இப்போது இந்த கதை எதற்கு என்கிறீர்களா? இந்தக் கதை எல்லா காலத்திற்கும் பொருந்தும் என்பதற்குத்தான்.

Rate this:
Kasimani Baskaran - Singapore,சிங்கப்பூர்
15-ஜூன்-201814:07:47 IST Report Abuse

Kasimani Baskaran..போல யார் மனத்தயும் புண்படுத்தாமல் கருத்து எழுதி சிறப்பாக செய்து இருக்கிறீர்கள்... பாராட்டுக்கள்.......

Rate this:
ஜெய்ஹிந்த்புரம் - மதுரை,இந்தியா
15-ஜூன்-201821:30:51 IST Report Abuse

ஜெய்ஹிந்த்புரம்அந்த கதையில், உண்மையில் எரிச்சலடைந்த மக்கள், "இப்படி தீர்ப்பு சொல்வதற்கு நீ கழுதை மேய்க்க போகலாம். அதுக்கு தான் லாயக்கு." என்று முல்லாவிடம் சொன்னார்களாம். அதற்கு முல்லா நஸீருத்தீன், "அதுவும் ரொம்ப சரி" என்று சொல்லிவிட்டு கழுதை மேய்க்க போயிட்டாராம்....

Rate this:
Ganapathy - Bangalore,இந்தியா
15-ஜூன்-201811:43:24 IST Report Abuse

Ganapathyஉத்ரகண்டிற்கும், கர்நாடகத்திற்கும் உள்ள வித்யாசத்தை இங்கே குறிப்பிடவில்லை . உத்ரகாண்டில் ஆளும்கட்சி உறுப்பினர்ககள் எதிர்கட்சியினருடன் " சேர்ந்து" , ஓட்டுஎடுப்பு நடத்தக்கோரினார் . கர்நாடகத்தில் அப்படி இல்லை .

Rate this:
மேலும் 12 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X