'யாராலும் வெல்ல முடியாத இந்தியா' : பிரதமர் நரேந்திர மோடியின் புதிய கோஷம் Dinamalar

பொது செய்தி

இந்தியா

பதிவு செய்த நாள் :
'யாராலும் வெல்ல முடியாத இந்தியா'
பிரதமர் நரேந்திர மோடியின் புதிய கோஷம்

அடுத்தாண்டு நடக்கஉள்ள லோக்சபா தேர்தலுக்காக, 'யாராலும் வெல்ல முடியாத இந்தியா - உறுதியான பா.ஜ.,' என்ற புதிய கோஷத்தை, பிரதமர் நரேந்திர மோடி வெளியிட்டுள்ளார். மத்தியில் ஆளும், பா.ஜ.,வின் தேசிய செயற்குழு கூட்டம், டில்லியில் நடந்தது. இரண்டாவது நாளான நேற்று, பிரதமர் நரேந்திர மோடி பேசினார்.

மோடி, இந்தியா


கூட்டத்தில், பிரதமர் மோடி பேசியதாவது: வரும் லோக்சபா தேர்தலை, யாராலும் வெல்ல முடியாத இந்தியா -- உறுதியான பா.ஜ., என்ற கோஷத்துடன் எதிர்கொள்வோம். யாராலும் வெல்ல முடியாத இந்தியாவை, மிகவும் உறுதியான கொள்கையுடைய, பா.ஜ.,வின் மூலம் உருவாக்குவோம்.

நாடு நன்கறியும் :

கடந்த, 31 ஆண்டுகளில், நாம் பதவிக்காக அலையவில்லை. மக்களுக்கு சேவை செய்யவே, ஆட்சி அதிகாரத்தை பயன்படுத்தி வந்துள்ளோம்; இதை, இந்த நாடு

நன்கறியும்.அடுத்த, நான்கு ஆண்டுகளில், புதிய இந்தியாவை உருவாக்குவதில் உறுதியுடன் உள்ளோம். வறுமையில்லாத, பயங்கரவாதம் இல்லாத, ஊழல் இல்லாத, மதவாதம் இல்லாத இந்தியாவை, 2022க்குள் உருவாக்குவோம்.ஆட்சியில் இருந்தபோது தோல்வியடைந்த கட்சி, தற்போது எதிர்க்கட்சியாகவும் தோல்விஅடைந்துள்ளது. நம் அரசின் பணிகள், சாதனைகள் குறித்து பேச முடியாது என்பதால், பொய்யான தகவல்களை முன்வைத்து, எதிர்க்கட்சிகள் போராட்டங்களை நடத்துகின்றன. நாட்டில், 48 ஆண்டுகள் ஆட்சியில் இருந்தபோது, அவர்கள் செய்த பணிகளை, 48 மாதங்களில் நாம் செய்த பணிகளுடன் ஒப்பிட்டு பார்த்தால், யார் உண்மையில் மக்களுக்காக உழைத்துள்ளனர் என்பது தெரியவரும். சரியான, நிலையான தலைமை இல்லாத, எந்த ஒரு கொள்கையும் இல்லாத, தவறான நோக்கத்துடன் கூடியதாக எதிர்க்கட்சிகளின் கூட்டணி உள்ளது. நம் வளர்ச்சியை தாங்க முடியாமல், நம்மை எதிர்க்க வேண்டும் என்ற ஒரே நோக்கத்துடன், அவர்கள் தற்போதைக்கு இணைந்துள்ளனர். இவ்வாறு அவர் பேசினார்.

பா.ஜ., ஆட்சி தான் :

பா.ஜ., தேசிய தலைவர் அமித் ஷா பேசியதாவது:பா.ஜ., அரசின் செயல்பாடுகளால், பல கோடி பேர் பயனடைந்துள்ளனர். அதை மக்களிடம் தெரிவிக்க வேண்டும்

Advertisement

. அடுத்த லோக்சபா தேர்தலிலும், பா.ஜ., தான் ஆட்சி அமைக்கும். அதன்பின், 50 ஆண்டுகளுக்கு நம் ஆட்சியை யாராலும் அசைக்க முடியாது.இவ்வாறு அவர் பேசினார்.

தமிழகத்தை பின்பற்றுங்கள் :

பா.ஜ., தேசிய செயற்குழு கூட்டத்தில், பிரதமர் நரேந்திர மோடி மற்றும் பா.ஜ., தலைவர் அமித் ஷா பேசியது குறித்து, தமிழக, பா.ஜ., தலைவர் தமிழிசை சவுந்தரராஜன் கூறியதாவது: சமீபத்தில், அமித் ஷா தமிழகத்துக்கு வந்தார். அப்போது, கட்சியில் அமைக்கப்பட்டுள்ள, 1.5 லட்சம் பூத் கமிட்டி நிர்வாகிகளை சந்தித்து பேசினார். மத்திய அரசின் செயல்பாடுகள் குறித்து, மக்களிடையே செய்யப்படும் பிரசாரம் குறித்து, அவர் மகிழ்ச்சி தெரிவித்தார். தமிழகத்தைப் போலவே, அனைத்து மாநிலங்களும் செயல்பட வேண்டும் என, மோடியும், அமித் ஷாவும் செயற்குழுவில் கூறினர். இவ்வாறு அவர் கூறினார்.- நமது சிறப்பு நிருபர் -


Advertisement

வாசகர் கருத்து (78)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
P R Srinivasan - Abu Dhabi,ஐக்கிய அரபு நாடுகள்
14-செப்-201807:24:34 IST Report Abuse

P R Srinivasanபலமான இந்தியா என்றால் ஒன்றுபட்ட இந்தியாவாகத்தான் இருக்க முடியும். ஒன்றுபட்ட இந்தியாவிற்கு ஊழலின்மை, நிர்வாகத்தில் வெளிப்படைத்தன்மை, இவற்றுடன் பெரும்பான்மை மக்களின் ஆதரவு என்கிற மூன்றும் இருந்தால் ஒரு கட்சி சிறப்பாக வெற்றியடையும். இதைத்தான் பாஜக குறிவைக்கிறது. ஆனால் பெரும்பான்மை மக்களின் ஆதரவு அரசின் கொள்கையையும், மக்களின் எளிதான வாழ்க்கை முறையை ஊக்குவிக்க அரசின் திட்டங்களும் உதவி செய்யும். ஆனால் இப்போது பெட்ரோல் டீசல் விலை மக்களை அச்சுறுத்துகிறது. எப்படி வெங்காயத்தால் டெல்லியை இழந்ததோ அவ்வாறு பெட்ரோல் டீசலால் இழக்கும் வாய்ப்பு அதிகம். ஆனால் ஒரு சாதகமான விஷயம், திரு மோடியின் தலைமை. அவரது தலைமைக்கு சமமான தலைமை எதிர்கட்சிகளிடம் இல்லாமல் இருப்பது பாஜவிற்கு சாதகம்.

Rate this:
hafeezur - Chennai,இந்தியா
10-செப்-201818:47:19 IST Report Abuse

hafeezurஇந்த நாட்டை 60 வருஷம் ஆட்சி செய்த காங்கிரஸ் கட்சி உச்சநீதிமன்றம் எங்களுடையதுதான் என்று சொல்ல துணிந்ததில்லை.60 வருஷம் ஆண்டவர்கள் இந்த அளவுக்கு ஆட்டம் போடவில்லை.

Rate this:
Malick Raja - jeddah,சவுதி அரேபியா
10-செப்-201818:06:07 IST Report Abuse

Malick Rajaரொம்ப சரியாக உண்மையை சொன்னார்கள் ..அதாவது உண்மைகளும் அவர்களது வாய் மூலமாக வாய்ஸ் ஆக வெளிவரும் உண்மையை மறைக்கவே முடியாது . தமிழகத்தை போல பின்பற்ற அணைத்து மாநிலங்களுக்கும் அறிவுரை நிச்சயம் பின்பற்றி 2019.தேர்தல் முடிவில் பார்க்கலாம் . இந்த பதிவை அனைவரும் பிரதியாக வைத்து 2019.தேர்தல் முடிவில் சரிபார்த்து அதன் பின்பு கருத்துக்களை பதிய வேண்டுகிறேன் ..

Rate this:
மேலும் 75 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X