DISTRICT NEWS | புது பஸ் ஸ்டாண்ட் செயல்பாடு குறித்து அதிருப்தி | Dinamalar

தமிழ்நாடு

புது பஸ் ஸ்டாண்ட் செயல்பாடு குறித்து அதிருப்தி

Added : ஜூன் 18, 2012
Advertisement
 
 
Advertisement
 
 
 
Advertisement

ஸ்ரீவில்லிபுத்தூர்:ஸ்ரீவில்லிபுத்தூரில் புது பஸ் ஸ்டாண்ட் பிரச்னையை கண்டு கொள்ளாமல், மக்கள் பிரதிநிதிகள் அலட்சியம் காட்டுவதால், ஸ்ரீவி., மக்கள் அதிருப்தியில் உள்ளனர்.ஸ்ரீவில்லிபுத்தூரிலிருந்து சிவகாசி,ராஜபாளையம், வத்திராயிருப்பு, சாத்தூர், மதுரை, திருநெல்வேலி உள்ளிட்ட பல ஊர்களுக்கு பஸ்கள் இயக்கப்படுகின்றன. இந்த பஸ்கள் தற்போதய அண்ணா பஸ் ஸ்டாண்டிலிருந்து செல்கிறது. தினம் ஏராளமான பஸ்கள் வந்து செல்வதால் ,ராஜாஜிரோடு, ஆத்துக்கடை தெரு கடும் போக்குவரத்து நெருக்கடியில் தவிக்கிறது. பஸ் ஸ்டாண்ட் நுழையும் இடம் எதிரே, அரசு ஆஸ்பத்திரி வரும் நோயாளிகள் போக்குவரத்து நெருக்கடியில் சிக்கும் நிலை தொடர்கிறது. இதை கருத்தில் கொண்டு, பல ஆண்டுகளுக்கு முன், ஸ்ரீவி.,யில் புது பஸ் ஸ்டாண்ட் கட்ட நகராட்சியில் தீர்மானம் நிறைவேற்றப்பட்டது. மதுரை ரோட்டில் மீனாட்சிபுரம் விலக்கு அருகே, சிவகாசி ரோட்டில் செங்குளம் கண்மாயில் இடம் தேர்வு செய்ய முடிவு செய்யப்பட்டது. ஆனால் அதன்பின், இது வரை எவ்வித முயற்சி இன்றி கிணற்றில் போட்ட கல்லாகவே உள்ளது புதுபஸ்ஸ்டாண்ட்.

இதன் பிரச்னை கூட, கடந்த சட்டசபை தேர்தலின் போது, கட்சியினரின் முக்கிய பிரசாரமாக இருந்தது. ஆனால் இதன்பின் நடந்த நகராட்சி தேர்தலில், இதன் பிரச்னையை ஏனோ கட்சியினர் கண்டுகெள்ளவிலை. சட்டசபை தேர்தலின் போது முக்கிய பிரசாரமாக கருதப்பட்ட இதை , எம்.எல்.ஏ.,வாக பொன்னுபாண்டியன் தேர்வாகியும் , எவ்வித நடவடிக்கையும் எடுத்ததாக தெரியவில்லை. தற்போதய நகராட்சி தலைவரும், நகரின் போக்குவரத்து நெருக்கடியை நன்கு உணர்ந்தும் , இது தெடர்பான எந்த முயற்சியும் மேற்கொள்ளவில்லை. மக்கள் பிரதிநிதிகள் ஒரு சிலரை திருப்திபடுத்தவே, புதுபஸ் ஸ்டாண்ட் பிரச்னையை கண்டுகொள்ளாமல் உள்ளதாக மக்கள் குற்றம் சாட்டுகின்றனர். புது பஸ் ஸ்டாண்ட் பிரச்னையில் நகர்வாதிகள் மத்தியில் அமோக வரவேற்பு இருந்தும், ஒரு சிலரது சுயநலத்துக்காக, இதை எம்.எல்.ஏ., நகராட்சி தலைவரும் கண்டு கொள்ளாதது, இவர்கள் மீது மக்கள் மத்தியில் கடும் அதிருப்தி ஏற்பட்டுள்ளது. மக்கள் அதிருப்தியிலிருந்து மீள, இதன் மீது கவனம் கொண்டு, போக்குவரத்து நெருக்கடியை தீர்க்கும் வகையில், புது பஸ் ஸ்டாண்ட் திட்டத்தை செயல்படுத்திட எம்.எல்.ஏ.,மற்றும் நகராட்சி தலைவர் முன்வர வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை