DISTRICT NEWS | தேனி நிலத்திற்கு போலி ஆவணம் வங்கி அதிகாரிகளுக்கும் தொடர்பு| Dinamalar

தமிழ்நாடு

தேனி நிலத்திற்கு போலி ஆவணம் வங்கி அதிகாரிகளுக்கும் தொடர்பு

Added : ஜூன் 18, 2012
Advertisement
 
 
Advertisement
 
 
 
Advertisement

மூணாறு:தேனியில் உள்ள நிலத்திற்கு போலி ஆவணங்கள் தயாரித்து,மூணாறு வங்கியில் ரூ,50 லட்சம் கடன் பெற்று மோசடி செய்த வழக்கில், வங்கி அதிகாரிகளுக்கும் தொடர்புள்ளது தெரியவந்துள்ளது. தேனியைச் சேர்ந்தவர் சங்கரய்யர்.இவர் தேனியில் உள்ள நிலத்திற்கு போலி ஆவணங்கள் தயாரித்து,மூணாறு ஸ்டேட் பாங்க் ஆப் திருவிதாங்கூர் கிளையில் கடந்த 2006ல் ரூ.50 லட்சம் கடன் பெற்றார். இதற்கு உடந்தையாக இருந்த தேனி கே.ஆர்.ஆர். நகரைச் சேர்ந்த சுரேஷ்,பங்களாமேட்டைச் சேர்ந்த ஜெயமணி, ஆகியோரை கடந்த 29ல் மூணாறு போலீசார் கைது செய்தனர்.சங்கரய்யர் தலைமறைவாக உள்ளார்.

போலி முத்திரை: சங்கரய்யருக்குச் சொந்தமாக கிராம பகுதியில் உள்ள நிலத்திற்கு,தேசிய நெடுஞ்சாலையில் நிலம் உள்ளதாக போலி ஆவணங்களுடன், தேனி சப் ரிஜிஸ்டர் அலுவலகத்தில் பதிவு செய்து,வங்கியில் கடன் பெற்றுள்ளனர்.இதற்காக சங்கரய்யர் போலி முத்திரைகள் தயார் செய்தது தெரிய வந்துள்ளது.அதிகாரிகளுக்கு தொடர்பு: தமிழகத்தில் உள்ள நிலத்திற்கு, மூணாறு வங்கி கிளையில் கடன் வழங்கியதில் அதிகாரிகளின் தொடர்பு குறித்து இன்ஸ்பெக்டர் மோகனன் தலைமையிலான போலீசார் விசாரித்து வருகின்றனர்.வங்கி கிளை நிர்வாகத்திற்கு அதிக பட்சம் ரூ,10 லட்சம் வரை நேரடியாக கடன் வழங்க அனுமதியுண்டு.
கூடுதலாக கடன் வழங்குவதற்கு தலைமை அலுவலகத்தில் ஒப்புதல் பெற வேண்டும். வங்கியின் தலைமை அலுவலகத்தில் கடன் வழங்கப்பட்ட போது பணியாற்றிய சில அதிகாரிகளிடமும் போலீசார் விசாரணை நடத்தினர்.முதல் கட்ட விசாரணையில் மோசடியில் நில மதிப்பீட்டாளர் மற்றும் வங்கியின் உதவி பொது மேளாளர் ஆகியோருக்கு தொடர்புள்ளது, தெரிய வந்துள்ளதாக போலீசார் தெரிவித்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை