36 பிரேத பரிசோதனை செய்த போலி டாக்டர்| Dinamalar

பொது செய்தி

இந்தியா

36 பிரேத பரிசோதனை செய்த போலி டாக்டர்

Added : செப் 12, 2018 | கருத்துகள் (24)
Advertisement
கர்நாடகா போலி டாக்டர், பிரேத பரிசோதனை, விகாஸ்,  அரசு மருத்துவமனை, டாக்டர் விகாஸ் பாட்டீல் , விகாஸ் பிஎஸ்சி நர்சிங், 
Karnataka Fake Doctor, Postmortem, Vikas, Government Hospital, Dr. Vikas Patil, Vikas Bsc Nursing,

பெங்களூரு: கர்நாடக மாநிலத்தில், அரசு மருத்துவமனைகளில் 36 பிரேத பரிசோதனை செய்த போலி டாக்டர் சிக்கியுள்ளார்.


கர்நாடக மாநிலம், பாகல்கோடு மாவட்டம், முத்ஹோல் என்ற பகுதியை சேர்ந்தவர் விகாஸ். இவர் கடந்த இரண்டரை ஆண்டுகளாக கடாக் மற்றும் சித்ரதுர்கா மாவட்டங்களில் உள்ள மூன்று அரசு மருத்துவமனைகளில், 36 பிரேத பரிசோதனை செய்துள்ளார். விகாஸ், பி.எஸ்சி., நர்சிங் படித்தவர். ஆனால், டாக்டர் விகாஸ் பாட்டீல் என்பவரின் சான்றிதழில் தனது போட்டோவை ஒட்டி, தான் ஒரு டாக்டர் என கூறி அரசு மருத்துவமனைகளில் பணியாற்றி உள்ளார்.

சமீபத்தில் தான் அவரை பற்றிய உண்மை தெரிய வந்தது. மாநில சுகாதாரம் மற்றும் குடும்ப நலத்துறையினர் அளித்த புகாரின் பேரில் போலீசார், விகாசை பிடித்து விசாரணை நடத்தி வருகின்றனர். போலீசாரிடம் விகாஸ் கூறுகையில்,' என்னால் மற்ற டாக்டர்களை போல மக்களுக்கு சிகிச்சை அளிக்க முடியும். ஆனால், நான் பி.எஸ்சி., நர்சிங் படித்து இருந்ததால் தாழ்வு மனப்பான்மை தோன்றியது. எனவே தான் டாக்டர் என கூறி தொடங்கினேன்' என்றார்.


Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X