lady doctor is the job of reader : notice for medical college | "ரீடர்' பணிக்கு பெண் டாக்டர்? மருத்துவக் கல்லூரிக்கு நோட்டீஸ்| Dinamalar

கோர்ட் செய்தி

தமிழ்நாடு

"ரீடர்' பணிக்கு பெண் டாக்டர்? மருத்துவக் கல்லூரிக்கு நோட்டீஸ்

Added : ஜூன் 19, 2012
Advertisement
 
 
Advertisement
 
 
 
Advertisement

சென்னை : எம்.ஜி.ஆர்., மருத்துவப் பல்கலையில் "ரீடர்' பணிக்கு, பெண் டாக்டரை தேர்ந்தெடுக்கத் தடைகோரி, சென்னை ஐகோர்ட்டில் மனு தாக்கல் செய்யப்பட்டுள்ளது. மனுவை விசாரித்த ஐகோர்ட், தற்போதைய நிலை தொடர உத்தரவிட்டுள்ளது. காஞ்சிபுரம் மாவட்டம் ஸ்ரீபெரும்புதூரில் உள்ள வேலுமயில் சித்த மருத்துவக் கல்லூரி முதல்வராக பாலகுருசாமி என்பவர் உள்ளார். இவர், ஐகோர்ட்டில் தாக்கல் செய்த மனு: இரண்டு "ரீடர்க'ள், ஒரு பேராசிரியர் பணியிடங்களுக்கு, எம்.ஜி.ஆர்., மருத்துவப் பல்கலைக்கழகம் விண்ணப்பங்களை வரவேற்றது. "ரீடர்' பணிக்கு, முதுகலை சித்த மருத்துவம் மற்றும் உதவிப் பேராசிரியராக, குறைந்தபட்சம் ஐந்து ஆண்டுகள் பணியாற்றிய அனுபவம் இருக்க வேண்டும். இந்தப் பணிக்கான நேர்முகத் தேர்வு, கடந்த மாதம், 21ம் தேதி நடந்தது. நான் கலந்து கொண்டேன். டாக்டர் கே.எஸ்.உமா என்பவரும், நேர்முகத் தேர்வில் கலந்து கொண்டார். ஆனால், "ரீடர்' பணிக்கான தகுதியை அவர் பெற்றிருக்கவில்லை. அந்தப் பணிக்கான அதிகபட்ச வயது வரம்பு, 40. டாக்டர் உமாவின் வயது, 47. நிர்ணயிக்கப்பட்ட தகுதியை அவர் பெற்றிருக்கவில்லை. அந்தப் பணியில் அவரை நியமிக்க, எம்.ஜி.ஆர்., மருத்துவப் பல்கலை முடிவு செய்திருப்பதாக தெரிகிறது. எனவே, "ரீடர்' பணியில் உமாவை நியமிக்க தடை விதிக்க வேண்டும். தகுதியற்ற நபர்கள் யாரையும் தேர்ந்தெடுக்கக் கூடாது என உத்தரவிட வேண்டும். இவ்வாறு மனுவில் கூறப்பட்டுள்ளது. மனுவை நீதிபதி என்.பால்வசந்தகுமார் விசாரித்தார். மனுவுக்குப் பதிலளிக்கும்படி, எம்.ஜி.ஆர்., மருத்துவப் பல்கலைக்கு நோட்டீஸ் அனுப்ப நீதிபதி உத்தரவிட்டார். அதுவரை தற்போதைய நிலை தொடரவும், நீதிபதி உத்தரவிட்டார்.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை