சீன நீர்மூழ்கி கப்பலை சமாளிக்க இந்திய ராணுவம் தயார்: அமெரிக்காவிடம் 24 ஹெலிகாப்டர் வாங்க திட்டம் Dinamalar

பொது செய்தி

இந்தியா

பதிவு செய்த நாள் :
தயார்!
சீன நீர்மூழ்கி கப்பலை சமாளிக்க இந்தியா...
அமெரிக்காவிடம் 24 ஹெலிகாப்டர் வாங்க திட்டம்

புதுடில்லி:ரஷ்யாவிடம் இருந்து, எஸ் - 400 ரக ஏவுகணைகளை, இந்தியா வாங்குவது தொடர்பாக, அமெரிக்காவின் நிலை தெளிவாகாத நிலையில், அதனிடம் இருந்து, 13 ஆயிரத்து, 500 கோடி ரூபாய் மதிப்பில், 24 ஹெலிகாப்டர்களை வாங்க, மத்திய அரசு முடிவு செய்துள்ளது.

 தயார், சீன நீர்மூழ்கி கப்பல், இந்திய ராணுவம், அமெரிக்கா,  ஹெலிகாப்டர்

இந்த ஹெலிகாப்டர்கள், இந்திய பெருங் கடலில், சீன நீர் மூழ்கிகப்பல்களை சமாளிக்க உதவும் என கூறப்படுகிறது. அமெரிக்காவில், 2016ல் நடந்த அதிபர் தேர்தலில், ரஷ்யா மறை முகமாக தலையிட்டதாக எழுந்த புகார்களை அடுத்து, அது தொடர்பாக, அமெரிக்காவில் காரசார விவாதங்கள் எழுந்தன.இதை தொடர்ந்து, ரஷ்யா மீது பல்வேறு தடைகளை, அமெரிக்கா விதித்தது.


ஒப்பந்தம்



அதன் தொடர்ச்சியாக, ரஷ்யாவை, பொருளா தார ரீதியில் வலுவிழக்கச் செய்யும் நோக்கில், அதனிடம் இருந்து ஆயுதங்கள் வாங்கும் நாடுகள் மீதும், பல்வேறு தடைகள் விதிக்கப் படும் என, அமெரிக்க அரசு எச்சரித்தது.


இந்த எச்சரிக்கையை மீறி, ரஷ்யாவிடம் இருந்து, அதிநவீன, எஸ் - 400 வகை ஏவுக ணைகள் மற்றும் அதை செலுத்த தேவையான தளவாடங்கள் மற்றும் கருவிகள் தொகுப்பை,

பல ஆயிரம் கோடி ரூபாய் மதிப்பில் வாங்க, இந்தியா ஒப்பந்தம் செய்தது.

அதேபோல், 'ஈரானிடம் இருந்து, எண்ணெய் வாங்கு வதை நிறுத்த வேண்டும்' என, அமெரிக்கா விதித்த நிபந்தனையை மீறி, ஈரானிடம் இருந்து, வழக்கம் போல், எண்ணெய் இறக்கு மதியை, இந்தியா செய்து வருகிறது.இதற்கிடையே, ரஷ்யாவிடம் இருந்து ஆயுதங்கள் வாங்க, 'காட்ஸா' எனப்படும், அமெரிக்காவுக்கு எதிரான நாடுகளை, தடைகள் மூலம் எதிர்கொள்ளும்சட்டத்தில் இருந்து விலக்கு அளிக்கும்படி, இந்திய தரப்பில் வேண்டுகோள் விடுக்கப் பட்டது.

அமெரிக்க ராணுவ அமைச்சர் ஜிம் மாட்டிஸ், வெளியுறவு அமைச்சர் மைக் பாம்பியோ ஆகி யோரிடம், இந்தியாவுக்கு விலக்கு அளிக்கும்படி வலியுறுத்தப்பட்டது. இந்த விஷயத்தில், அமெரிக்க அரசின் நிலை என்ன என்பது இதுவரை தெளிவாக வில்லை. இதில், இறுதி முடிவை, அமெரிக்க அதிபர் டொனால்டு டிரம்ப் எடுப்பார் என கூறப்படுகிறது.

'ரஷ்யாவிடம் இருந்து ஆயுதங்கள் வாங்குவதை படிப்படியாக இந்தியா நிறுத்திக் கொள்ள வேண்டும்' என, டிரம்ப் விரும்புவதாக தகவல்கள் கூறுகின்றன. இந்நிலையில், அமெரிக்காவிடம் இருந்து,ரூ. 13 ஆயிரத்து, 500 கோடி மதிப்பில், நவீன ஹெலிகாப் டர் கள் வாங்க, மத்திய அரசு முடிவு செய்துள்ளது.

அதிநவீன ஏவுகணைஅமெரிக்காவிடம் இருந்து, எம்எச் - 60 ரக ஹெலிகாப்டர்கள், 24, அவற்றுடன், நீர்மூழ்கிகப்பல்கள் மீது தாக்குதல் நடத்த வல்ல, அதிநவீன ஏவுகணைகளை வாங்குவதற்கான விருப்ப கடிதத்தை,அமெரிக்க அரசிடம், மத்திய அரசு தந்துள்ளதாக தகவல்கள் கூறுகின்றன.

இந்த ஹெலிகாப்டர்கள், 2020 - 2024ம் ஆண்டுக் குள், இந்திய கடற்படைக்கு, 'சப்ளை' செய்யப் படும் என

Advertisement

தெரிகிறது.இந்திய பெருங் கடலில்,சீனாவின் அணுசக்தி மற்றும் டீசல் - எலக்ட்ரிக் சக்தியால் இயங்கும் நீர்மூழ்கி கப்பல்கள் இயங்கி வரும் நிலையில், அவற்றை எதிர் கொள்ள, அமெரிக் காவின் நவீன ஹெலிகாப் டர்கள் உதவும் என, ராணுவ வட்டாரங்கள் கூறுகின்றன.

சிறப்பு திட்டம் மூலம் ஹெலிகாப்டர் விற்பனை



அமெரிக்காவிடம் இந்தியா வாங்க திட்டமிட்டு உள்ள, எம்எச் - 60 ரக ஹெலிகாப்டர்கள், ஸிகோர்ஸ்கி - லாக்ஹீட் மார்டின் நிறுவனத் தால் தயாரிக்கப்படுகின்றன. இந்த வகை ஹெலிகாப்டர்கள், எப்.எம்.எஸ்., எனப்படும், வெளிநாட்டு ராணுவங்களுக்கான சிறப்பு திட்டம் மூலம், பிற நாடுகளுக்கு விற்கப்பட்டு வருகின்றன.

கடந்த, 2007 முதல், 1.25 லட்சம் கோடி ரூபாய் மதிப்பில், இந்த வகை ஹெலிகாப்டர்களை அமெரிக்கா, பிற நாடுகளுக்கு விற்றுள்ளது. இதற்கு முன், சி - 130ஜே - சூப்பர் ஹெர்குலஸ் போர் விமானங்கள், எம் 777 அல்ட்ராலைட் போர் விமானங்கள் போன்றவற்றை, எப்.எம். எஸ்., முறையில், அமெரிக்காவிடம் இருந்து, இந்தியா வாங்கியுள்ளது குறிப்பிடத்தக்கது.


Advertisement

வாசகர் கருத்து (30)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
18-நவ-201820:57:15 IST Report Abuse

ஆப்புமாலத் தீவும் இந்தியா மேல கோவமா இருக்கு. அங்கேருந்து இந்திய ராணுவத்திற்கு வில், அம்பு மேக் இன் இந்தியா திட்டத்தின் கீழ் வாங்குவோம்.

Rate this:
18-நவ-201820:43:31 IST Report Abuse

ஆப்புஅச்சே தின் ஆனே வாலே ஹைன்...ரஷ்யாவிடம் 40000 கோடிக்கு ஏவுகணை, அமெரிக்காவிடம் 13500 கோடிக்கு ஹெலிகாப்டர் வாங்கி ரெண்டு பேரையும் எறங்கி அடிச்சுட்டோம் ஹைன்...ஃப்ரான்சிடம் விமானம் வாங்கியதால் ஜெர்மனி, இங்கிலாந்து , இட்டாலி எல்லாம் காண்டா இருக்குது...அவிங்க கிட்டே ஒரு 10000 கோடிக்கு ஏதாவது வாங்கி இறங்கி அடிப்போம் ஹைன்...பொறவு இஸ்ரேல்,மொரீஷியஸ், சுவிட்சர்லாந்து, மாலத்தீவு, நேபாள், இலங்கை, பாகிஸ்தான் போன்ற நாடுகளின் கோவத்தை தணிக்க ஏதாவது கத்தி, சு த்தி போன்ற தளவாடங்கள் வாங்கி மேக் இன் இந்தியா திட்டத்தை வளர்ப்போம் ஹைன்...சினாவுக்கு சிலைகள் காண்டிராக்ட் ஏற்கனவே குடுத்தாச்சு ஹைன். மோடிஜியின் அகில உலக லோக் கல்யாண் யோஜனா மூலம் 1000 கோடி பேர் பயனடைவார்கள் நு ஜெட்டிலி உலக வங்கி சொல்றதா சொன்னதை நம்புங்க ஹைன்

Rate this:
sankar - london,யுனைடெட் கிங்டம்
18-நவ-201814:31:55 IST Report Abuse

sankarஎஸ் 400 ஏவுகணைகளை ரஷ்யாவிடம் வாங்கியதில் அமெரிக்காவின் கோபத்தை போக்க .... இதோ உங்க கிட்டையும் " யாவாரம் " பண்ணிடோமுல்ல.... என்ற சமாதானமே தவிர ... உண்மையில் சீனாவை சமாளிக்க என்பது வெறும் கட்டுக்கதையே ..... வளரும் நாடுகள் குறிப்பாக இந்தியாவும் , சீனாவும் சண்டையிட்டுக் கொள்ளும் அளவிற்கு முட்டாள்கள் இல்லை . எந்த ஒரு வலிமையான நாடும் போர் என வந்துவிட்டால் அதன் வளர்ச்சியில் சுமார் 10 ஆண்டுகளாவது பின்தங்கிவிடும் பொருளாதாரத்தில் ......சுதந்திர காலத்தில் இருந்து பாகிஸ்தானை காரணம் காட்டி உலக நாடுகள் தங்கள் ஆயுத வியாபாரத்தை நடத்தி வந்தது ... இனி பாகிஸ்தான் ஒரு பொருட்டு அல்ல .. எனவே சீனா பூச்ச்சாண்டி அவ்வளவே ..

Rate this:
மேலும் 27 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X