band for sand taking in kosos thalai river : court notice to government | கொசஸ்தலை ஆற்றில் மணல் எடுக்கத் தடை : அரசுக்கு ஐகோர்ட் நோட்டீஸ்| Dinamalar

கோர்ட் செய்தி

தமிழ்நாடு

கொசஸ்தலை ஆற்றில் மணல் எடுக்கத் தடை : அரசுக்கு ஐகோர்ட் நோட்டீஸ்

Added : ஜூன் 19, 2012
Advertisement
 
 
Advertisement
 
 
 
Advertisement

சென்னை : திருவள்ளூர் மாவட்டம் கொசஸ்தலை ஆற்றில் மணல் எடுக்கத் தடை கோரி, சென்னை ஐகோர்ட்டில் மனுத் தாக்கல் செய்யப்பட்டுள்ளது. மனுவுக்குப் பதிலளிக்க அரசுக்கு நோட்டீஸ் அனுப்ப உத்தரவிடப் பட்டுள்ளது. விளாப்பாக்கம் கிராம பஞ்சாயத்து தலைவர் வெங்கடேசன் தாக்கல் செய்த மனு: கெருகம்பூண்டி கிராமத்தில், மணல் குவாரிக்கு பொதுப் பணித் துறை அனுமதி வழங்கியுள்ளது. அதன் அருகில் உள்ள திருக்கனஞ்சேரி, அரும்பாக்கம், வெம்பேடு, மேல்செம்பேடு கிராமங்களிலும் மணல் எடுக்கின்றனர். இந்த கிராமங்கள் எல்லாம், கொசஸ்தலை ஆற்றை நம்பியுள்ளது. விவசாயம், குடிநீருக்கு இந்த ஆற்றின் நீர் ஆதாரத்தை நம்பியுள்ளனர். 30 அடியில் இருந்த நீர் ஆதாரம், 100 அடிக்கு சென்றுள்ளது. 2,000 யூனிட் மணல் எடுக்க அனுமதி வழங்கப்பட்டது. ஆனால், மூன்று லட்சம் யூனிட்டுக்கு மேல் மணல் எடுத்துள்ளனர். கிராம மக்கள் தர்ணா: சட்டவிரோத மணல் குவாரி நடப்பதைக் கண்டித்து, கிராமத்தினர் தர்ணா போராட்டத்தில் ஈடுபட்டனர். வெளிச் சந்தையில் ஒரு யூனிட் மணல் 2,000 ரூபாய்க்கு விற்கப்படுகிறது. ஆனால், பொதுப்பணித் துறை அதிகாரிகள், ஒரு யூனிட் மணலுக்கு 330 ரூபாய் என ரசீது கொடுக்கின்றனர். எனவே, திருவள்ளூர் மாவட்டத்தில் கெருகம்பூண்டி, திருக்கனஞ்சேரி, அரும்பாக்கம், வெம்பேடு, மேம்செம்பேடு கிராமங்களில் கொசஸ்தலை ஆற்றில் மணல் குவாரி செய்வதற்குத் தடை விதிக்க வேண்டும். ஆற்றில் எந்த அளவுக்கு மணல் எடுக்கப்பட்டுள்ளது என்பதை ஆய்வுசெய்ய, உயர்மட்டக் குழுவுக்கு உத்தரவிட வேண்டும். இவ்வாறு மனுவில் கூறப்பட்டுள்ளது. அரசுக்கு உத்தரவு: மனுவை தலைமை நீதிபதி இக்பால், நீதிபதி சிவஞானம் அடங்கிய "முதல் பெஞ்ச்' விசாரித்தது. மனுதாரர் சார்பில் வழக்கறிஞர் டி.எஸ்.ராஜமோகன் ஆஜரானார். மனுவுக்கு இரண்டு வாரங்களில் பதிலளிக்கும்படி, அரசுக்கும், பொதுப்பணித் துறை அதிகாரிகளுக்கும் நோட்டீஸ் அனுப்ப, "முதல் பெஞ்ச்' உத்தரவிட்டது.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை