கைத்தறி நெசவாளர்களுக்கு "கை' கொடுப்பார்களா: தொடரும் புறக்கணிப்பால் அதிருப்தி| Dinamalar

பொது செய்தி

தமிழ்நாடு

கைத்தறி நெசவாளர்களுக்கு "கை' கொடுப்பார்களா: தொடரும் புறக்கணிப்பால் அதிருப்தி

Added : ஏப் 01, 2011
Advertisement
 
 
Advertisement
 
 
 
Advertisement

பொள்ளாச்சி : நெசவாளர்களின் பிரச்னைகள் குறித்து, அரசுகள் கண்டு கொள்ளாததால், இத்தொழிலில் ஈடுபட்டுள்ளோர், அதிருப்தியடைந்துள்ளனர்.


தமிழகத்தில், காஞ்சிபுரம், ஈரோடு, சேலம், அருப்புக்கோட்டை, பழநி, திண்டுக்கல், ராமநாதபுரம், காரைக்குடி, கோவை, சிறுமுகை உட்பட பகுதிகளில், கைத்தறி நெசவுத் தொழில் பிரதானமாக உள்ளது.தொழிலை மேம்படுத்த, நெசவாளர்கள் தரப்பில், அரசுக்கு பல கோரிக்கைகள் வைக்கப்பட்டும், இதுவரை நடவடிக்கை எடுக்கவில்லை. கைத்தறி நெசவாளர்களுக்காக, அரசால் அறிவிக்கப்படும் திட்டங்கள், உரிய காலத்தில் நடைமுறைப்படுத்தாததால், வெறும் அறிவிப்புகளாக மட்டுமே உள்ளன என, நெசவாளர்கள் கவலை தெரிவிக்கின்றனர்.கூட்டுறவு சங்கங்களிலிருந்து பெற்ற கடனை, முழுமையாக தள்ளுபடி செய்ய வேண்டும் என்பது, நெசவாளர்களின் கோரிக்கைகளுள் ஒன்று. இதற்கு ஏதுவாக, மத்திய பட்ஜெட்டில், கைத்தறி நெசவு கூட்டுறவு சங்க கடன் தள்ளுபடி செய்வதாக அறிவிக்கப்பட்டது. இந்த அறிவிப்பு, உடனடியாக நடைமுறைக்கு வந்தால் மட்டுமே, நெசவாளர்கள் பயனடைய முடியும் என்ற நிலையுள்ளது.முக்கிய கோரிக்கைகள்: கைத்தறி தொழிலை மேம்படுத்த, இலவச மின்சாரம் வழங்க வேண்டும்; நெசவாளர்களுக்கான கூலியை ஒரே சீராக நிர்ணயிக்க, மத்திய, மாநில அரசுகள் நடவடிக்கை எடுக்க வேண்டும்; போனஸ் வழங்க வேண்டும்; கோ-ஆப்டெக்சை மேம்படுத்தி, நெசவாளர்கள் விற்பனை செய்யும் கைத்தறிகளுக்கு, உடனுக்குடன் பணம் பட்டுவாடா செய்ய வேண்டும்; நூல்களின் விலையை கட்டுப்படுத்த நடவடிக்கை எடுக்க வேண்டும் என்பது, இவர்களின் முக்கிய கோரிக்கைகளாக உள்ளன.


மாற்றுத் தொழிலில் 50 சதவீதம்! கைத்தறி நெசவாளர் சங்க, கோவை மாவட்ட முன்னாள் துணைத் தலைவர் சிவலிங்கம் கூறியதாவது:மத்தியிலும், மாநிலத்திலும் ஆட்சி அமைக்கும் அரசுகளிடம், கைத்தறி நெசவாளர்களின் கோரிக்கைகள் வலியுறுத்தப்படுகிறது; செவி மடுக்காததால், நெசவாளர்கள் பாதிக்கப்பட்டுள்ளனர். கூட்டுறவு சங்க கடனை முழுமையாக தள்ளுபடி செய்தால், சங்கங்கள் மீண்டும் உயிர் பெறும். கைத்தறி நெசவை மட்டும் நம்பியுள்ள மக்களின் வாழ்க்கையும் மேம்படும். தொழில் நலிவடைந்ததால், கடந்த ஐந்து ஆண்டுகளில் மட்டும், 50 சதவீதம் பேர், மாற்றுத் தொழிலுக்கு சென்றுள்ளனர்.
அறிவிக்கப்படும் சலுகைகள், முறையாக வந்திருந்தால், நெசவாளர்களின் குடும்பம் மேம்பட்டிருக்கும். நெசவாளர்களின் வாழ்க்கை புத்துயிர் பெற, மத்திய, மாநில அரசுகள் நடவடிக்கை எடுக்க வேண்டும்.
இவ்வாறு, சிவலிங்கம் தெரிவித்தார்.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை