50 ஆண்டுகளுக்கு பா.ஜ.,வை அசைக்க முடியாது: தமிழிசை| Dinamalar

அரசியல் செய்தி

தமிழ்நாடு

50 ஆண்டுகளுக்கு பா.ஜ.,வை அசைக்க முடியாது: தமிழிசை

Added : செப் 12, 2018 | கருத்துகள் (18)
Advertisement
50 ஆண்டுகளுக்கு பா.ஜ.,வை அசைக்க முடியாது: தமிழிசை

சென்னை: ''தாமிரபரணியில் புஷ் கரம் விழா நடக்க, பா.ஜ., முழு ஒத்துழைப்பு அளிக்கும்,'' என, தமிழக, பா.ஜ., தலைவர் தமிழிசை கூறினார்.

சென்னை விமான நிலையத்தில், அவர் அளித்த பேட்டி:முந்தைய காங்கிரஸ் ஆட்சியை விட, ௪௮ மாத, பா.ஜ., ஆட்சி, நாட்டை முன்னேற செய்திருக்கிறது. காங்கிரசார், பல தவறான புள்ளி விபரங் களை கொடுத்து, தொடர்ந்து, மக்களை ஏமாற்றி வருகின்றனர். மக்கள், அவர்கள் பக்கம் இல்லை என்பதை, அவர்கள் நடத்திய, 'பந்த்' தோல்வி காட்டுகிறது.பெட்ரோல், டீசல் விலையை குறைக்க, மத்திய அரசு, உரிய நடவடிக்கைகளை எடுத்து வருகிறது. நாங்கள் தற்போது, மக்களுடன் தான் கூட்டணி வைத்துஉள்ளோம்.
போராட்டம் ; இன்னும் ஆட்சிக்கே வராத ஸ்டாலின், முதலில், தன் கட்சியை காப்பாற்றட்டும். நாட்டில், 22மாநிலங்களில், ஆட்சியில் உள்ள, பா.ஜ.,வை, இன்னும்,50 ஆண்டுகளுக்கு, யாரும் அசைக்க முடியாது. சென்னை - சேலம் எட்டு வழிச்சாலை குறித்த தெளிவான அறிக்கையை, மத்திய அரசு, இணையதளத்தில் வெளியிட்டுஉள்ளது. எந்த அரசிற்கும், மரங்களை வெட்டுவது நோக்கமல்ல. தமிழகத்தில், எந்த முன்னேற்ற மும் நடந்துவிடக் கூடாது என்ற நோக்கத்தில், சிலர் போராட்டத்தை நடத்தி வருகின்றனர். திருநெல்வேலி, தாமிரபரணியில், புஷ்கரம் விழா நடக்க, ம.தி.மு.க., கம்யூனிஸ்ட்கள் எதிர்ப்பு தெரிவிக்கின்றனர்.
ஒத்துழைப்பு : இந்த விழா, ஹிந்து மதம் சார்ந்தது மட்டுமல்ல; நாட்டின் இயற்கை வழிபாட்டோடு சம்பந்தப்பட்டது. யார் தடுத்தாலும், தாமிரபரணியில் புஷ்கரம் விழா நடக்கும். அதற்கு, பா.ஜ., முழு ஒத்துழைப்பு அளிக்கும்.இவ்வாறு, அவர் கூறினார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X