harbour joint road will come soon | துறைமுக இணைப்புச் சாலை விரிவாக்கம் குறித்த காலத்திற்குள் முடியும்| Dinamalar

அரசியல் செய்தி

தமிழ்நாடு

துறைமுக இணைப்புச் சாலை விரிவாக்கம் குறித்த காலத்திற்குள் முடியும்

Added : ஜூன் 19, 2012
Advertisement
துறைமுக இணைப்புச் சாலை விரிவாக்கம் குறித்த காலத்திற்குள் முடியும்

சென்னை : ""சென்னை - எண்ணூர் துறைமுக இணைப்புச் சாலைப் பணிகள், திட்டமிட்டபடி, அடுத்த ஆண்டு ஜூனில் முடியும். அதற்கேற்ப பணிகள் வேகப்படுத்தப்பட்டுள்ளன,'' என மத்திய அமைச்சர் வாசன் தெரிவித்தார். சென்னைத் துறைமுகத்திற்கு வந்து செல்லும், சரக்குப் பெட்டக லாரிகளால் நெரிசல் ஏற்பட்டு, வடசென்னை சாலைகளில் விபத்துகள் அதிகரித்து வருகின்றன. இதற்குத் தீர்வுகாணும் வகையில், 600 கோடி ரூபாயில், சென்னை - எண்ணூர் துறைமுகங்கள் இணைப்புச் சாலைத் திட்டம், துவக்கப்பட்டது. பல்வேறு சிக்கல்களால் முடங்கிய இந்தப் பணிகள், கடந்த ஆண்டில் வேகம் பிடித்தன. தற்போது, துறைமுக கட்டுப்பாட்டில், மீன்பிடி துறைமுகப் பகுதி தவிர, மற்ற பகுதிகளில் வேகமாக நடந்து வருகின்றன. இந்நிலையில், மத்திய அமைச்சர் ஜி.கே.வாசன், நேற்று அதிகாலை சென்னைத் துறைமுகம் வந்தார். வாயில்கள் அதிகப்படுத்தப்பட்டுள்ள ஜீரோ கேட், மீன்பிடி துறைமுகப் பகுதி, எண்ணூர் வரையில், சாலை விரிவாக்கப் பணிகளையும் ஆய்வு செய்தார். துறைமுகத் தலைவர் அதுல்யமிஸ்ரா, தேசிய நெடுஞ்சாலை ஆணைய அதிகாரி மோகன் உள்ளிட்டோர், பணிகள் குறித்து விளக்கமளித்தனர். பின்னர் நிருபர்களிடம் அமைச்சர் வாசன் கூறியதாவது: பல்வேறு தடைகளைத் தாண்டி, துறைமுக இணைப்புச் சாலைப் பணிகள் வேகமாக நடந்து வருகின்றன. மீன்பிடி துறைமுகப் பகுதியில், மீனவர்களுக்கு மாற்றுக் கடைகள் ஒதுக்க வேண்டியிருந்தது. சில நாட்களுக்கு முன், 86 கடைகள் ஒதுக்கப்பட்டுள்ளன. மீதமுள்ள 66 பேருக்கு, ஒரு வாரத்தில் கடைகள் வழங்கப்பட்டு விடும். பவானியம்மன் கோவிலை அகற்ற, பேச்சுவார்த்தை நடத்தப்பட்டுள்ளது. விரைவில், அவை வேறு இடத்திற்கு மாற்றப்பட்டு, இடம் ஒப்படைக்கப்படும். மாநில அரசு, துறைமுங்கள், தேசிய நெடுஞ்சாலை ஆணையத்தின் கூட்டு முயற்சியாக, பணிகள் வேகமாக நடந்து வருகின்றன. இதற்காக, சென்னைத் துறைமுகம் வழங்க வேண்டிய, 139.80 கோடி ரூபாயில், 67 கோடி ரூபாயும், எண்ணூர் துறைமுகம் தரவேண்டிய, 34.03 கோடி ரூபாயில், 17.5 கோடி ரூபாயும் வழங்கப்பட்டுள்ளது. மீதமுள்ள தொகை விரைவில் வழங்கப்படும். துறைமுக இணைப்புச் சாலைப் பணிகள், அடுத்த ஆண்டு ஜூன், ஜூலை மாதத்திற்குள் திட்டமிட்டபடி முடியும். சாலை விரிவாக்கப்பணிகள் முடிந்தால்தான், இந்தப் பகுதியில் இருந்து வரும் நெரிசல் பிரச்னைக்கு நிரந்தத்தீர்வு கிடைக்கும். இவ்வாறு ஜி.கே.வாசன் தெரிவித்தார்.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை