மல்லையாவை சந்தித்தேனா? ஜெட்லி மறுப்பு| Dinamalar

பொது செய்தி

இந்தியா

மல்லையாவை சந்தித்தேனா? ஜெட்லி மறுப்பு

Added : செப் 12, 2018 | கருத்துகள் (8)
Advertisement
Arun Jaitley,BJP,Vijay Mallya,அருண் ஜெட்லி, பா.ஜ,மல்லையா,விஜய் மல்லையா

புதுடில்லி : லண்டன் செல்வதற்கு முன் தன்னை சந்தித்ததாக மல்லையா கூறியதை அருண் ஜெட்லி மறுத்துள்ளார்.
ரூ.9 ஆயிரம் கோடி கடன் மோசடியில், இந்தியாவுக்கு நாடு கடத்தும் வழக்கு தொடர்பாக விஜய் மல்லையா, லண்டன் கோர்ட்டில் ஆஜரானார். அப்போது கடனை திருப்பி கொடுப்பது தொடர்பாக நிதியமைச்சர் அருண் ஜெட்லியை சந்தித்ததாக கூறினார். இதனை அருண் ஜெட்லி மறுத்துள்ளார்.

இதுகுறித்து அமைச்சர் ஜெட்லி வெளியிட்டுள்ள அறிக்கை: என்னை சந்தித்தாக மல்லையா கூறியது உண்மைக்கு புறம்பானது. 2014ம் ஆண்டு முதல் தற்போது வரை மல்லையாவை சந்திக்க நான் எந்த அனுமதியும் வழங்கவில்லை. தனிப்பட்ட முறையில் அவரை சந்திக்கவே இல்லை. அவர் ராஜ்யசபா உறுப்பினராக இருந்ததால், பார்லியில் அவரை சந்தித்ததுண்டு.

பிரச்னைக்கு தீர்வு காண தனக்கு உதவுமாறு பார்லி., வளாகத்தில் என்னிடம் ஒருமுறை உதவிகோரினார். தன்னை அணுகுவதை விட வங்கியை அணுகுமாறு அவருக்கு அறிவுறித்தினேன். ராஜ்யசபா எம்.பி., பதவியை மல்லையா தவறாக பயன்படுத்தியுள்ளார். இவ்வாறு அவர் அறிக்கையில் தெரிவித்துள்ளார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X