board president ger notice for waste water mix with the kavery river | காவிரியில் கலக்கும் கழிவுநீர் மாசு கட்டுப்பாட்டு வாரிய தலைவருக்கு, "நோட்டீஸ்'| Dinamalar

கோர்ட் செய்தி

தமிழ்நாடு

காவிரியில் கலக்கும் கழிவுநீர் மாசு கட்டுப்பாட்டு வாரிய தலைவருக்கு, "நோட்டீஸ்'

Added : ஜூன் 19, 2012
Advertisement
 
 
Advertisement
 
 
Advertisement

சென்னை : காவிரியில் கழிவுநீர் கலப்பது குறித்து விளக்கம் கேட்டு, தமிழ்நாடு மாசு கட்டுப்பாட்டு வாரிய தலைவருக்கு, "நோட்டீஸ்' அனுப்ப, மனித உரிமைகள் ஆணையம் உத்தரவிட்டுள்ளது. கடந்த மாதம், 31ம் தேதி, ஆங்கில நாளிதழ் ஒன்றில், காவிரி நீர் மாசுபடுவது குறித்து, செய்தி வெளியானது. அதை அடிப்படையாகக் கொண்டு, சென்னையைச் சேர்ந்த வழக்கறிஞர் சுதன், மாநில மனித உரிமைகள் ஆணையத்தில், மனு தாக்கல் செய்துள்ளார். அதில், "ஈரோடு மாவட்டம், குமாரபாளையம், பள்ளிப்பாளையம் உள்ளிட்ட பகுதிகளிலிருந்து வெளியேற்றப்படும் கழிவுநீர், காவிரியில் கலக்கிறது. அதோடு, சாயப்பட்டறைகளிலிருந்து வெளியேறும் கழிவுகளாலும், காவிரி நீர் அசுத்தம் அடைந்து வருகிறது. இதை தடுக்க, ஆணையம் உரிய நடவடிக்கை எடுக்க வேண்டும்' என, தெரிவிக்கப்பட்டுள்ளது. மனுவை விசாரித்த மாநில மனித உரிமைகள் ஆணைய உறுப்பினர், ஜெயந்தி பிறப்பித்துள்ள உத்தரவில், "இதுகுறித்து, நகராட்சி நிர்வாகத் துறை இயக்குனர், தமிழ்நாடு மாசு கட்டுப்பாட்டு வாரிய தலைவர் ஆகியோர், மூன்று வாரத்திற்குள் உரிய விளக்கம் அளிக்க வேண்டும்' என, தெரிவிக்கப்பட்டுள்ளது.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை