rules exceeds ont the sand dicking in kavery river : collector must answer this : order | காவிரி ஆற்றில் மணல் அள்ளுவதில் விதி மீறல் : கலெக்டர்கள் பதிலளிக்க உத்தரவு| Dinamalar

கோர்ட் செய்தி

தமிழ்நாடு

காவிரி ஆற்றில் மணல் அள்ளுவதில் விதி மீறல் : கலெக்டர்கள் பதிலளிக்க உத்தரவு

Added : ஜூன் 19, 2012
Advertisement
 
 
Advertisement
 
 
 
Advertisement

மதுரை : காவிரி ஆற்றுப் படுகைகளில் மணல் அள்ளுவதில் விதிமீறல் நடப்பதால், மணல் குவாரிகளுக்கு தடை கோரிய வழக்கில், திருச்சி உட்பட, ஐந்து மாவட்ட கலெக்டர்கள் ஆய்வு செய்து, அறிக்கை தாக்கல் செய்ய, மதுரை ஐகோர்ட் கிளை உத்தரவிட்டது. ஈரோடு காவிரி நீர்ப்பாசன ஆதார பாதுகாப்பு சங்க செயலர், மகேந்திரகுமார் தாக்கல் செய்த பொதுநல மனு: காவிரி ஆறால், கரூர், திருச்சி, தஞ்சாவூர், நாகபட்டினம், திருவாரூர் மாவட்ட விளை நிலங்கள், பாசன வசதி பெறுகின்றன; குடிநீர் ஆதாரமாகவும் திகழ்கிறது. காவிரி, கொள்ளிடம் ஆற்றுப் பகுதிகளில், 42 இடங்களில், மணல் அள்ள, அரசு உரிமம் வழங்கியுள்ளது. ஆற்றில், ஒரு மீட்டர் ஆழத்திற்கு தான், மணல் எடுக்க வேண்டும். விதியை மீறி, 10 மீ., ஆழத்திற்கு தோண்டி, மணல் அள்ளுகின்றனர். பொக்லைன் இயந்திரங்கள், இரண்டுக்கு பதிலாக, ஐந்து இயந்திரங்களைக் கொண்டு, லாரிகளில் மணல் அள்ளுகின்றனர். காவிரி கொள்ளிடம் ஆற்றுப் பகுதியில், மணல் குவாரிகளுக்கு தடை விதிக்க, உத்தரவிட வேண்டும். இவ்வாறு குறிப்பிட்டுள்ளார். இம்மனு ஏற்கனவே விசாரணைக்கு வந்தபோது நீதிபதிகள், "மணல் குவாரிகளில், இரண்டு பொக்லைன் இயந்திரங்கள் பயன்படுத்தப்படுவதை, கலெக்டர்கள் உறுதி செய்ய வேண்டும். தினமும் இரவு 7 முதல், மறுநாள் காலை 6 மணி வரை, மணல் எடுக்க அனுமதிக்கக் கூடாது' என, இடைக்கால உத்தரவிட்டனர். கரூர் மாவட்ட பா.ஜ., தலைவர் சிவசாமி, "கரூர் காவிரி ஆற்றுப் படுகை, திண்டுக்கல், வாங்கல் மணல் குவாரியிலும், 10 அடி ஆழத்திற்கு தோண்டி மணல் எடுக்கப்படுகிறது. இதனால், நீரூற்றுகள் பாதிக்கின்றன; மரங்கள் கருகி விட்டன' என, மற்றொரு மனு தாக்கல் செய்தார். திருச்சி மக்கள் சக்தி இயக்க அமைப்பாளர் சண்முகம், அன்பில் அரசு மேல்நிலை பள்ளி, பெற்றோர் ஆசிரியர் சங்க தலைவர் சுப்பிரமணியன், "லால்குடி அருகே அன்பில், கல்லணையிலும், காவிரி, அமராவதி ஆற்று கால்வாய்களிலும், மணல் அள்ள தடை விதிக்க வேண்டும்' என, மனுக்கள் தாக்கல் செய்தனர். நேற்று, இம்மனுக்கள் நீதிபதிகள் ஆர்.பானுமதி, பி.ராஜேந்திரன் கொண்ட பெஞ்ச் முன்னிலையில் விசாரணைக்கு வந்தது. நீதிபதிகள், "கரூர், திருச்சி, தஞ்சாவூர், நாகபட்டினம், திருவாரூர் கலெக்டர்கள் ஆய்வு செய்து, ஜூன் 29க்குள் அறிக்கை தாக்கல் செய்ய வேண்டும். ஏற்கனவே, இடைக்கால உத்தரவில் விதிக்கப்பட்டுள்ள நிபந்தனைகளை பின்பற்ற வேண்டும். விசாரணை, ஜூலை 2க்கு ஒத்தி வைக்கப்படுகிறது' என்றனர்.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை