போலி சாமியார் ஆசாராம் கவர்னருக்கு கருணை மனு| Dinamalar

போலி சாமியார் ஆசாராம் கவர்னருக்கு கருணை மனு

Added : செப் 11, 2018 | கருத்துகள் (18)
Advertisement
போலி சாமியார்,ஆசாராம்,Governor,ஆளுநர்,கவர்னர்,கருணை மனு

ஜோத்பூர் : சிறுமியை பலாத்காரம் செய்த வழக்கில், ஆயுள் தண்டனை விதிக்கப்பட்டுள்ள, போலி சாமியார் ஆசாராம் பாபு, கவர்னருக்கு கருணை மனு அனுப்பியுள்ளார்.

ராஜஸ்தான், உத்தரப் பிரதேசம், மத்தியப் பிரதேசம் ஆகிய மாநிலங்களில் ஆசிரமம் நடத்தி வந்தவர், ஆசாராம் பாபு, 77. கடந்த, 2013ல், ராஜஸ்தான் மாநிலம், ஜோத்பூர் அருகேயுள்ள ஆசிரமத்தில், 16 வயது சிறுமியை பாலியல் பலாத்காரம் செய்தான். இந்த வழக்கில், கைது செய்யப்பட்டு, ஜோத்பூர் சிறையில் அடைக்கப்பட்டுள்ளார். இந்த வழக்கில், ஆசாராம் பாபுவுக்கு, ஆயுள் தண்டனை விதிக்கப்பட்டது.

இந்த தீர்ப்பை எதிர்த்து, உயர் நீதிமன்றத்தில் மேல்முறையீட்டு மனு தாக்கல் செய்தார். அந்த மனு, இன்னும் விசாரணைக்கு ஏற்கப்படவில்லை.

இந்நிலையில், ராஜஸ்தான் கவர்னர், கல்யாண் சிங்கிற்கு, போலி சாமியார் ஆசாராம் அனுப்பியுள்ள மனுவில், 'என் வயது மற்றும் உடல் நிலைக்கு, ஆயுள் தண்டனை என்பது, மிக அதிகபட்ச தண்டனை. எனவே, எனக்கு கருணை காட்டி, தண்டனையை குறைக்க வேண்டும்' என, கூறியுள்ளார்.

இதையடுத்து, ஆசாராம் வழக்கு தொடர்பான முழுமையான விபரம் அடங்கிய அறிக்கையை தாக்கல் செய்யும்படி, மாநில உள்துறை செயலருக்கு, கவர்னர் கல்யாண் சிங் உத்தரவிட்டுள்ளார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X